အမောင် အပိုင်းတစ်ဆယ့်ခြောက်။ ။
နည်းနည်းလေးတောင်
အတိမ်းအစောင်းမခံချင်သော
မေတ္တာလမ်းသွယ်လေးပါ။
ကျုပ် ဂရုတစိုက် ခင်းကျင်းပေးပါ့မယ်။
ကျုပ် အသေအချာ ကြီးကြပ်ပါ့မယ်။
သတိ ခွေးဖြတ်မလျှောက်ရ
ကျုပ် ရင်ကွဲလိမ့်မည်။ ။
သူကြီးအိမ်ထဲရှိ သင်ဖြူးဖျာလေးပေါ်တွင် လူတစ်စု တိတ်ဆိတ်ကာ ထိုင်နေကြ၏။ ထိုလူအုပ်ကြားတွင် အုန်းပွဲငှက်ပျောပွဲမှာ အကျအန နေရာယူထားလျက်။
" ကျုပ်ကတော့ ထွေထွေထူးထူးပြောစရာမရှိပါဘူး။ မယ်ခင့်သဘောအတိုင်းပဲ ဆောင်ရွက်ပေးမှာပါ "
လူတိုင်းရဲ့ အကြည့်သည် ဒေါ်ခင်မူယာဆီသို့။ ထိုအခါ အရှက်ပိုသူ အမျိုးသမီးကြီးက ခေါင်းကိုငုံ့ကာ စကားဆိုလေ၏။
" ကိုကိုကြီးကို ခင် တောင်းပန်ပါတယ်။ ရှေ့မျက်နှာနောက်ထားလို့ ခင့်ကို အမောင်နဲ့ သဘောတူလက်ခံပေးပါ "
" ဟော မယ်ခင်ရယ်၊ ညည်းသဘောပါပဲဆို "
လက်ရှိအခြေအနေသည် အနည်းငယ် ကမောက်ကမနိုင်သော်လည်း ကြည်နူးချမ်းမြေ့ဖွယ်ကောင်း၏။ အမျိုးသမီးနှစ်ယောက်ရဲ့ စေ့စပ်ကြောင်းလမ်းပွဲလေးပင်။
ရွာမျက်နှာဖုံး သူဌေးကြီးတို့ လင်မယား၏ တစ်ဦးတည်းသော သမီးလေး လီလီယာမောင်မှ သာဓညရွာသူကြီးညီမ ဒေါ်ခင်မူယာအား လာတောင်းမြန်းခြင်းပင်။ ချစ်ခြင်းမေတ္တာထပ်တူပြုပွဲလေးတစ်ခုဖြစ်၏။ အလှဆုံးပြုံးနေသူနှင့် အရှက်သည်းနေသူ၊ ကျက်သရေရှိသော မင်္ဂလာစကားများနှင့် ခပ်လွင်လွင်ရယ်မောသံတို့။
" ကဲ ... ဒါဆို ကျုပ်တို့တွေ မင်္ဂလာရက်ရွေးကြတာပေါ့ဗျာ "
" ပြောရမှာအားနာပေမယ့် မင်္ဂလာပွဲကို ကျုပ် ဘိလပ်ကပြန်လာမှပဲ စီစဉ်လို့ရမလား သူကြီး "
" ဟေ လီလီက ဘိလပ်ကို ဘာသွားလုပ်ဖို့တုန်း "
" ကျုပ် ကျောင်းဆက်တက်ရဦးမယ် သူကြီး။ မိဘတွေကို ဘွဲ့ရအောင်ယူပြီးမှ အိမ်ထောင်ပြုပါ့မယ်လို့ ကျုပ် ကတိခံထားနှင့်ပြီးပြီမို့ပါ။ ကျုပ်ကို ခွင့်လွှတ်ပေးပါ "
ESTÁS LEYENDO
အမောင် (completed)
Romanceage gap (U/Z) " အမောင်ဟာ အမောင်ပါပဲ ထာဝရအတွက်ပေါ့ " ၅ ဇွန်လ ၂၀၂၂ - ၃ နိုဝင်ဘာလ ၂၀၂၂ 🗞️ " အေမာင္ဟာ အေမာင္ပါပဲ ထာဝရအတြက္ေပါ့ " ၅ ဇြန္လ ၂၀၂၂ - ၃ နိုဝင္ဘာလ ၂၀၂၂
