المطـــــــــر الأســـــــــود
للكــاتـبـتــين " بنـــين . و . برنتــلي "
البـــــــــــــــــــــــارت الثلاثـون والأخيـر ..
...
" رحــيل "
( اشتاڪينه لـعيـونج مـا نـڪدر بدونج يمه )
....
رسيل .. كمت اركض للحوش
دشيت لحجرتي اخذت عباتي ونعالي وطلعت مستعجله .. لاگتنـي فطيم
فطيم .. ها خيرر وين امولية
رسيل .. مالج شغل
عفتها وطلعت اجت وراي تسحل بيه من عباتي..
فطيم .. بت النعال ياهي المالها شغل انه الج
رسيل .. وخري عني والحسين اكل لابوج اعليج
فطيم .. تخوفيني ببوي ماخاف لا منج ولا من ابوي انه الج خوش ضامتلج ضمه
رسيل .. ما شلت هم لحجيها وتهديدها ورحت اركض لبيت عيال سمرة ..
لكيت نزار واجف بلباب مال الحجرة والبنات يحمن ماي
شلونك خوية
نزار. هلا هلا بأم رحيل خوية شلونج
رسيل .. الحمد لله بخير
نزار .. بعد اخوج شوفيها صوتها زرف كلبي
رسيل .. ابتسمت .. وكتله لا تخاف خوية
اترخصت ودشيت ليهن لكيت الجده وعجوزها لسمره وسميرة مت عيني غاديه الوجه اصفرررر وكوة تحجي صوتها رايح..
السلام عليكم
ام نزار .. هلا يمة هلا شلونج
رسيل .. دنكت اسلم عليها وانه اكلها بخير خاله انتي شلونج
شلونج خاله زكية
زكية .. الحمد لله يمة تعاي ناوشيني الوصله
رسيل .. صار
ذبيت عباتي وضليت اساعد. الحجيه زكية وسمرة منتهيه
والحمد لله .. نورها ولد يخبل
نظفته الجده .. واطتنيا اودي لابو
لفلفته وطلعته لنزار ..
هاك خوية بلخير ما جاك يتربى بعزكم ان شاء الله
نزار .. رحمه الله والديج خوية
رسيل .. اخذا من اديه وهوه عيونه تتلامع اذن بأذنه واطانيا اخذته ودشيت للحجرة ..
حطيته بحضن سمرة وحبيتها بكصتها
الحمد لله اعله السلامة حبيبه .. يتربى بعزج ان شاء الله
سمرة .. يبعد كلبي خيه يوم الألج وانه احطه بحضينج ..
رسيل .. بعد عمري
ولديج وكح من هساع
زكية .. ولج يمة جويعان الفرخ رضعي
أنت تقرأ
المطر الأسـود ( مكتملة )
أدب نسائي" عنـدما يسـود لـون المـطر وقتُـها سـوفَ تنبـض تـلك الـقلوب الصـامدة " (( الكاتبـة بنين عدنان ))
