المطـــــــــر الأســـــــــود
للكــاتـبـتــين " بنـــين . و . برنتــلي "
البـــــــــــــــــــــــارت السادس
......
اذا طگاتنه من أعزاز
چا ياهو اليرد
حگنه ..!!
( عريان السيد خلف )
....
رسيل .. ناخيتك انه سيدد
سبد عابد .. سمي بويه
رسيل .. بشاربك انه.. اريدن اشوف اخيتي وخالتي ام عبدلله كبل لا اطلع من دارك
سويتلي فضل اتمنى تكمل فضلك وياي وتسهلي شوفت اخيتي..
سيد عابد .. تدلل ابنيتي
رسيل ... مسحت عيوني وكتله الي طلب ثاني يمك سيد مااريد اتيسر الليلة خلني استوعب تالي اتوكل
اشرلي السيد على عيونه وكالي من هاي قبل هاي
طلع سيد عابد وبهل ليلة رجعت لبيت نسمه بتت
صوت ابوي وهوه يبيعني برخص بقى بأذني يصيح اليوم كله خفت يأذون تبهاي ويطلعون حركت گلبهم بيها وهيه اصلا هسه تعبانه اكثر مني من خدمتهم وحدها
بس تذكرت وعد السيد الي ان شاء الله محد يأذيها
بوجوده
نسمة جان عدها طفل رضيع على ايدها انوب انه استحي افتر وياها واعينها لان رجلها كاعد حوالينه
اخذت ابنها منها لان شفته نعسان ورحت للحجره عزلت نفسي عن اصواتهم مستحيه منهم خايفه اكون ثكيلة على نسمة ورجلها بقيت افكر ...
يربي ليش هيج يسوون ليش رغم يشوفوني صايمه مصليه واخاف ربي ليش يظنون بيه اسوء الظنون لهل درجة انه منتهيه بعينهم ومالي وجود لهل درجه انه رخيصه هيج مالي ذرة حب وخوف بكلبهم عليه
يلا الله موجود لابد ويجي اليوم الي ينكشفون بي والديره الحجت وذمتني تعرف وتتأكد رسيل شنو
درت على احمد ابن نسمة وهوه يناغي وانه متمدده يمه
وجسمي بعده بي خوفه ويرجف .. سمعت صوت الباب تندك كمت انه فتحته ونسمة دخلت لازمه طرف الباب وتتنفس كوه وايدها على صدرها
رفعت نظري باوعتلها بدون ما احرك راسي او حتى اتقدم عليها خطوة زيادة وخرت هيه من كدام الباب
تنحت عن الباب حتى تكدر تفوت وتسده دخلت كوه
تجر بخطواتها كعدت بتعب واحس بيها شلون المختنكه
وجها احتقن فد نوب رحت مرعوبه كعدت يمها
نسمة شبيج ..؟
فجأة ظلت تسعل .. بقيت ادك على ظهرها
شبيج نسمة احجي خوفتيني شبيج تعبانة عمى بعيني اكيد تعبانه انه عفتج وحدج بالمطبخ تعزلين بس وعلي ستحيت من رجلج كلت اعينج بوليدج اخذه انيمه
أنت تقرأ
المطر الأسـود ( مكتملة )
ChickLit" عنـدما يسـود لـون المـطر وقتُـها سـوفَ تنبـض تـلك الـقلوب الصـامدة " (( الكاتبـة بنين عدنان ))
