المطر الأسـود ( مكتملة )

الحلقة 17

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت السابع عــشر
.......
علمني الوكت اصبر علة الراح
واعيش بهل زمن وَتنعم بقهري
وَكابر على الجرح ومسح دموع العين
وچوي النار بيدي ونچوي بجمري
مشيت وية الحزن من الصغر لليوم
وتحملتة رغم طعناتة لبضهري
ودكول الناس بضحك ابد مامهمومه
مايدرون همي مخزن بصدري
دنية وياي تمشي مگلوب
تسرگ ضحكتي وتتحكم بعمري
خذت مني العزيز وباگت الخلان
وخلتني بهضيمة وحايره بهمي
.....

رسيل .. هاا خضر

خضر .. مادام سميره هنا
اريدن عشه من ايدج

رسيل .. ياا من عيوني تدلل

خضر .. بعد كلبي. مريتي

رسيل .. انه زهبت الغراض يمته نتوكل

خضر .. الصبح ان شاء الله ..

رسيل .. الله كريم

خضر .. يلا انه اروحن يم عمي

رسيل .. راح. خضر وانه دشيت للمطبخ..

ازهب بلعشه فززتني سمره. واهي تسئل

سمره .. ولج فطيم شلونهه اوياج

رسيل .. يبوووو يفطيم نفس ماهي زادت ما نگصت

سمره .. يمه ولا. جنهه اختي حته شلونج ماتكلي

رسيل .. يجي يوم وينكسر خشمها
ربج بلمرصاد

سمره .. ونعم بالله اي والله

رسيل .. انتي شلونج شخبارج

سمره .. الحمد لله عايشه ..

رسيل .. الحلو مالج شلونه اوياج

سمره .. يا غديتله فدوه مامش. منه

رسيل .. هههههه
الله يحفظه الج داده

سمره .. ويحفظلج ابو رحيل..

رسيل .. زهبت العشه وصار الأذان صلينه والبنات صبن. وكعدنه كلنه اعله سفره وحده ناكل .. كلمن بصف رجلهه وجهالها وانه يم خضر ورحيل يمي
وسمره كاعده بصف عمي من جهت اليسره. ويقسم الها واهي تاكل

ابو فطيم .. بوية يسمره البيت وحش من دونج خنگة موليه

سمره ... غديتلك فدوه يبوية

.. ابو فطيم .. شمعت البيت انتي.

فطيم .. نهجم بيتها يمته شمعت البيت هيه

ابو فطيم .. والله شمعت البيت وراعية البيت

فطيم .. وانه طلية من طليان البيت موش..

سمره .. عفية والله جبتيها صح ..

فطيم .. انجبي لا اهفج بلطبگ..