မနက်ခင်းရယ်လို့ အစပြုဖော်ရလိုက်သည်နှင့် ဂျောင်ကု အိပ်ရာထက်မှ လူးလွန့်စွာ ထရတော့သည်။
သပ်သပ်ရပ်ရပ်ပြင်ဆင်ပြီးနောက် မနက်ခင်းကော်ဖီလာသောက်မည့် ဆော့ဂျင်ငယ်အတွက် ရေနွေးလေးလည်းတည်လို့ထားရသေးသည်။
အိပ်ရာခင်းအားပြန့်နေအောင်ပြုပြင်ပြီး အခန်းသန့်ရှင်းရေးလည်း လုပ်လို့ထားရသေးသည်။
ခုံပေါ်မှ နာရီကိုလှမ်းကြည့်မိတော့ 5:30 သာရှိနေသေးသည်။
"စောသေးသားပဲ!!"
ကုတင်ပေါ်တွင်ထိုင်နေရင်းမှ ဝတ်ထားသောအင်္ကျီကို ပြန်နမ်းကြည့်မိသည်။
"ချွေးနံ့ နံ့နေမလား!!"
တရှုံ့ရှုံ့နမ်းကြည့်ပြီးနောက် ဝတ်ထားသော တီရှပ်ကို ဆွဲချွတ်ကာရေချိုးလိုက်တော့သည်။
ရေစက်တို့စိုနေသော ရင်ဘက်တစ်ဝိုက်အား ရေသုတ်ရင်း ဗီရိုရှေ့၌အဝတ်အစားတို့ကိုရွေးချယ်နေမိသည်။
"ဆော့ဂျင်ငယ်ရှေ့မှာ ဒီအဝတ်အစားနဲ့ကြည့်ကောင်းပါ့မလား!!"
တီရှပ်တချို့ကို ကပ်ကြည့်ရင်း မှန်တွင်ပေါ်လာသော ပုံရိပ်ကိုကြည့်ကာ ခေါင်းတခါခါနှင့်ဖြစ်နေတော့သည်။
"အကျီလေးထပ်ဝယ်ဦးမှပါပဲ!!"
တစ်ကိုယ်တော် ရေရွတ်မြည်တမ်းနေဆဲမှာပင် ringtone သံအပြည့်ထည့်ထားသော ဖုန်းလေးက မြည်လို့လာခဲ့သည်။
*SJN*
contact လေးကို မြင်လိုက်သည်နှင့် ဂျောင်ကုပြုံးရွင်ကာပင် ကိုင်လိုက်သည်။
"ဟဲလို..ဆော့ဂျင်ငယ်!!"
"ဂျွန်.. ကျနော်ရောက်ပြီ!!"
"ခြံရှေ့မှာလား!!"
"ဟုတ်တယ် ဂျွန်!!"
"ခဏစောင့်.. ကျနော်လာဖွင့်ပေးမယ်!!"
ဖုန်းလေးကိုချလိုက်သည်နှင့် ရွေးလက်စအကျီတွေထဲမှ အဖြူရောင်တီရှပ်ကိုသာကောက်စွပ်လိုက်ရသည်။
အိမ်ရှေ့တံခါးပြေးဖွင့်ခါနီးမှ တဗွက်ဗွက်နှင့်မောနေအောင်ဆူနေရရှာသောရေနွေးအိုးကိုလညိးပြေး၍ပိတ်ရသေးသည်။
