ပြေးဆင်းကာ ထွက်သွားရသော ဆော့ဂျင်ငယ်ရဲ့ကျောပြင်လေးကိုသာ မျက်စိတဆုံးကြည့်ပြီးနောက် အခန်းထဲသို့ဝင်ခဲ့သည်။
ရေချိုးမည့်ဆဲဆဲဖစ်နေသည့်အတွက် ခြေလှမ်းတို့သည်ရေချိုးခန်းဆီသို့သာ...
သို့သော် ကုတင်ဘေးနားရှိ ရေဒီယိုလေးဘက်သို့လှည့်ကြည့်မိသောအခါ ပြုံးပြမိသေးသည်။
သူ့ကြောင့်...သူ့ကြောင့်သာလျှင်ထိုကြိုးလေးကိုငြိတွယ်မိလေတာ...
လျှော်မည့်တောင်းထဲမှ အကျီတစ်ထည်အားယူပြီးနောက် ရေဒီယိုလေးရှိရာသို့ လျောက်လှမ်းလိုက်သည်။
ဟူးခနဲ မြည်အောင် ဖုန်တချို့ကို မှုတ်ထုတ်လိုက်သည်။
ထို့နောက် ယူလာသော အင်္ကျီလေးဖြင့် ရေဒီယိုလေးကို ပြောင်စင်လေအောင် ဖုန်သုတ်ပေးလိုက်သေးသည်။
"ကျေးဇူးပါကွာ...ငါ့ဘဝထဲ ဆော့ဂျင်ငယ်ကိုရှိစေခဲ့လို့!!"
ရေဒီယိုလေးအား လက်ဝါးလေးဖြင့်ပွတ်နေရင်းမှ ပြောဖြစ်နေခဲ့သေးသည်။
နာရီတစ်ချက်ကြည့်ပြီးနောက် ရေဒီယိုလေးကိုဖွင့်လို့ထားခဲ့သည်။
အိမ်မှာဆော့ဂျင်ငယ်နှင့်တွေ့ရသည်ဆိုပေမယ့် မနက်7:00 တိုင်းတွင် ဆော့ဂျင်ငယ်အသံကို ကြားရမှသာလျှင် စိတ်ချမ်းသာမှုအပြည့်ရှိလေသည်။
ရေဒီယိုအားအသံကုန်ဖွင့်ထားရင်းနှင့်ပင် ရေချိုးမည့်အစီအစဥ်အားပြန်လည်စတင်ရလေသည်။
"ကျနော်တို့ရဲ့ တစ်နေ့တာအစ ကောင်းသောဆုမွန်ကောင်းစကားတွေနဲ့ စတင်ဖို့ morning call အစီအစဥ်လေးနဲ့အတူ ဟောဒီက ကင်ဆော့ဂျင်လေးရောက်ရှိလာပါပြီ!!"
ရေချိုးနေစဥ် ရေသံများကြားမှ ဆော့ဂျင်ငယ်၏အသံကိုကြားလေတော့ ရေပန်းဘက်သို့မျက်နှာမူလိုက်ရင်းပြုံးနေဖြစ်သေးသည်။
"ဒီစကားလေးက ကျနော့်ကိုချုပ်နှောင်ခဲ့တာ ဆော့ဂျင်ငယ်ရေ!!"
တစ်ကိုယ်တည်းရေရွတ်နေပြီးကာမှ ရေမကျတော့အောင် ပိတ်လိုက်လေသည်။
သဘက်တစ်ထည်အားခါးတွင်ပတ်ပြီးနောက် ခန္ဓာကိုယ်ပေါ်ရှိ ရေစက်တစ်ချို့အား မျက်နှာသုတ်ပဝါတစ်ထည်ဖြင့်ရေသုတ်နေခဲ့သည်။
