المطر الأسـود ( مكتملة )

الحلقة 21

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت الواحـد والعـشرون
.....

السنين تمُر عكس عَالثوب
يبدي يموت مِن يزغر
وأني المثلي يتكتر
يتمشة الخضار وتلتفت گاعة
انا محبس قديم إلهسة يتذكر
شكو واحد گبل باعة
و اني الليلتة تطول
اليصفن ساعة عَالساعة
......

رسيل .. صوت صريخ .. صوت زلم .. صوت اطفال تفزع .. اريد اميز شكو وشصار منو مات ..

احس بواحد يندهني بس ما اكدر احجي..

اباوع عليهه سمره تعت بيه وتندهني تريدني احجي

سمره. .. ولج رسيل ياااا
ولج شمالج خايبه ابوج مات ..

رسيل .. وعيت اعله روحي بچلمة ابوج مات
ابووي؟! ليش انه منيلي ابو..
درت وجهي اعليهه وانه اكلهه

موش ابوي .. هذا موش ابوي

بتول .. اذكري الله خيه ..

رسيل .. ذاكرته انه من زمان وكل يوم اذكرى
لجن انه ابوي مات من زمان
مات من عشر اسنين
مات من يوم الطعن بيه
مات من يوم الشهرني وفضحني جدام خلك الله ...

مات من يوم الكعدني بين الزلم بنص الديوان..
مااات ابوي ممااااتت ابوووي
ما عدديي ابوو ..

سمره .. رسيل تخبلت اعلينه بذاك اليوم تتراجف وتحجي واهي حبله كلش خفنه اعليهه

اجتهه تباهي ..

تباهي .. كومي يرسيل كومي
هساع الوادم تاكل اوجوهنه لازم نكعد بعزه ابونه

رسيل .. ما اكعد لو تموتن ..

انه ما عدي ابو
هذا ابوج موش ابوي

تباهي .. نهضمن اعيوني وكعدت ابجي اعله رجلهه

كليلي شسوي يرسيل وين اروحن عكب عينه ..
حته لو جان ظالمني لجن جانو ولده يخافون منه وما حاجوني هساع مات .. وانه ضليت بيد الظلام
وبيد نسوانهم ..

رسيل .. امده روحي اذا اخليج يمهم

تباهي .. وين اروحن وين اولي وانه بت بيت .. والوادم تاكل الوجوه بلحجي ..

رسيل .. انعل ابو الوادم الوادم ما توكل خبز مالج غرض ..
كليلي شلون مات ..

تباهي .. يتراجف. كالي بردان غطيني ..
رحت اجيبن اله بطانيه من حجرتي..
اجيت لكيته يابس ابمجانه..

طلعت فزعت اخوانج .. من حجرهم
ونسوان اخوانج خبصن الدنيا بصريخهن
اليشوفهن يكول حنينات وهنه ذرت محنه ما عدهن
لكمت خبز ما يطنه..

رسيل .. ربج بلمرصاد يجيهن يوم وينكسرن. وتنكسر اعيونهن الگويه..

تباهي .. لخاطري يرسيل اذا تعزيني. خل نكعد بعزه ابونه وما نخلي نسوان اخوتج يفزعن علينه ..