Unicode Version
“ဟင့်အင်း...သားမယုံဘူး၊ အမေကြီးသားကိုညာနေတာ”
စိမ်းတို့အိမ်ပေါ်ကိုကျွန်တော်တက်လိုက်တဲ့အချိန် ကြားလိုက်ရတဲ့စိမ်းရဲ့အသံကြောင့် အသံရှိရာဆီကျွန်တော်လှမ်းကြည့်လိုက်မိတယ်။ စိမ်းရဲ့မျက်ဝန်းမှာမျက်ရည်တွေအပြည့်ဖြစ်နေတာကို ကျွန်တော်မြင်ရတော့ စိတ်ပူသွားကာအိမ်ကြမ်းပြင်မှာထိုင်နေတဲ့စိမ်းဆီကို ကျွန်တော်အမြန်သွားလိုက်ရတယ်။ စိမ်းရဲ့အမေကြီးကတော့ စိမ်းရဲ့အရှေ့ကထိုင်ခုံမှာထိုင်နေပြီး စိမ်းကိုတစ်ခုခုရှင်းပြဖို့အတွက် အားယူနေပုံရတယ်။
“ဘာဖြစ်လို့လဲစိမ်း ”
ကျွန်တော်ကစိတ်ပူစွာမေးလိုက်တော့ စိမ်းကငိုနေရာကနေကျွန်တော့်ကိုမော့ကြည့်လာတယ်။ ပြီးတော့ ကျွန်တော်ကြားလောက်ရုံအသံတိုးတိုးလေးနဲ့ ပြောလာခဲ့တယ်။
“ဓန...ငါ ငါဘယ်လိုလုပ်ရမလဲဟင်၊ ဦးမင်းထင်စည်က ငါ့အဖေအရင်းတဲ့”
စိမ်းရဲ့နူတ်ကထွက်လာတဲ့စကားကြောင့် ကျွန်တော်တကယ်အံ့ဩသွားရကာ အရှေ့မှာထိုင်နေတဲ့အမေကြီးရဲ့မျက်နှာကို မော့ကြည့်လိုက်မိတယ်။ အမေကြီးရဲ့မျက်နှာကတော့ ပကတိတည်ငြိမ်နေလေရဲ့။
“စိမ်းပြောနေတာတွေက အမှန်ပဲလားအမေကြီး”
ကျွန်တော်ကသေချာအောင်ထပ်ပြီး မေးလိုက်တော့ အမေကြီးကသက်ပြင်းတစ်ခုကိုလေးလေးပင်ပင်ချကာ ခေါင်းညိမ့်ပြလာခဲ့တာမို့ ကျွန်တော့်စိတ်ထဲမှာချက်ချင်းလေးလံသွားခဲ့တယ်။
ဦးမင်းထင်စည်သာ စိမ်းရဲ့အဖေအရင်းဆိုရင်တော့ စိမ်းတစ်ယောက်ကံကြီးထိုက်တော့မှာပဲ။စိမ်းနဲ့စတွေ့ကတည်းက စိမ်းကသူ့ရဲ့ဘဝအကြောင်းကိုအကုန်ရင်ဖွင့်ပြထားခဲ့တာမို့ အကုန်သိနေခဲ့တဲ့ကျွန်တော်ကစိမ်းအတွက် တော်တော်လေးကိုစိတ်မကောင်းဖြစ်သွားခဲ့ရပါတယ်။ အဖေတစ်ယောက်လုံးကို နာကျည်းမုန်းတီးစိတ်အပြည့်နဲ့ ဘဝတစ်လျှောက်လုံးဂလဲ့စားချေဖို့အတွက် စိမ်းရှာဖွေနေခဲ့ရမလား။
YOU ARE READING
"Falling"
RomanceUnicode Version ကံကောင်းစွာပဲ ကျွန်တော့်အချစ်တွေ သူ့အတွက်ကြွေကျခွင့်ရခဲ့တယ်... ကံဆိုးစွာပဲ အားလုံးနင်းခြေခံလိုက်ရတယ်... Start date = 6.6.2022 (Mon) End date =20.10.2022 (Thu) Zawgyi Version ကံေကာင္းစြာပဲ ကြၽန္ေတာ့္အခ်စ္ေတြ သူ႔အတြက္ေႂကြက်ခြင့္ရခဲ့တယ္...
