المطر الأسـود ( مكتملة )

الحلقة 14

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت الرابع عشــــــر

.....

اصافحهم واحس باطراف
اديهم غيض
كاتل منهم ومادافع الدية ?
...

رسيل .. احجيلي عنك زلمتي وماعرف عنك شي ..

خضر .. الحجي هواي يرسـيل. .

رسيل .. ميخالف .. اريد اسمع

خضر .. انه يتيم الأب.. من موتت أبوي عشت وي امي سنتين زغير كلش توني ازحف ..

جانت امي طالعه تسرح بلحلال ..
وانه هنا ابيت عمي ابو فطيم خلتنـي..

الجو بارد يگص گص.. وانه ازحف بلحوش

عدهم الدجاج والديوجه خير من الله
انه طفل جاهل وازحف بنص الحوش..

شفت الديج واركض ورا ..
الديج ينگر. أجت نگرت الديج بنص عيني
ياهو يفزعلي .. ياهو يخلصني وانه لاهش ولا انش.

مخر عيني مـخر. لمن ساح دمي بكل كتر
فرفحت روحي بين زوايه الدار

اجاني عمي.. وشاف حالي

حسب ماتكول رازقية عمتي ركض بيك للمضمد
وبعدها ودوني للولاية ..

الحاصل .. من ذيج الساعه وانه عيني طفت
كمت ماشوفن بيهه.. صرت تك عيني

كلش عانيت من هل شي .. وين ما اطلع وكالو الأعور
بلشارع
بلمدينه
بلبيت
بلشغل
بأي مكـان

كبرت وهاي الكلمة كبرت وياي
الأعور!

جنت اطك واتعارك واملخ اليكلي الأعور
بس الى متى انه اطك .. الى متـى ادافع واكلهم قدر الله هذا ..

صرت اتحسس كلش
وهمه هملوني من هد. ما ضمدوني بعد محد اخذني.

وامي لا تهش ولا تنش تكوم بشورهم وتكعد بشورهم ..

كبرت وصار عمري 13 سنه هيج شي

اجه خالي واخذ امي.

اختنه ونريدها وهذا ابنكم الكم
راحت امي ودموعها بعيونها ماتريد تعوفني لجن بس تحجي يذبحوها .. وامي من اهل الله وتخاف..

المهم راحت وعرست

تدرين الأخذته شكد عمره؟

رسيل .. شكد

خضر .. رجال شايب عمره بلـ50. واكثر من ال50

عاشت ويا امي بلضيم. حسره عليهه الثوب والأكله

ضليت انه عد عمي
ضليت بيد مرت عمي الي اهي ام فطيم
شفت ظلام بس مثلها ما شفت
وفطيم طلعت نسخه منها ..

ماتفرك عن امها بشيء ..

عيشتني ام فطيم بضيم ..
فركتني عن ولدها ..
خلتني راعي عدهم
وحالي حال الأصبي..