المطر الأسـود ( مكتملة )

الحلقة 18

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت الثامـــن عشـــر

....

چفوني رمدة والنظر كلش شحيح
كطرة كطرة العافيه بهيمه أنچفت
الليل ماقصر ترس عيني بسواد
شلي بالغبشه الأجت والما أجت
روحي غيمه وزخت بنص المحيط
ياهو يدري شقدمت وشأخرت
مو ترس جلدك يدمعي شما بجيت
يم المفرعه بمگابر لو بچت
هانت وخلصت كضت هيج أرد أعيش
أنه شمحصل صفت والماصفت

....

تباهي .. ولج بي سرطان

رسيل .. ياااع يمه اصمله صكد

تباهي .. اي وحك علي خيه تدهورت حالته فرد نوب..

بتول .. شمدريكم بي ..

تباهي .. تمرض فرد نوب وما نعرف شنهي علته
اجه سيد عابد حتينه يشوفه
كال حالته مدهوره فرد نوب .. وصه جبار ياخذه لبَغداد كال هناك يفحصونه ويشوفون علته شنهي
راحو جبار وابن سيد عابد

فترة زمان واجو .. اوجوهم تتلاطم كايلين ليهم بي سرطان.. مدري شنهي.. اليوم كلش مدهور حته النفس كوة يجره.. ومن امس واليوم يصيح اجاني الموت هذا ملچ الموت يفتر اعليه...

رسيل .. وتالي

تباهي .. وشتالي يخيه مادري بعد يم الله

خلي يموت چا ماتكليلي شمحصلين منه
شو. چان يدك علينه صبح ومسه وتاليتها ختمها بيج طعن بشرفج وفضحج بلسلف وهاج حالج هساع صايره خدامه لفطيم. وامها

رسيل .. هوه والله يتجازون بس انه ما ابريه الذمه اريدن يوم الله ياخذ امانته. واموتن
اتكابل وي ابوج. وجه لوجه. واحسبهن كلهن واريدن ربي ياخذ حگي منه ومن كل واحد ظلمني ..

ام عبد لله .. وربج ما يسكت عن حگ عبده المظلوم لا كفيلج علي..

انه كلبي ولا احترك علي.. عبنه وحش موش رجال خل هساع يعرف الله شنو.
ويعرف ان الله بلمرصاد..
والحوبه تبطي لچن ماتخطي وهاي حوبتج يرسيل
وانتي يتيمه والله سبحانه وتعالى مايرضه اعله اليتيم .. وموصي بي

رسيل .. تتلاكه الوجوه بيوم الحساب يخاله

ام عبد لله .. إن شاء الله وربج ياخذ الحگ

سمره .. وهساع منهو يداري

تباهي .. انه عبن نسوان اخوتي ما يتكربن ليه
شسوي مجبوره اداري..

رسيل .. ونسوان اخوتج شمالهن مجلوبات..

تباهي .. ولج اول امس تكافشنه دارن علي اثنينهن
وطحت الهن بلعصه وين اليوجعج اوين اليخليج طلعت حگي وفوكه زياده مالت القهر. وتنغوصهن ..

سمره .. والله بيج حض

تباهي .. ولجن كفيلجن الله عبدات جنهن الهنود السود .. واخوانج يرسيل صايرين طليان بديهن مدري شعاجبهم بيهن كش وبره