عندما فتح سليم الباب فوجئ برجل وامرأة لا يعرفهما، فتسائل باستغراب:
مين حضرتك!
كاد الرجل أن يجيبه ولكن سبقته نور عندما قالت باستغراب:
اي ده...بابا وماما انتوا جيتوا امتي؟
استغرب سليم من وجود والديها ولكنه أفسح المجال بأدب ليدلف والديّ نور للداخل قائلاً بهدوء:
اتفضلوا
دلف عصام وتبعته هالة إلي الغرفة فكررت نور سؤالها في حيرة:
ماما انتي بتعملي اي هنا...وليه قولتي لبابا انا مش قولت لحضرتك جاية علي طول مش هتأخر؟
تحدث عصام قائلاً:
احنا مش جايين عشانك انتِ...مامتك قالتلي انك لقيتي بنت متعورة في الطريق فاحنا جايين نتطمن عليها
ثم نظر لسليم وقال:
اتمني وجودنا هنا ميكونش يدايق البشمهندس...احنا جايين نتطمن ونعمل الواجب ونمشي علي طول مش هندايقكم.
ابتسم سليم وقال:
وجود حضرتك والمدام ده يشرفنا واحنا بجد بنشكركم جدا علي تعبكم وعلي تعب الآنسة نور مع أختي.
عصام:
تعب اي ياراجل الناس لبعضينا.
تقدمت هالة ناحية الفراش ووجهت حديثها لإيثار قائلة:
عاملة اي يا حبيبتي بقيتي أحسن؟
أجابت إيثار:
الحمد لله ياطنط بقيت كويسة.
عصام:
حمد لله علي سلامتك يا بنتي!
إيثار:
الله يسلمك يا عمو.
وجه عصام حديثه لنور وهالة قائلاً:
طالما هي كويسة وأخوها معاها أهو...يبقي احنا لازم نمشي.
اعترض سليم قائلاً:
لسه بدري ميجيش من تعب المشوار حضرتك...ده احنا لسه متعرفناش علي بعض حتي.
قال عصام بهدوء:
بشمهندس عصام الدمنهوري والد نور ودي زوجتي.
صافحه سليم قائلاً بابتسامة:
سليم عماد المنشاوي محامي...اتشرفت بحضرتك يا بشمهندس.
تدخلت إيثار قائلة بفخر:
أبيه سليم وكيل نيابة قد الدنيا.
ابتسم سليم ونظر لشقيقته قائلاً بمزاح:
بس يابت انتِ خليكي في دماغك المفتوحة دي.
مطت شفتيها بحزن طفولي وقالت:
بقي كده يا أبيه بتعايرني يعني.
ابتسم عصام وقال:
ربنا يباركلك فيها...سيبها يا سيدي تتفشخر بيك براحتها
كاد سليم أن يجيبه ولكن منعه صوت رنين هاتفه فأخرجه من جيب حلته الرسمية ووجهه حديثه معتذرا لعصام:
عذراً هرد علي الفون لحظة.
أجاب علي والدته قائلاً:
السلام عليكم.
أتاه صوت والدته تقول بقلق جليّ:
سليم...إيثار اتأخرت أوي في الدرس وبتصل بيها مش بترد وكلمت زمايلها قالولي مشيت من بدري...انا هموت من القلق يا سليم...اختك عمرها ما عملتها.
أنت تقرأ
نـــور
Romanceلم أعد أدري من أنا. دائما كنت حرة اسعي لتحقيق ذاتي وبناء شخصيتي ولكن فجأة اكتشفت ان كل ما حققته سراب احلام لا تناسبني وحياة لا أنتمي إليها انظر في المرآة لعلي اعرفني ولكن باءت كل محاولاتي بالفشل من انا ؟! من تلك الفتاة التي اراها ؟! انا لا اعرفه...
