الأقدار الخادعه

الفصل التاسع عشر

وقفت سيارتهم امام المطعم المفضل لديهم ليقول يحيي بحب وهو يمسك يدها ويقبلها بحنان. "ها يا ستي جبتك علي مطعمك المفضل اهو عشان بقالك كتير مجتيش هنا اي خدمه ياسطا عدي الجمايل بقا."

شاري بمرح. "وانت بروح امك فاطمه هتزلني ولا ايه لا يا حبيبي انا في جيبي عشرين جنيه يعني ادخل المطعم اكل وانا حاطه رجل علي رجل."

يحيي بسخريه ورفع حاجب." دانتي تدخلي وهما يدوكي بارجل، عشرين جنيه ايه ياما اللي تدخلي فيها مطعم اقل اكله فيها بالالفين جنيه. "

لتمتص شاري شفتيها مثل النساء العجائز وهيا تقوله بنبره حكيمه مصتنعه. "ليه يابني كده هما هيدونا اللحمه اربعه وعشرين قراط ولا ايه دا مجرد اكل ولله الواحد مش عارف ايه اللي بيجري في الزمن ده".

يحيي بسخط." معلش يا حجه هيا الدنيا كده هنعترض يعني ولا ايه، ياله ندخل عشان هموت واكل وانا مش ناقص حكم علي المسا. "

لتوقفه شاري وتردف بجديه. "يا يحيي مبلغ الفين جنيه علي وجبه حرام يا يحيي فيه ناس بتاخد المبلغ ده مصروفها الشهري علي عيله كامله حرام يا يحيي وبعدين انا مش بقولك متكلش اكل فخم او ستار بس لا مش لدرجه الفين للوجبه."

يحيي ببتسامه." ايه يا بيت التواضع ده اللي يشوفك يقول انتي اللي هتدفعي مش انا ياله بقا بجد ده مطعمك المفضل انتي نسيتي ولا ايه ولا الاكتئاب ده عقلك ولا ايه لا انا عايز شاري القديمه بتاعت مامي، بابي، لوكه." ليصمت يحيي وهو يلعن غبائه ويدعي الا تكون انتبهت ولكن فات الاون لتردف شاري بكسره وقهر. "لا لوكه ايه بقا ده حتي اسمه خساره فيه ده لا يمكن يكون اخويا ده شخص قذر يا يحيي ومتجبليش سيرته تاني ابدا."

ليومئ لها يحيي بتفهم لتردف هيا بهدوء." ياله ننزل ناكل قبل ما غير رأيي. "

لينزل يحيي من السياره وهو يضحك بشده ويليه هيا ليذهب يحيي وهو يمسك يدها بحنان وعشق ليدخل بها الي المطعم ليذهب الي الاستقبال ويردف بعمليه. "في حجز هنا بأسم يحيي عادل."

الموظف بجديه". اه يا فندم طربيزه رقم خمسه اللي هناك دي. "

ليومئ له يحيي وهو ياخذ شاري ليذهب ويجلس هو وشاري ليردف بمرح. "ها هتكلي الاول ولا تشربي."

شاري برفع حاجب. "لا هحلي يا ظريف اطلب ياض الاكل."