المطر الأسـود ( مكتملة )

الحلقة 27

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت .. السابـــع والعـشرون ..

......

انه كلمـة سلـف وانقـرت بالمگلوب ..
قريتونـي بفلس وبفلس بعـتوني ..
........

فطيم .. شسالفه يمه زغيرون حته يشمر الفرخه

ام فطيم .. ولج دهر صابج شيخلصج من ابوج اليوم .. ابنج المسودن كاض الفرخه وكاطفها بنص الطبر ( النهـر )

فطيم .. خلها وذا شمرها منو يكول ابني شمرها

ام فطيم .. هذا الحجي احجي لبوج موش الي وخري عني خل اشوفنهم ..

رسيل .. طلعت اركض وكلبي يخفك اعله بتي
يمةةة شلون بيه ابنيتي

لكيت ابو فطيم اولده وخضر ورحيل. وغيداء..
داير ماداير كلشي ماشوف

ركضت لكيت خضر حاضن رغد واهي تصرررررخ

وابو فطيم كاض شنيور من رگبـتة.

ابو فطيم .. وووولللكك سوايت زلمة هاييي
خايب شمالك انه اضل اروكض وراك

شنيور .. شمسوي جدي شمالك. .

ابو فطيم .. انته الظاهر محد مربيك انه راح اعيد تربيتك من جديد

خضر .. انه اولي اشوف رزقي حته اعيشكم اجه الكاك تريد تشمر اختك بنص الطبر .. شبيك ولك تسودنت ..

رحيل .. بوية بوية حته انه خلاني اغط بنص الطبر زين ما متت وكلت لجدي علي وطكاه

خضر .. اليوم محد يخلصك مني لا كفيلك علي..

رسيل .. اجه خضر صوبي اطاني رغد ورجع سحل شنيور سحل من اهدومه من يم الطبر لحد الحوش .. واهو يصيح عوفني وعوفني

وخضر ولا جنه يسمع .. يسحل بي.

مشينه ورا كلنه. وابو فطيم كال مالكم غرض بي خلو يربي لحد يتدخل..
انه هم مالي غرض من شفت ابنيتي ارتاح كلبي اخذتهن ورحت للحوش دشيت لحجرتي انه وبناتي

ورحيل كامت تكمز ..

رحيل .. يمممممةةةة عللييجج الحسين خل اروح اشوفنه من يبسطووو ..

رسيل .. نجبي ونامي رحيل كافي هبطات ..

رحيل .. اعليج العباس بس اباوع وعلي

رسيل .. كالتها وفكت الباب وطلعت انه حطيت رغد بلكاع الفرفحت من البجي ونامت .. كمت اشوف رحيل وين ولت

لكيت خضر حاط شنيور بنص الحوش وگاض عگال من هذا الثخين الييبس الجلد..

ودكه مادكه موته تموت.. وفطيم اطفر يمه وتكله عوف ابني لا اهجم البيت عليك. وهوه ولا جنه يسمع.