المطـــــــــر الأســـــــــود
للكــاتـبـتــين " بنـــين . و . برنتــلي "
البـــــــــــــــــــــــارت .. الثـــامن والعــشرون..
....
ابقى وحــدك
رمـمّ جروحـك بروحـك
سـوي من حزنـك مظلـة
المـوت مو يومية جُــرعة
مـرةّ وحـده وجِرعـة كــلة!!
......
رسيل .. هاااا ولج يمة شمالج شصارر
رحيل .. يمه يمه اجت خالتي تبهه وحبوبتي اثيله وخالتي بتول ..
ها نسيت بعد وعمي عبد لله
رسيل .. طيح الله حضج انه الج اذا ما الوي اذانج اعله هاي الهبطة اكو واحد هيج يفزع شمااللج
رحيل .. شجاج يمة فوك ماكلج
رسيل. .. والله يو ما كايلتلي اشرف الخايسه انه الج
رحيل .. تيله بعد ماكلج خوش..
رسيل .. طلعت عود زعلانه
طلعت وراها لاكني خالتي اثيله وتبهه وبتول
رفرف كلبي من الفرح ركضت ليهن احضن بيهن وابوس واهنه هم
يمه كلبي امفرفح اعليكم
اثيله .. هلا يمه شلونج شخبارج
رسيل .. الحمد لله خاله دشن دشن كل الهلا بيجن
دشن لحجرتي.. رحت اركض جبت ماي وحطيت القوري علنار. واجيت ليهن محتاره اباوع المن من الشوك
اثيله .. شخبارج يمه
رسيل .. دامكم بخير انه بخير.
تبهه .. عساج بلخير
رسيل .. انتي شلونج يتبهه شصار ما صار
تبهه .. على الله خيه
رحيل .. ياااا يمة شمالج احترك چايج
رسيل ... ياااا صخام نسيته
من رخصتجن خاله
طلعت اركض اشوف الچاي
زهبت الاستكانات واخذت القوري ورحت للحجره..
اي يتبهه احجيلي اخوج شعلومهم.
تبهه .. شمالهم ياكلون ويزكطون بهايم جنهم هاي الهايشه فطيم. العندج
رسيل .. ههههه يمه من السانج وانه اكول بتي اعليمن طالعه ماكو فرق بينها وبينج نفس الأطباع
تبهه .. يبعد روحي بنيتي دتعاي ليه امج محترك كلبها من عدنه يخاله
رسيل .. انهجم كوخج يتبهه..
اي هوايش اخوتج شخبارهن..
تبهه .. مثل الصل كفيلج علي .. ودور زرگه زرگه بلفروخ واحد وره الأخر. سطرنهم..
رسيل .. هههههه باجر هم تعرسين وتسوينهم درزن
تبهه .. غدي غدي
بتول .. اي غدي غدي نشوفج باجر يتبهه..
رسيل .. وانتي يبتول شخبارج
أنت تقرأ
المطر الأسـود ( مكتملة )
Chick-Lit" عنـدما يسـود لـون المـطر وقتُـها سـوفَ تنبـض تـلك الـقلوب الصـامدة " (( الكاتبـة بنين عدنان ))
