المطر الأسـود ( مكتملة )

الحلقة 22

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت الثـاني والعـشـرون
....

احـــنه عـــل دنیه الوسیعه
انگـول خنگـه اشحال لو صرنه ابگـبر

....

اثيله .. وللك خضرر يمه الححكك صيح الجده

سمره .. ركض خضر يجيب الجده..
وهذا الجلب جبار كض تبهه من بلعومها ويخنك بيها
وذيج گوة تجر النفس .. انه لا اكدر اماطل اويا زلمة غريب .. لو دره بيه نزار اله يفطسني تفطس..

لجن طلعت لباب الحوش اركض وافزع عبد لله ..

اجه عبد لله يركض ومايعرف شنهي السالفه..
دش وشاف جبار خانك تبهه لو هذا تسودن..

جات اعلي ودك جلاليق ورفسات .. طلع العافيه من خشمه..

عبد لله .. اذا زلمة وتريد تتمرجل لا تتمرجل اعله حرمه .. اطلع للشارع واتمرجل اعله الزلم ..
مو زلمه اليمد ايده على مريه ..

شواربك الحاطهن كل شارب بكد النعال
اكرفهن اذا فكرت تمد ايدك اعله مره
يلـردي يلمابيك حظ
ضال مثل الخرخاشه بيد امريتك ..

شوف ولك قسماً بذات الله
قسماً بمن احل القسم..
الحجي الك ولخوك الدثو ..
يو فكرتو تمربون لرسيل وتبهه ..
الا ادفنكم بصف ابوكم وحك علي داح الباب..
والزلمة الطالع من ظهر ابو .. خل ايمد ايده اعليهن..

سمره .. وعلي نعنعه تنعنع .. وذاك مثل الهايشه ضل بيده .. لا ياخذ ولا يطي.. بس ايهز براسه ..

كام عبد لله من صدر جبار الجان ممطول بلگاع مثل الجلب..

دار وجه اعله مرته الحيه الگرطه..

وانتي لنج حرمه ما امد ايدي اعليج ..
لجن كفيلج علي.. اروحن لهلج وافضحج فضيحه يمهم ..
واخلي يرمي يمين الطلاگ واهو الممنون سمعتي لو لا..

خل اشوفج اتكربين صوبهن .. والفاتحه تشيليهه انتي واختج وانتن الممنونات سمعتن لو لا ..

تره اخوجن اعرفه كلش زين
واعرف اهلحن.. واعرف ساسكم كله..

وروح ابوي اخليجن ترجعن لضيم مرت ابوجن ونسوان اخوتجن وحسره اعليجن الخبزه..

سمعتن امهات السحوره..

سمره .. هههههه بالله متت ضحك عليهن صارن مثل الخنفسانات من الخوف .. خو من كال الهن اعرف اخوج واعرف اهلجن وساسجن ذني صوفرن من الخوف واخذهن الرجيف..

الله يعلم شني ساسهن الخايفات منه..
واخوهن الصوفرت اوجوهن بطاري..

عبد لله .. يممةةةة

اثيله .. هاا يمه

عبد لله .. جيبي رسيل لبيتنه

اثيله .. ولك يمه صدك تحجي
ولك وين تكدر تمشي البت تريد تولد.. ياا ولك فوت جيبو الجده البت ماتت..