انعقد لسانها من الصدمة، نظرت إليه فوجدته ينظر إليها بابتسامة عاشقة، كان يبدو وسيمًا للغاية في حلته الرمادية التي يرتديها، خصلاته المصففة بعناية ولحيته الخفيفة زادته وسامة.
لكزتها والدتها وقالت بصوت هامس:
انتِ متنحة علي اي يابت ما تقدمي العصير للضيوف.
تدراكت الموقف وأدعت الخجل ثم تقدمت منهم باستحياء وقدمت لهم العصائر ثم ذهبت لتجلس بجانب والديها وشقيقتها.
قال والدها بابتسامة:
البيت نور بيكم.
بادله سليم الابتسام قائلاً:
البيت منور بأهله.
قالت وفاء بابتسامة هادئة:
تعالي يا حبيبتي اقعدي جمبي هنا.
نهضت فاتن ومشت في استحياء تجاه الأريكه لتجلس بجانب وفاء.
حمحم سليم قائلاً بنبرة جدية:
طبعا احنا جايين نطلب ايد الآنسة فاتن بنت حضرتك لعمر أخويا.
قال جمال:
ده شرف لينا يا سليم بيه والله.
سليم:
سليم بس بقي احنا خلاص هنبقي أهل ولا اي.
ابتسم جمال قائلا:
اه طبعا.
قال سليم بنبرة رزينة:
خلاص يبقي نشيل الألقاب ونتكلم في موضوعنا، احنا يشرفنا إننا نناسب حضرتك وكل طلباتك وطلبات الآنسة فاتن بإذن الله مجابة مش كده ولا اي يا عمر؟
أيد عمر كلام شقيقه وقال:
اكيد طبعا.
قال جمال بنبرة جادة:
انا معنديش مشكلة انا مش هلاقي لبنتي أحسن من دكتور عمر، ولكن في النهاية ده قرار العروسة.
اومأ سليم متفهما وقال بهدوء:
اكيد طبعا أهم حاجة موافقة العروسة.
تدخلت والدتها قائلة:
طب احنا مش هنسيب العرسان لوحدهم شوية عشان يتعرفوا علي بعض ويتكلموا شوية.
قالت وفاء بابتسامة مجاملة:
اه طبعا لازم يتكلموا يا حبيبتي.
ترك الجميع فاتن وعمر بمفردهم لكي يتحدثوا قليلاً وذهبوا لغرفة أخري ولكنها تطل علي هذه الغرفة أي أنهم يمكنهم رؤيتهم.
اقترب عمر منها بينما هي مازالت في حالة صدمة، فقال بمزاح:
اي الجميل هيفضل متنح كده كتير ولا اي.
نظرت إليه فاتن باغتياظ وقالت:
بقي دي عملة تعملها فيا يا عمر...احنا مش اتفقنا بعد الترم ده تتقدملي.
قال عمر:
يافاتن انا خلاص مبقتش قادر استحمل بعدك عني اكتر من كده...انا لا عارف اقرب منك ولا ابعد...لازم علاقتنا تبقي بشكل رسمي...هنعمل خطوبة وفي الإجازة نتجوز علي طول كفاية تضييع وقت لحد كده.
جحظت عينيها وقالت بصدمة:
اييه نتجوز في الإجازة!
نظر إليها بشك وقال بانفعال بسيط:
هو في اي يا فاتن انا مبقتش فاهمك، واحدة غيرك كان زمانها طايرة من الفرحة دلوقتي، لكن انا شايف العكس كأنك مش عايزه نتجوز اصلا.
أنت تقرأ
نـــور
Romanceلم أعد أدري من أنا. دائما كنت حرة اسعي لتحقيق ذاتي وبناء شخصيتي ولكن فجأة اكتشفت ان كل ما حققته سراب احلام لا تناسبني وحياة لا أنتمي إليها انظر في المرآة لعلي اعرفني ولكن باءت كل محاولاتي بالفشل من انا ؟! من تلك الفتاة التي اراها ؟! انا لا اعرفه...
