اندهشت والدتها بشدة وانعقد لسانها من الصدمة بعدما قالت نور:
وهو كمان معجب بيا يا ماما.
قالت هالة بصدمة:
يعني اي...هو اي اللي الحكاية بالظبط؟
نور:
بس صدقيني يا ماما رفضي لمازن ملوش أي علاقة بسليم.
قالت هالة بجدية:
سيبك من مازن دلوقتي وقوليلي اي موضوع سليم ده الاول.
تنهدت نور وقالت بهدوء:
ماما حضرتك وبابا عودتوني علي الصراحة من صغري وانا هحكيلك كل حاجة عشان مينفعش اخبي اكتر من كده.
قالت هالة بترقب:
قولي يا نور انا سمعاكي.
نور:
لما تعبت آيات من فترة قبل ما اعرف إيثار حتي...لما روحنا كلنا وبعدين حضرتك وبابا روحتوا وفضلت انا معاها لما جيت امشي مازن وقفني وقالي انا عايز اتكلم معاكي...ساعتها قالي انا بحبك وعايز اتجوزك انا اتصدمت دي اخر حاجة كنت اتوقع يقولها لاني مش شايفاه غير اخ وبس...وفعلا كنت هقوله كده لكن رفض يسمعني وقالي انا مش عايز منك رد دلوقتي...بعدين انا طلعت وساعتها قابلت إيثار وحضرتك عارفة موضوع إيثار...بقيت اتجنب مازن بقي يرن عليا مرضاش ارد حتي آيات مكنتش بروح اسأل عليها غير لما اكون متأكدة إنه في الشركة، لحد ما طلعت مرة من الجامعة لقيته مستنيني ساعتها انا قولتله انت اخويا يا مازن واتمني ده ميأثرش علي علاقتنا كاولاد عم لاني بحترمك وبقدرك بس مش شايفاك غير اخ يامازن...ساعتها هو قالي بس احنا مش اخوات يانور وسابني ومشي.
هالة:
وبعدين؟
أكملت نور حديثها:
بعدين كلم دانية وقالها عقلي صاحبتك وعرفيها اننا ملناش غير بعض وإنها مش هتكون لحد غيري وهكذا كل شوية نفس الموال ومش راضي يفهم إني مش بحبه وهو زي اخويا.
هالة:
دي حكاية مازن سليم بقي اي حكايته.
قالت نور:
بس مازن لسه حكايته مخلصتش ياماما ومع ذلك هقولك حكاية سليم...صدقيني مفيش أي حاجة ياماما...انا مش بتعامل معاه خالص يدوب لو اتقابلنا ازيك يا آنسة نور بخير يا أستاذ سليم مفيش اكتر من كده ياماما.
تسائلت هالة:
اومال اي حوار بيحبك وبتحبيه ده.
شعرت وكأنها تسرعت عندما أخبرت والدتها ولكنها لم تعتاد علي الكذب وكذلك مازن يحتاج لما يوقفه عند حده فلقد تمادي كثيراً، قالت نور بخجل:
منكرش ياماما إني أعجبت بسليم وشخصيته، إيثار بتحكي عنه كتير وانا بشوف تعامله وحنيته مع والدته واخته وكمان هو شخص متدين وملتزم فحسيت إني اتشدتله بس اقسم لك يا ماما عمري ما تجاوزت حدودي ولا حتي كان بينا أي كلام وهو ميعرفش اصلا إني معجبة بيه...مفيش حد يعرف غير حضرتك ودانية بس.
ربتت والدتها علي كتفها وقالت بحنو:
مش محتاجة تحلفي يانور...مش معني إني بسألك ابقي شاكة فيكي...انا واثقة في بنتي كويس وعارفة إنها عمرها ما هتعمل حاجة غلط ولا تكسر ثقتنا فيها...بس كل الحكاية إني عايزه اعرف الموضوع.
أنت تقرأ
نـــور
Romanceلم أعد أدري من أنا. دائما كنت حرة اسعي لتحقيق ذاتي وبناء شخصيتي ولكن فجأة اكتشفت ان كل ما حققته سراب احلام لا تناسبني وحياة لا أنتمي إليها انظر في المرآة لعلي اعرفني ولكن باءت كل محاولاتي بالفشل من انا ؟! من تلك الفتاة التي اراها ؟! انا لا اعرفه...
