صدم سليم عندما رآه وكذلك شعر بالسعادة لأنه لم يعد مريض فهو يبدو بخير، ولكن أدعي الجمود قائلاً:
خلاص روحي انتِ يا أنسة أماني.
ثم نظر إلي أخيه الذي مازال ينظر له بابتسامة وقال:
خير جاي ليه؟
قال عمر بنبرة مرحة:
فاضي شوية نشرب قهوة في حتة بعيدة؟
قال سليم بجمود:
لا.
أكمل عمر بنفس نبرته المرحة:
طب اعزمني علي نكتة جديدة طيب.
نظر سليم للجهة الآخري حتي لا يضعف أمام مزاح شقيقه وقال:
لا.
قال عمر بمزاح:
طب اضحك وخلي حساب الضحكة عليا ياجدع.
نظر إليه سليم نظرة ثاقبة وقال:
اخلص ياعمر وهات من الآخر عايز اي عشان انا مش فاضيلك.
قال عمر:
طب قولي اتفضل اقعد...اسألني اشرب اي...اي حاجة من باب الاتيكيت يامتر.
سليم:
عـمـر!
جلس عمر وقال بهدوء:
بصراحة انا مش جاي عشان حاجة واحدة انا جاي عشان اكتر من حاجة.
سليم:
خير.
قال عمر بابتسامة:
اول حاجة انت وحشتني وجاي عشان اعتذرلك وابوس راسك كمان واقولك حقك اخر حوار بينا مكنش لطيف ومقصدش أعلي صوتي عليكي ولا امد ايدي...انا اسف يا سليم...والله ما اقدر علي زعلك انت مش عارف الفترة اللي فاتت دي انا مش طايق نفسي بجد عشان انت زعلان مني.
قال سليم بهدوء:
بس انت عارف كويس إني مش زعلان منك عشان انت عليت صوتك عليا ولا الكلام الفاضي ده...انت عارف كويس اوي اي السبب ياعمر.
قال عمر بندم:
عارف يا سليم وصدقني توبت وعمري ما هعمل كده تاني...عمر القديم خلاص هيتغير وبقي أحسن بكتير وده وعد مني يا سليم.
نهض سليم من مقعده وجلس علي المقعد المقابل له وقال:
يعني افهم من كده إنك عرفت غلطك وندمت.
عمر:
ايوة يا سليم وعمري ما هكرره تاني انا فوقت خلاص...انا كنت في دوامة بس فوقت لنفسي ورجعت لربنا وتوبت وعاهدته إني هتغير وصدقني يا سليم من النهاردة هتشوف بني آدم تاني خالص.
ابتسم سليم بسعادة وهو يري شقيقه يعود إليه مرة أخري، نهض ووضع يده علي كتفه فنظر إليه عمر بنظرة منكسرة فابتسم سليم وقال:
وربنا غفور رحيم وهيقبل توبتك أهم حاجة تكون صادقة...وأما بالنسبة لحوار بني آدم تاني ده...انا مش عايز بني آدم تاني انا عايزك ترجعلي عمر اخويا وابني وصاحبي اللي انا اعرفه كويس.
امتلأت عيني عمر بالدموع ونهض ليعانق أخيه بشدة وهو يقول ببكاء:
حقك عليا يا سليم...انا اسف انا كنت غبي وكنت هدمر نفسي واخسر كل حاجة...اوعدك إني هتغير وهخليك دايما فخور باخوك إنه إنسان محترم وكويس.
أنت تقرأ
نـــور
Romanceلم أعد أدري من أنا. دائما كنت حرة اسعي لتحقيق ذاتي وبناء شخصيتي ولكن فجأة اكتشفت ان كل ما حققته سراب احلام لا تناسبني وحياة لا أنتمي إليها انظر في المرآة لعلي اعرفني ولكن باءت كل محاولاتي بالفشل من انا ؟! من تلك الفتاة التي اراها ؟! انا لا اعرفه...
