تسمرت نور محلها من شدة الصدمة وظلت تطالعهم بعدم تصديق، دار بعقلها العديد من الأسئلة، كيف تكون ابنتهم كيف؟ وتلك الفتاة التي كانت بجانبهم وقت الحفل.
خرجت عن صمتها أخيرًا وقالت بتوهان:
انا مش فاهمة حاجة...بنتكم ازاي يعني؟
أخرج شريف هاتفه ليريها صورة ما، صورة لشريف وداليا وابنتهما.
وجه الهاتف ناحية نور وقال:
دي آخر صورة لبنتي قبل ما تضيع مننا.
شعرت أن الأرض تدور تحت قدميها، لا تصدق ما تراه عينيها، كانت الصدمة قوية للغاية، الصورة لشريف وداليا وابنتهما، تلك الفتاة الصغيرة هي تعرفها جيدًا، إنها هي، وكذلك داليا تشبهها جدا وكأنها هي،
تشبهها لدرجة غريبة، كأنها تري نفسها وليس فتاة آخري.
أشارت إلي الطفلة وقالت بصدمة:
دي...دي أنا! طب ازاااي؟
ثم أشارت إلي داليا والتي كانت نسخة منها ثم قالت:
ودي! دي كأنها أنا؟ مين دي...انا مش فاهمة حاجة.
نظر شريف إلي داليا وقال بهدوء ظاهري:
داليا ارفعي النقاب.
استجابت داليا لزوجها ورفعت نقابها فرأت نور وجهها لأول مرة، فكانت صدمة جديدة أنها تشبه داليا بدرجة كبيرة.
شعرت أن قدميها لم تعد قادرة علي حملها، فجلست علي الكرسي وقالت بعدم فهم:
انا مش فاهمة حاجة...ازاي صورتي والشبه... انا مش فاهمة حاجة!
أشفقت داليا عليها وهي تري في حيرة شديدة فقالت:
اهدي يا حبيبتي.
قالت نور بانفعال:
اهدي ازااي...البنت اللي معاكم دي تبقي انا وحضرتك في الصورة كأنك انا...الشبه بينا غريب كأننا واحد...طب ازاي؟
قال شريف:
احنا لازم نعمل تحليل ونتأكد.
قالت داليا:
تحليل اي يا شريف احنا مش محتاجين تحليل كل الأدلة بتقول إنها نور بنتنا...وانا قلبي بيقولي إنها بنتي.
قال شريف:
وانا زيك يا داليا بس لازم نتأكد...عشان نعرف ازاي تحليل نسمة طلع إيجابي وهي مش بنتنا.
قالت نور:
بنتكم اي بس...انا حاسة إني في دوامة كل ما احاول اخرج منها الاقي دوامة أكبر.
وضعت رأسها بين كفيها وأغمضت عينيها بحيرة شديدة.
قالت داليا بصوت حاني:
دوامة اي بس يا بنتي!
اقترب منها شريف وقال:
احنا لازم نعمل التحليل دلوقتي حالا مش هستني لحظة زيادة ومش لازم أي حد يعرف لحد نا النتيجة تظهر ونفهم اي اللي بيحصل بالظبط...انا هروح اشوف الدكتور عشان نعمل التحليل.
غادر شريف الغرفة بينما نور مازالت علي حالتها من التخبط والحيرة، حزنت داليا بشدة وقالت:
نور...انا عارفة إن النتيجة لسه مظهرتش...بس انا قلبي بيقولي إنك بنتي...بس ليه شايفة نظرة الحزن دي في عيونك...انتِ زعلانة إننا أهلـ..
أنت تقرأ
نـــور
Romanceلم أعد أدري من أنا. دائما كنت حرة اسعي لتحقيق ذاتي وبناء شخصيتي ولكن فجأة اكتشفت ان كل ما حققته سراب احلام لا تناسبني وحياة لا أنتمي إليها انظر في المرآة لعلي اعرفني ولكن باءت كل محاولاتي بالفشل من انا ؟! من تلك الفتاة التي اراها ؟! انا لا اعرفه...
