المطر الأسـود ( مكتملة )

الحلقة 3

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت الثالث
..

" عفتوني اعله واسي چم شري أنباع وأتعثر
يكوني بعودي ماكو سنين خاطر ما انبت وأثمر
أفا تبدل حجيكم ليش؟ معقولة العمر أثر !
هلي خلو الحجي مدثر
انه شبيدي العمر ركضة
هلي انه لو بيدي ما أكبر
مثل حال العراق وياي
عشت وياكم بغربة
الماي الما تحضنه جروف مايندل بعد دربه
أهل روحي شبلاكم بنيتكم طاحت لو ما تنحضن صعبة
هلي الماله عرف بلگاع يضل ياهو اليجي يشربه
بيا دنيا ابرد وارتاح هاي الدنيا تجويني
هلي منكم عرفت النوح يجفي الماي البعيني
هلي صرت محراب صلت بيه ناس هواي بس محد مصليني .. هلي منكم صرت نيشان ادلي التايه من بعيد
بس ماكو اليدليني .. هلي ماكو اليدليني .. وينه اليدليني

رسيل .. جاي يحجي سيد عابد وما نسمع بس صوت الفشك صرع راسي صرع الزلم كلهه اطافرت طلعت وراهم وجان اشوف ثلث زلم امددين بلگاع ودمهم يصب واحد منهم خضر عله صوت صريخ النساوين وبواجي الاطفال

سامي .. بووووية خضرر تصوب اللحكك

رسيل .. على وكفتي بين النايمه وبين الصاحيه احس روحي ماعت ومامن مره تساعدني منين ماادير راسي

زلم واحدهم شطوله ملتمه وتتصايح على الواكعين ودمهم بطولهم ظليت ابجي بنحيب..

وبكتهه عقلي كلي الحكي روحج رسيل اخوج ماكتل هل زلمتين الاقاصدج

چان اطبگ نعالاتي و افلت ايدي على راسي نوبه اغمض نوبه افتح تك عين خفت الچح

واحد منهم وتكمل الطرگاعه على راسچ يرسيل

ضليت ادك على باب حوشنه بقوه احس ايدي تفلشت و گلبي يخفك خفك وبين كل ثانية وثانية ادير اباوع وراي

انفتح الباب ومااحس غير بس بختي متمرغله بلكاع وتبجي وتصيح وخالتي اثيله لازمتها لاتأذي نفسه

باوعت بتول هاي.. اجت ذبت روحها وشبگتني انه چيتت درعمت عليهم ادرعم بعيون الخوف عماها

تبهه من سمعت بتول عاطت بأسمي اجتي والدموع عشره عشره وجهه احمر

اجت خلت راسها ضميتها لصدري و احسها تسعر نار اختي

تبهه .. ولج وعلي اجيت اموت وراج رسيل دربي مافرزنته من شفت اخوج خذا سلاح ابوي وطلع بي كلت راح يكتل رسيل لان اهل السلف التمت عليه وسودنته تكله شمالك خال اختك تايهه

رسيل .. خليت اديه على عيوني وبجيت بقهر الله يصخم وجهم وين تايهه هل كاعده بلبيت من فتحت عيني على الدنيا ولهسه

تبهه .. انتي ليش اجيتي هنا ولج رسيل اخونه ناويلج على نييييه بس الله العالم بيها

رسيل .. چا وين اروح ياتبهه ماتكليلي هذا بيتي معقوله اخاف ادش لبيتي