المطر الأسـود ( مكتملة )

الحلقة 9

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت التاسع

..........

شايف يتيم بـ ليل من يفـگـد امـه..
الوجع هيج اعليج وبگلبي اضمـه..

........

بتول .. طاح عبد لله كلبي صار يركض ركض
يمةةةةةة. اااخويي. امي داخت بصفه احتاريت بين امي واخوي اكعد منو واشيل منو ..

من لا چارة.. ركضت للمطبخ جبت طاسة ماي ورشيتها اعليهم.. كعدو واهم كوة يفتحون بعيونهم

ييممةةةةة يمةة فددووه اروحنلج اكعدي يمة هاي انه توله يمه بتوله انه لا تعوفيني مالي غيرج

ولك خوية عبدالله اكعد يبعد اختك گومي واذكرو الله شمالكم

اكعد عبدالله.. ولككك ابو حسين اكعد

أثيله .. بسج يمه صوتج راح بسج يبعد امج مابياش شي تعاي ليه.

بتول .. شبكت امي وانه ابجي..

مسح على راسي عبد لله

عبد لله .. بعد حيلي خويه مابيه شي..
لا تخافين اخوج جبل ما ينهد حيله بهل سهوله..

بتول .. مو من نصيبك وحك علي لو مقسومة الك ثق بالله ماتروح لغيرك لجن ياخوية ما مقسومة الك وروح ابوي..

اثيله .. ليش ما كتلي يا يمة ليش ما علمتني وكتلي احبها واريدها مرة الي..

عبد لله .. هاي بعد يمه. الساني انعگد وما حجيت.. كلت اروحن اجمع مهرها ومصاريف العرس عبن ابالي اسويلها عرس لا صار ولا استوه..

اجيت ولكيت الضيم واكفلي وكفه..

اثيله .. وروح ابوي لون ادريبك تحبها.. يرسيل ماتطلع إلا اعله جثتي..

عبد لله .. يمة عليج العباس ابو راس الحاره اريدن اشوفها يمة فدوه اغديلج بس اشوفها والله..

اثيله .. شتشوف ييمه على راسي العباس
لجن اهي عرست وراحت ييمة ماندري بعيالها زينين لو لا.. طلعت منا ييمة بطرك دشداشتها لا زفه لا مهر لا هلهوله طلعت حالها حال الفصليه.. دموعها يسجبن وجنها جثت ميت.. غصبها هل ظالم ابوها.. من عساها بحضه وابخته يتلاكها بعافيته ان شاء الله..

عبد لله .. وللججج يمة ليش هيج ليش يمة هاي عزيزت كلبي والله لو ما انتي واختي بعيني والحسن لذبح ابوها واخوانها.. لجن انتن وين ترحن من بعدي..

اثيله .. فدوة اغديلك يمة.. هوه. انته هلوحيد العندي. لا تسوي شي يغضب الله ويفجع كلبي.. اعله گولت اخيتك البت موش من قسمتك يبعد امك وكلبها..

عبد لله .. يمه فاضحيها. بلسلف
صدك جذب هاي ابدال ما يحميهن ابوهن يتامه .. هيج يفضحهن

بتول. .. يمة عليج الله هم ماخذين فلوس من اهل خضر