المطر الأسـود ( مكتملة )

الحلقة 25

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت الخامس والعشرون

.....

شبيج يمةة

رحيل .. يمه اضنها جوعانه

رسيل .. يخسه الجوع يبعد امج هاي انه يمج ..

كعدت بلكاع وطلعت صدري وضليت ارضع ابتي ورحيل يمي ..

خليتها لمن شبعت .. لملمت حجرتي وبدلت لبناتي ..

رحيل يمه انه طالعه للشغل لا اطلعين بره الحجره والله ازعل اعليج والله مايرضى البنية تزعل امها..

رحيل .. لا لا ماطلع انه اضل يم رغد ..

رسيل .. عفيه ببنيتي انه اكمل واجيجن..

اخذت عباتي وتحزمت بيهه وطلعت وسديت باب الحجره وصيت رحيل تسركي من جوة اخاف اعليهن.. ابنياتي هذني كطعه من روحي ..

تلكتني فطيم ..  واكفه اعله الحوض وتذب من راسها .. وامها يمها

فطيم .. ولج يمة روحي راح تطلع

ام فطيم .. شبيج يمه شماكله ..

فطيم .. شماكله يمه كلشي ماماكله ..

ام فطيم .. خافنج حبله ولج

فطيم .. اضن يمه اضن

ام فطيم .. رجلج اجه صوبج..

فطيم .. اي يمه

ام فطيم .. هساع اودي اعله ام هاله تجيج ..

رسيل .. طلعت للگاع وانه افكر ..
فطيم حبله ضليت افكر طول ما انه اشتغل بلكاع..
لكيت امل حالبه الهوايش .. انه حشت ليهن علف ونظفت المرح ورجعت للحوش زهبت الغده وغسلت اهدوم ابنياتي..

اشتغل لجن بلايه روح .. وافكر بدنياي وين توديني بعد وشتسوي بيه وانه على اجتافي اثنين ابنيات ..

فطيم .. ررررسسييلل

رسيل .. فززني صوت فطيم واهي تندهني طفرت ليهه.

هاا هاا

فطيم.  .. وجعااا وين جنتي

رسيل .. اخوشن علف للحلال ونظفت مجانهن..

وسويت غده وغسلت اهدوم..

فطيم .. تيله يله .. تعاي نظفي حجرتي .. ومن تكملين نظفي حجرت ويلادي

رسيل .. صار

كفيت ارداناتي وكمت انظف بيها نكثت افراشاتها وكنست ورديتهن اخذت اهدومها وطلعت اخوضهن ..

فطيم عدها اثنين ولد واحد اسمه شنيور وهذا الجبير عمره 17 سنة واحد اسمه محمد عمره 15 سنة. ولدها زلم ما شاء الله لجن من صغرهم ما مداريتهم محتارة بطلعتها ودشتها. شنيور ماخذ طبع امه وحبوبته شما اتكرب صوبه اهو ينفر مني وشاد وي بتي رحيل من زغرها واكثر من مره كضيته يطك بيهه وزمخت بي.  والثاني هذا اشوة من شنيور من اسايسه واطي من حاجات رحيل ياكل ويسكت ..