المطر الأسـود ( مكتملة )

الحلقة 19

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت الـتاسع عـشر
....

" دكت زماني وياي مامش مثلها
مثل التحب جتال عمها ورجلها "

...

بتول .. اجينه وانه مستحيه اغطي بوجهي منا واردن لهنا. خافن اشوفن ابنهم وصكد وصلنه للباب ولاكانه يمه الخوف والمستحه سره بجسمي

خالد .. حياكم الله أهلا وسهلا تفضلن خياتي

سمره .. زاد فضلك خوية رحمه الله والديك

بتول .. دشينه وانه حته طوله ماشفته لفلفت روحي تلفلف

تباهي .. خايبه شمالج شسالفه لا تتجربحين اعله وجهج فكي عيونج..

بتول .. يمعود فشله من الرجال

تباهي .. راح ومشه والله تسولفين

بتول .. ديلا دشي لسانج شطوله ..

سمره .. بعد بعد اتمالخن امشن لا اهفجن بلنعال..

تباهي .. عود الجبيره وتغلط تره المطي هم جبير

سمره .. اهمداج مره شكبرني ومعرسه انتي تكليلي مطي تضلي انه داشه

بتول .. عافتنه ودشت ركضت وراها وتباهي ورانه

ههههه شمالج سمره اعله كيفج فشله

سمره .. امشي ونجبي..

بتول .. دشينه للحوش تلكتنه حفيدت السيد دششتنه لحجرت الحجيه ..

الحجيه .. هلاااا يمه هلاا بنياتي شلونجن

سمره .. دنكت اعله مره جبيره بلعمر حبيتهه وبصفهه مرة. هم سلمت عليهه...

بتول .. شلونج حبوبه ..

الحجيه .. هلا يمه هلا بجنتي

بتول .. يااا فلك فلكني جنتهه شني..

هلا بيج حبوبه شلونج عافيتج شلونها

الحجيه .. الحمد لله ييمه بخير دامج بخير

بتول .. عساج بلخير سلمت اعله مرت السيد وكعدت احذى امي

الحجيه .. شلونج يتبهه.

تباهي .. الحمد لله حجيه انتي شلونج

الحجيه .. الحمد لله يمه

زوجة سيد عابد .. يمه اسماء جيبي ماي لخياتج

رسيل .. تبهه وين رحيل

تباهي .. يم ابوها ضلت

رسيل .. بلحوش

تباهي .. لاله ابوها وعبد لله يم سيد خضر
واهي يمهم

رسيل .. يااع والله فشله من السيد ما جبتيهه

الحجيه .. شنهي فشله اهل احنه..