المطر الأسـود ( مكتملة )

الحلقة 16

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت السـادس عشـر
......

خسر كلمن رضى وقع بجتلاي ..
انصبت وعيون عدواني بجتلاي..
طحت وسيوف خواني بجتلاي..
وردت زنجارهن يفزع علية ..

..

رسيل. .. فد يوم گاعده بالحجره وصديجت سمره ويانه
حجت وخلتني مخلوسه انفجرت بوجهي وگالت ولج هاي انتي شمسويه رسيل ولج صخام فطييم راح تفضحج لو درت بيج ...

سمره .. ليش يمه شمسوية
شو جنج تمسلتين ماتعرفين تتحجين ..

سهام .. ولج خيه حبله حبله تعرفين يعني شنو حبله ..

سمره .. اي اي اي خيه اعرف شنو حبله حبله
وهيه هيه حبله حبله من رجلها رجلها موش من صديجها صديجها

رسيل .. بالله من حجت سهام الخوف سره بجسمي
لجن سمره موتتني ضحك واهي تقلدها ..

سهام .. او لغسل شمالج ..

سمره ... والله تراج فتيتي كلبي فت
اكلها حبله من رجلها واهي تكلي فطيم تفضحها

رسيل .. هيه شنو تفضحني فطيم شمسويه

سمره .. اي والله

سهام .. ولج ماقصد هيج
اقصد انتي حبله هساع تكيم الكايمة عليج
تتحبل وتتحبل

سمره .. جا شنو يمه تبطل ما تفرخ
ماتريد فروخ لو بس فطيم مسطرتهم وغير الطرحتهم

سهام .. والله خيه من خوفي عليها حجيت هيج لن هاي مكيريده تاكلها اكل فطيم

سمره .. تخل تكرب صوبها اذا ما مرعدها.

رسيل .. يبعد حلكي حلكج.
وبعدين انه مامسويه شي حبله من رجلي ..

سمره .. غديتلج فدوه

سهام .. شو جنجن كلبتن علي انه شعليه
جاي تحسسني انه فطيم

سمره .. بالله لو ما صديجتي وجاعده ابيتي
الا انتفج تنتف

رسيل .. لا خيه شسالفه ذكرن الله وهاجن سرفن چاي

وصبيت الهن چاي وانه افكر بلبطني شلون بيه واني اكرف ليل ونهار واجي تالي الليل ونيده من التعب اسحل بروحي سحل

يلا الله كريم
الله ما يترك عبده حيران ..
واهو ادره بحالي. ويعيني

...

مرت الايام ومرت السنين
بشگه وتعب وضيم وقهر

فطيم ما فكت مني ولا خلتني ارتاح
شبعتني ضيم بحملي. والشغل بي وما يزود علي

فوك شغل الحوش كمت اطلع بلحلال واسرح واحلب وانوكل العلف وحال الضيم حالي

يجي خضر تالي الليل ماحجي اله اكولن خطية تعيبان اجي انه اثكل علي وازيدن همومه ..