المطر الأسـود ( مكتملة )

الحلقة 24

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت الرابع والعشرون.

.....
لا تسولفلي اعله وادم مايـجون .. خلها وي ربها التشـد ارحالها.. ضل وحيد ولا تضل عدهم رخيص.. النجمة هم عاشت ابدون اهلالها.. انا مثل الساعه ماعندي انتظار.. الساعه ما تنتظر (( حتى )) اميالها ..

...

باوعتلي وضحكت وطكت ايد بأيد

هالة .. اهم كالو هاديه وفقيره مادريت هلگد شبيچ يعمي مختفيه ومتختله وعلي ترانه ماناكل بعدین

شمالچ يحضي صيري مثل ضرتچ شفتهه وشافتني تفتر بالسواگه وتنگي وين من الغلاوني الغلواني

وانتي هنا حواجبچ معشعشه ، سمعي تره سمره هذاك اليوم وصتني توصايه احفنچ

وطالع هل وجه گشطة گیمر ماتشوفيني لكفتج
قبل لادشين الدارج ويه زلمتج

رسيل .. نزلت راسي واجر بأنفاسي يايمه گلتني
ظليت امتمت .. ه ها لا مااگدر بتي خاف تگعد تبجي

باوعتلهه لفة عباتي ودخلت :- اي مامن شي نگعد هنايه ويو بچت گومیلهه هسه

تعاي ي حبابه خن اكملچ

واتيسر لبيتنه خافن الوالده اتباطيني هسه

تراها دايمن تسألني عليچ تريد تعرف شلونها بنيتچ

سألت عليهه العافيه بس مااعرفها انه امچ

هالة .. شنهي تحچین صدك چا غير الجده ام هويله
الصيتها السابع جار

رسيل .. يا والله مااعرف هستوه سمعت منچ چا سلميلي عليهه چثیر السلام الله يحفظها ان شاء الله

ماانسى وگفتهه بذاك اليوم اجتنه لايصه بالطين

هالة .. اي اهي من عادتها ماترد احد

وعلي لو طلبوها شگلچ لو بنص الليل ماترد احد وتمشي ويا حيث تگعد نوبات واهر بعز نومتها على

طرگات الباب يو على وحده جاي تطلك يو على وحده معسره ولادتهه اعلمود

ماتغبل تچیبهه الا أمي

رسيل .. الله ينطيها الصحة والعافية

هالة .. عزيزه الله يسلمچ ، اگول رسيل بعدچ زغيره فرد مره شعجب خذيتي لخضر

رسيل .. النصيب يخيه مايعرف هذا وهذاك

هالة .. اي وعلي صدگتي يگلچ المثل المكتوب على الجبين تشوفه العين وانتي على جبينچ مكتوب خضر

بس شمالچ هيچ معصگله عاينتلچ على الاكل توه
نگوشتي نگوشه بالاكل ، اخذيهه حچایه مني تره زلم هل وكت يخربون اعله المره التارسه والمربربه