المطـــــــــر الأســـــــــود
للكــاتـبـتــين " بنـــين . و . برنتــلي "
البـــــــــــــــــــــــارت الثاني
" وحتى روحـي المشـت وياهـم نسـت مـا ودعـتنـي .. "
رسيل .. كلبي صار بين رجليه من الخوف والصدمه ما اشوف عيوني غوشن والرهبه اخذت كل كتر بجسمي اباوع لباب الحوش انترس وادم اهل السلف التمو
جبر .. الحكوووو عليه طاح عكالي بين الخلك ولكم اعتده اعله عرضي ....
رسيل .. ضربت على خدي شماله ابوي سترك يربي
فضحنه بين الخلك جتنه الوادم على صياحه ادكدك البيبان
مااحس الا وكفتله خالتي ام عبدالله تريد منه عطوه تفهم بيها شصار شبي فز علينه هل فزه
والتمو أهل السلف من زغيرها وجبيرها عبالهم عدنه احد مات. ومن ضمنهم اخواني وابوي بي وما يعله حسه ويفزع بعباد الله انه من الخوف والرهبه السرت بجسمي ماكدرت انطق ولا حرف ضليت ساكته وخاتله
مثل غيمه سوده وكفت تمطر عليه بهل لحظه
دموعي تصب جنهن شلال خفت من ابوي ومن شرايين كصته الظهرت كد العيطه ، خفت وارتعبت رغم انه
ما مسويه ذنب وابوي فضحني بين الوادم كلشي توقعت .. بس مال ابوي يطي بينه ويطعنه بعرضنه هاي الما توقعتها .. لجن اهو من دخل للدار وجها ما يتفسر يعني ما جاي اعليك يا الله لازم واحد كايله انه هاي الموهدنتني
من هل لحظه عرفت ابوي جبر وعرفت شنو احنه بالنسبه اله ، لإن مااظن اكو ابو يفضح بنته بين الوادم بلسانه
و انه.. لإني غبيه ولإني ناقصة فهم اول مادخل حسيت بعيونه تتلاكط وتدور على شي
جبر .. تعال ليه يجبار بويه الحك اعله عرضك يبويه
جبار .. شكووو خير بويه حسك واصل لذيج الديره كول يا الله..
جبر .. ولك بويه صديجك داس عرضك ماغز بعينه الزاد والملح وعشرت العمر ماغزرت بعينه ذيج السنين يبويه
غزوان .. بويه شسالفه لخاطر الله احجي شنهي السالفه
جبر .. بويه دشيت للحوش وجان اشوفن خضر وي اختكم
جبار .. شنننههييي شتحجي انت يابه
جبر .. تجذبني وانه ابوك ولك شفتهم بعيوني شفتها
غزوان .. بويه خضررر هذا خضررر موش اي واحد عشرت عمر احنه ويا ربه ويانه واكل ويانه يابه شهل حجي صدك منك
رسيل .. ماكدرت مااحجي وماادافع عن نفسي لو بحجايه
وروح امي العزيزه ماكو شي بينه اجه عليكم وكتله ماهم بلدار. كال انطرهم بلباب لجن انه استحيت منه وهوه صديجكم. فشله اخلي واكف بلباب والدنيا بارده
أنت تقرأ
المطر الأسـود ( مكتملة )
Genç Kız Edebiyatı" عنـدما يسـود لـون المـطر وقتُـها سـوفَ تنبـض تـلك الـقلوب الصـامدة " (( الكاتبـة بنين عدنان ))
