الأقدار الخادعه

الفصل الخامس عشر

كانوا ينظرون له وهم في حاله شلل تام ولا يصدقون ما تراه اعينهم في تلك اللحظه يشعرون بالرعب وبشده ليردف اياد بصدمه وعدم تصديق". هو ايه ده، ده مش شريف ولا انا اتعميت او حاجه انا متاكد ان ده شريف اومال مين ده اللي كان مع جومانه انا مش فاهم حاجه خالص."

مالك بصدمه." انت مستوعب اللي انا شايفه دي جثه شريف جثته معني كده انوا ميت اومال مين ده اللي عايش دور اسد المخابرات لا وكمان بيتحداني انا مش فاهم معقول امجد عارف. "

اياد بتعجب. "عارف ايه امجد بيحب شريف اوي ومعاه علي كل قذراته وخيرات مع اني اشك في موضوع خيراته ده بس هو مبيسبهوش مش معقول ميقدرش يفرق بنهم او يكتشف غيابه الموضوع غريب."

مالك وهو ينظر لجثه شريف. "انا لازم اعرف مين ده اللي متقمص دور شريف وعايش الدور اوي لدرجه انوا خاطب شبيهه حنين يعني عارف بكل حاجه عن شريف الحقيقي اعدائه وكمان اسراره بس مين ده."

اياد بمكر. "مفيش غيرها الحل عند جومانه العقربه".

مالك برفع حاجب." معتقدتش هيا بس بتعمل كل حاجه بيقوله شريف يعني بمعني اصح كلبه شريف."

اياد بعدم تصديق." بس انا اللي هيجنني مين ده اللي هناك."

مالك بتهكم. "انا هعرف بطرقي الخاصه بس لو طلع شريف ميت لازم نستفيد من الموضوع ده احسن استغلال."

اياد ببرود." انا متاكد انك بتخطط لكارثه المصيبه بقا اني معاك في كل كوارثك واصلا من غير ما نتكلم في كوارس كتير مستنيانا واولهم المصيبه المتحركه اللي اسمها الافعي."

مالك بستفزاز. "سيبك من الافعي مش هتعمل حاجه احنا بنديها كل المعلومات اللي هيا محتجاها يبقي ملهاش دعوه بحاجه تانيه بقا وياله عشان لازم نسافر بكره ايطاليا عشان اجتماع المافيا وكما نشوف سكرتيره حسن اللي هتهتم بيه في غيابنا ياله نمشي".

اياد بتشنج." طب بالنسبه للجثه دي هنعمل فيها ايه."

مالك بمكر. "هنعمل فيها كده."

لينظر مالك لرجاله بنظره فهموها لياتوا سريعا ويقفوا امامه باحترام ليقول مالك بشر. "تاخدوا جثه شريف وتودوها مشرحه معينه اياد هيقلكم عليها مش عايز تشريح للجثه انا عيزهم يحفظوا عليها بس فهمتم."