المطر الأسـود ( مكتملة )

الحلقة 15

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت الخامس عشر

سوالفنه
صحيح صغار بس الوجع تارسها
اكو حچایات ماتنگال جوه وينسمع حسها

.....

رسيل .. من جاب طاري عبد لله ارتبكت وسرت رجفه بجسمي.

اخذت نفس عميق ورجعت ابتسمت خفت يحس بشي
لان عيونه عليه يباوعلي ويتأمل حياتنه تالي شلون راح تكون

خضر ... رسيل

رسيل ... عيونها

خضر .. ريتها سالمه عيونج ... ابالي حجايه ودي اگلچ ياها
ومااريد احرجچ

رسيل .. لا عادي گول حط ايده جوه راسه ويباع بعيوني ورد فعلي بعد مايگول الي اباله حاولت اكون طبيعيه

خضر .. لو رد بيج ذاك الوكت ترجعين توافقين عليه

رسيل ... لا

خضر .. ندمانه

رسيل .. لا ضحك وگال

خضر .. ضاربه عندج اللا هواي اليوم

رسيل .. رفعت راسي من يمه اجيت اربط شعري
ماخلاني سحب ايدي .. نزلت عيوني گتله

شوف خضر انه هسه لو خيروني بينك وبين اهلي
اختارك وما اتردد تدري ليش

لان محد دايملي لا الاخوه ولا الابو

المايشتي البنيه بعيشت الله

و الاخوه يتزوجون وكلمن يلها بعايلته ولو همه طول عمرهم ماشايليني من گاعي مو انوب بعد ميزوجون

ينسوني نهائي .. حتى اختي تعرس وتنساني بيت رجلها وفروخها يلا تفرغ تسأل بالسنه مره وما الومها لو صارت

انت الدايملي خضر انته الي راح تعيش وياي وتكابلني
وتسألني عن احوالي ولو انجرحت تطيب جروحي

ماعشت الامان بيتنه بس متأمله من ربي
يكون اماني بين ايدك

بس احس نفسي مالي مكان عندك

يمكن ندمت مااجذب عليك لان حسيت بنفسي جاي اخرب بيتك بدون قصد وغصبا عني لان لا انه ولا انت اختارينه الي صارلنه

ههه مااعرف هسه يمكن تكول خبله شهل حجي بس صدك خضر انه عرفتك من اول يوم زواجنه

عرفت اصلك شنو ماتوقعت منك هيج معامله
توقعت عندك راح اعيش الامريين من الي عشته بيت ابوي صح مرات فطيم تأذيني بس عندي سبب اعذرها بي اما ابوي وخواني ماجان بيهم اصل وخير

و همه الماكو عذر الهم من باعوني برخييص .. خواني الي رادو يكتلوك وانته رجال وراك مره وجهال
ويضيعون حياتك