المطـــــــــر الأســـــــــود
للكــاتـبـتــين " بنـــين . و . برنتــلي "
البـــــــــــــــــــــــارت الثالث عشر
......
چنت اودهم
چنت اظن سدرة بـ ظهاري الصيف
تچويني الشمس واگعد بـ سدهم !
........
رسيل ... مالحكت حتى وصلني صوت سمره تصيح دنكي رسيييل وشي ثكييل طاح علي غمضت عيوني بوجع قوي
خليت ايدي على منطقة الوجع احس دخت رفعت راسي
باوعتلها بصدمة صارت گبالي فطيم متخوصره وبيدها فردة نعال ثانية
دنكت بقهر ... لزمت ايدها سمره بقوه وخزرتها وظلت تصيح عليها تريد تفهم هيه ليش طكتني ... بالرغم
اني عرفت ليش هيه احتقنت من جية اهلي وجاي تطلعها من خشمي هسه
بنبرة بجي ؛ حسبي الله ونعم الوكيل عليج انه فوك ماگلبي مجمر على روحتهم وهاي جايه بحيلها عليه
درت وجهي على الباب ميته قهر وين جانت مضمومتلي
هل سالفه حظي ماكعد بيوم اطلع من مصيبه اطيح
بالاضرب منها دخلت داخل البيت ومية شغله صارت
گدامي لازم استلم هسه شغل البيت والجهال
لازم انتبه الهم ومية شغله اجت على بالي وسالفة عبدالله مافاركتني بالگومة والكعده افكر بيها
وافكر بالبعيد لا سامح الله اذا فد يوم احد صار عنده خبر بالموضوع ابوي اخواني خضر ... شلون
تنفست بضيق ورحت اخم واكرف بعد صلاة الظهر حتى اجه خضر تعبان وگفت احضرله الماي حتى يغسل
اول مكملت صحته وكفت اصب على ايده راح گعد
وگلي تعاي گعدي يمي رجعت گعدت يمه بقه يمنه بالنص ساعة الله نقذني لان احس بنفسي هلكانه
باوعلي وگال
خضر .. تأخر الغده اليوم شلقضيه ست نسوان بالمطبخ
ماگضن اشو کل يوم الغده بعد الصلاة بشوي يتخله
لو اليوم لأن گعدتچ ... گولي انتي الي چنتي شايله المطبخ على راسچ
رسيل .. باوعتله بخجل لا هم يساعدني هز راسه بأستهزاء وباوع بطرف عينه
خضر .. اي مبين
رسيل ... حسيته ضاج لان عرف بيه مامرتاحه ونسوان بيتهم مناشباتني راد يطلع بس دخل علينه عمه
اول مشافه گام خضر گله هاا عمي تفضل اگعد
وبقو يسولفون اني ولا يمي حجيهم عن الگاع وخضر
جاي يقترح على عمه بالزرع والحصاد وفتهمت يمكن هل يومين الهم طلعه للولايه عدهم نواقص يردون يرحون يخلصونها
وخضر كل شوي يباوعلي وحسيته فك شوي يبتسم بوجهي ويضحكلي اخر شي عمه گله ... هذيچ العينتين
أنت تقرأ
المطر الأسـود ( مكتملة )
ChickLit" عنـدما يسـود لـون المـطر وقتُـها سـوفَ تنبـض تـلك الـقلوب الصـامدة " (( الكاتبـة بنين عدنان ))
