حدق عمر بها بصدمة ثم قال بحدة:
موضوع اي اللي ننهيه...اي الكلام ده يا حماتي؟
قالت نادية:
ده مش كلامي يابني ده كلام خطيبتك.
عقد حاجبيه بحيرة وقال:
فهميني فاتن قالت اي عشان انا مش فاهم أي حاجة خالص.
قال جمال بهدوء:
فاتن مش لابسة خاتمها ولما سألتها أمها قالتلها ده موضوع وانتهي.
أحمر وجه عمر من شدة الغضب وقال بنبرة صارمة:
هو اي اللي موضوع وانتهي...هو لعب عيال ولا اي.
قال جمال بحيرة:
يعني اي يابني الكلام ده.
قال عمر بحنق:
انا اللي بسألك معناه اي الكلام ده يا عمي!
قالت نادية بحيرة:
طب يمكن انت زعلتها وكانت منفعلة فقالت أي كلام وخلاص.
زفر عمر بضيق واضح وقال بنفاذ صبر:
محصلش أي حاجة يا حماتي...من ساعة ما اتخطبنا وربنا شاهد إني بنفذلها كل طلباتها ومش بزعلها خالص...بس واضح إن هي اللي بتلكك.
تسائل جمال بعدم فهم:
بتلكك ازاي يعني؟
عمر:
كل ما نتقابل لازم تتخانق وبدون أي سبب...لازم تخترع حاجة وتعمل خناقة من مفيش وانا لازم اصالح واراضي واعمل اللي ما يتعملش عشان الدنيا تمشي ومبنقعدش يومين متصالحين وتتخانق تاني وبردو بدون أي سبب.
قالت نادية:
يابني ده طبيعي مفيش اتنين مش بيحصل بينهم مشاكل.
عمر:
انا عارف يا حماتي...بس مفيش اتنين حياتهم كلها خناق وبدون أي سبب.
قال جمال بهدوء:
طب اهدي يابني واقعد كده...وانا هتصل بيها واقولها تجي فورا لازم نفهم ونحط النقط علي الحروف.
قال عمر باقتضاب:
ياريت ياعمي.
بالفعل اتصل جمال بابنته وأخبرها أن تأتي فورًا وجلسوا جميعًا بانتظارها.
-------------
في كافتيريا الجامعة.
كانت نور تجلس مع إحدي صديقاتها يتحدثان في أمر ما.
قالت الفتاة بحماس:
ها يانور قررتي تلبسي اي في الحفلة؟
قالت نور باستغراب:
حفلة اي؟!
قالت:
حفلة التخرج يا بنتي.
قالت نور بتذكر:
ااه حفلة التخرج.
قالت الفتاة بحماس:
انا من بداية الترم التاني وانا بختار الفستان للحفلة...لفيت علي المحلات كتير ومعجبنيش ولا حاجة فقررت إني اتعامل مع مصمم مشهور عشان يعملي الفستان وبجد متحمسة اووي للحفلة...ها انتي اخترتي الدريس ولا لسه.
قالت نور:
لا انا مش هكون في الحفلة أصلا.
قالت الفتاة بصدمة:
لييه كده يانور...ده الدفعة مجهزة برنامج تحفة هننبسط اوي.
أنت تقرأ
نـــور
Romanceلم أعد أدري من أنا. دائما كنت حرة اسعي لتحقيق ذاتي وبناء شخصيتي ولكن فجأة اكتشفت ان كل ما حققته سراب احلام لا تناسبني وحياة لا أنتمي إليها انظر في المرآة لعلي اعرفني ولكن باءت كل محاولاتي بالفشل من انا ؟! من تلك الفتاة التي اراها ؟! انا لا اعرفه...
