မနက်ဝေလီဝေလင်း ခြောက်နာရီ။
သူကြီးခြံထဲတွင် လုံမပျိုတစ်ချို့နှင့် ဒေါ်ခင်မူယာ အလုပ်ရှုပ်နေလေပြီ။ ယနေ့သည်ကား မြန်မာအတာသင်္ကြန် ပထမဆုံးရက် ( အကြိုနေ့ပင် )။
ဘုန်းကြီးကျောင်းအတွက် ဆွမ်းချိုင့်ပို့ရမည်ဖြစ်ပြီး မုန့်လုံးရေပေါ် အလှူလည်းရှိသေးတာမို့ ခင် ဗြာများနေရသည်။
" ဒေါ်ခင်မူယာ "
အမောင့်အသံကြောင့် မုန်လုံးနေကြသော လုံမငယ်များ ခေါင်းထောင်လာကြ၏။ ခင်လည်း ချောင်းတစ်ချက်ဟန့်ကာ အမောင့်အနားသို့ လျှောက်သွားလိုက်သည်။
" မနက်အစောကြီး ဘာကိစ္စလဲ အမောင် "
" သူများတွေမဦးခင် ကျုပ် ရေလာလောင်းတာ "
အိမ်မှယူဆောင်လာသော ငွေဖလားလေးဖြင့် ဒေါ်ခင်မူယာရဲ့ ပခုံးထက်မှနေကာ အတာရေလောင်းလိုက်သည်။ ဖလားအပြည့် ပါလာသောရေကြောင့် ဒေါ်ခင်မူယာ၏ ကိုယ်ခန္ဓာတစ်ခြမ်းလုံး သိသိသာသာ စိုသွားလေသည်။
" ကျုပ်တို့ကိုလည်း ရေမလောင်းတော့ဘူးလား လီလီ "
" ဒေါ်ခင်မူယာအတွက်ပဲ ကျန်တော့တာ အိမ်မှာက ရေကုန်သွားပြီ။ နောက်နေ့မှ လောင်းတော့မယ်နော် "
" လိမ်တယ်ညာတယ် လူညာကြီးရယ် ယုံအောင်ဖြီးတတ်တယ် "
လုံမလေးများ၏ စောင်းမြောင်းသီဆိုသံကြောင့် အမောင့်နားရွက်ဖျားလေး နီမြန်းလာသည်။ အမောင် ရှက်နေပုံကို ခင် ပထမဆုံးအကြိမ် မြင်ဖူးခြင်းပါ။ သွားတန်းဖြူဖြူလေးများပေါ်သည်အထိ ပြုံးနေရင်း ခေါင်းကိုလည်း အောက်ငုံ့ထား၏။ နားထင်နားကို လက်သည်းဖြင့် ခပ်ဖွဖွကုတ်သေးပြန်သည်။ ဒါဟာ အမောင်ရဲ့ ရှက်သွေးဖြာနေပုံလေးပေါ့။
" ပြန်တော့ အမောင် "
" ဘာလို့လဲ ဒေါ်ခင်မူယာ "
လက်ကိုဆွဲကာ ခြံရှေ့သို့ ဦးတည်နေသူ။ မေးတာကိုလည်း ပြန်မဖြေပဲ လုပ်ချင်တိုင်းလုပ်နေလေသည်။
" ဒေါ်ခင်မူယာ ကျုပ်မေးတာ ဖြေဦးလေ "
" သဝန်တိုလို့၊ အမောင်ကို အူတိုလွန်းလို့ ပြန်ခိုင်းနေတာ "
VOUS LISEZ
အမောင် (completed)
Roman d'amourage gap (U/Z) " အမောင်ဟာ အမောင်ပါပဲ ထာဝရအတွက်ပေါ့ " ၅ ဇွန်လ ၂၀၂၂ - ၃ နိုဝင်ဘာလ ၂၀၂၂ 🗞️ " အေမာင္ဟာ အေမာင္ပါပဲ ထာဝရအတြက္ေပါ့ " ၅ ဇြန္လ ၂၀၂၂ - ၃ နိုဝင္ဘာလ ၂၀၂၂
