ON AIR (completed)

ON AIR 1

လေတစ်ချက်အဝှေ့မှာ ညစ်နွမ်းနွမ်းလိုက်ကာစလေးက လှုပ်ခတ်သွားသည်။
တစ်စတစ်စ တိုးဝင်လာသော နေရောင်ခြည်က နေပြောက်ကလေးတွေ အဖြစ်သာ ထိုအခန်းထဲသို့ ဝင်ရောက်နိုင်ခဲ့သည်။

ဝါကျင့်ကျင့်မီးအိမ်လေးက မနက်ခင်းရောက်နေသည်အထိ လင်းနေဆဲပင်။
မီးအိမ်ပိုင်ရှင်လေးသည် မနက်ခင်းအားမေ့လျော့နေသလား။

အဖြေမရှိတဲ့ပုစ္ဆာကို တွက်ရင်း စာရွက်များကို လုံးချေလို့ပစ်ချခဲ့သည်။
အဓိပ္ပါယ်မရှိပေမယ့် ညလုံးပေါက်ထိုင်တွက်နေခဲ့သည့် ပုစ္ဆာငယ်သည် ထွေပြားချင်းကိုသာ ယူဆောင်လာခဲ့သည်။

ကြမ်းပြင်ပေါ် ​ ပြန့်ကျဲနေသောစက္ကူလုံး များအားကြည့်ပြီး မှိုင်းမိနေသောစိတ်ဓာတ်တို့က ပို၍ ပို၍သာ ဆိုးလာခဲ့သည်။

အဖြေမရှိတဲ့ ပုစ္ဆာတစ်ပုဒ်က စာရွက်တွေကို ကုန်ဆုံးလွင့်ပါးစေတယ်....
ဒါဆို ကျနော့်ရဲ့ ရှင်သန်ခြင်းကရော....

အကျိုးပြုခြင်း တစ်စုံတစ်ရာမရှိရှာတဲ့ ကျနော့်ရဲ့ရှင်သန်ခြင်းကရော ဘယ်အရာတွေကို အလဟသ ကုန်ဆုံးလွင့်ပါးစေခဲ့သလဲ။

*အကယ်၍.....ငါသာ....မရှိတော့ရင်*

စာရွက်အပိုင်းအစတစ်ခုပေါ် ထိုစာစုလေးကို ရေးခြစ်မိသည်။