المطر الأسـود ( مكتملة )

الحلقة 12

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت الثاني عشر

.....

غير كُون الليل يهدأ
والحِزن يطفى وانام ؟

-------------
لطمت على صدري ورجعت وره من شافني سحبني عطت بي يعوفني كل ضني راح يفضحنه

حسيت روحي انتهت فجأة واسمع عبد لله يصيح بيه

عبد لله .. كاافيي حته لو ما شايفنه انتي راح تفضحينه

رسيل .. سكتت وعيوني على خضر وكلبي يريد يطلع من الخوف يمه لو شافنه كبل ياخذها بغير شي عباله عندي شي وي عبد لله

عيوني تدور سمره .. ماكو

لهناك وشفت خضر نزل للكاع
حطيت ايدي على كلبي براحة ..

همزين ما شافنه ياربي رحمتك
فدوه رحت الك يا ربي ..

عبد لله .. درت وجهي لرسيل أتأمل وجها
هاهيه يبت روحي. متت انه.

الله يوفقج بحياتج.
وانه الله يجبر خاطري وكلبي ..

سمره .. ووللجج رسيلل

رسيل .. التفتت لمصدر الصوت ادور عليها

ها سمره وينج

سمره .. رحت يمها
ولج الله ستر ما شافنه خضر لبدت بسد النخله فلك صابنه يلا فدوه خيه خل نرجع. للحوش ..

رسيل .. يلا امشينه

عبد لله .. روحن كدامي. حته محد يشك بيجن

سمره .. اول خل اخذ ماي من النهر. فطيم تشهرنه

رسيل .. حدرنه صوب النهر نوكلنه ماي ورحنه للحوش. من دشينه درت وجهي شفت عبد لله راح صوب الديوان ..

دشينه. شفت خالتي كاعده اهي وام فطيم

ولج سمره شعجب امج كاعده ويا خالتي ..

سمره .. مدري خيه تلكين ابوي كايل الها ..

رسيل .. نعمه

رحنه حطينه الماي

ورحت لحجرتي لكيت تبهه وبتول كاعدات وحذاهن مرت حاتم
حاتم يصير اخو فطيم .. مرته هم زينه. خوش مره

كاعدات يسولفن .. كعدنه انه وسمره يمهن

ندستني .. بتول

بتول .. ولج وين جنتي

رسيل .. جبنه ماي

بتول .. اححمم وهذا الماي من نهر عبد لله .

رسيل .. نجبي خيه ياعبد لله هذا

بتول .. شجاج عبد لله ابن ام عبد لله المرمرتي كلبه وروحه ..

رسيل .. فلك طرج اعله هل لسان. هذا