حب في ازقه نينوى

البارت 3 الكاتب احمد #حب_في_ازقه_نينوى

#حب_في_ازقة_نينوى
بقلم#احمد
البارت_3
.
.
معتز: قبل ما نعبر الفرع انتبهت واحد ملثم دا يمشي براس الفرع وعيونو مركزة علي ابد ما ارتاحيت لنظراتو حطيت ايدي عالمسدس علمود اي حركة اكدر ادافع عن نفسي
.
.
عبر الفرع شلون شلت ايدي عن المسدس طلع واحد غيرو وضربني طلقة بصدري
.
.
نرجس: دا امشي ما حسيت الا صوت الطلقة وواحد براس الفرع انهزم انداريت وراي الجندي واكع بالكاع ودمو يجري ورحت ركض عليه
.
.
واكع وعيونو مسكرهن رفعت راسو حطيتو بحضني وابجي من الخوف امي من سمعت صوت الاطلاق طلعت شافتني واجت ركض علي واصدقاء الجندي اجو ركض من النقطة
.
.
اتصلو بالاسعاف امي سحبتني واني بس ابجي من الخوف عليه دخلتني داخل وكفت عند الباب واصدقائو ملتمين عليه
.
.
وصلت الاسعاف اخذوه وراحو امي تحجي وياي واني بس ابجي
.
.
الاء: اهدي يا امي اهدي
نرجس: يمة مات كدامي يمة
الاء: اهدي يا حبيبتي
.
.
نرجس: حظنتني وتهدي بي هديت شوية
الاء: تعرفيه للجندي
نرجس: لا ماما بس ذبحو كدامي
الاء: اهدي حبيبتي
.
.
نرجس: مسكتني الشهكة واني ابجي دخلتني امي داخل وما رحت للمدرسة
.
.
صعدت على غرفتي حطيت راسي عالمخدة وابجي والشهكة احسها تجرح حلكي من الوجع من تطلع مني واني ابجي
.
.
هند داومت لحالها من تاخرت عليها راحت
معتز: نقلوني اصدقائي عالمستشفى سوولي عملية طلعو الطلقة من صدري وانطو خبر لاهلي
.
.
نرجس: الظهر افكر واني كلبي مقبوض ماعرف شسوي نزلت تحت امي مجهزة الغدا
الاء: تعاي تغدي بنيتي
.
.
نرجس: ماريد يمة
الاء: تعاي يمة وادعي يكون بخير
نرجس: الرب يحميه لاهلو
.
.
حاولت وياي ما اكلت الظهر اتصلت هند اخذت التيلفون وصعدت فوك بغرفتي احجي عالموقف وياها وابجي سكرت واجت علي كعدنا بغرفتي خطية تواسيني وتهدي بيه
.
.
هند: شوفي خلي التيلفون يمج اني رايحة وراح اسأل اصدقائو وبس اوصل البيت اردلج خبر
.
.
نرجس: اي عفية والله كلبي نار عليه
هند: لا تخافين الرب يحميه
.
.
نرجس: طلعت هند ورجعت لغرفتي انتظرتها على نار احس الثانية صارت سنة ورا نص ساعة اتصلت بيه
هند: الو
.
.
نرجس: طمنيني شلونو لا تكوليلي مات
هند: على كيفج يا حلوة الولد بخير بس حاليا بالمستشفى وبس يصير زين يرجع لدوامو
.
.
نرجس: الرب يسعدج على هالخبر
هند: يلا باي ولا تنسين باجر تعاي للمدرسة
نرجس: ماشي
.
.
نزلت تعشيت ورجعت نمت
معتز: كعدت بالليل احس روحي دا تطلع من الوجع
ابوي: ها بوية شلون صرت
.
.
معتز: ااااخ يابة شلون وجع
ابوي: هسا يجي الدكتور
.
.
معتز: اجى الدكتور انطاني مهدئ ورجعت نمت كعدت ثاني يوم الصبح ابوي وامي عندي
.
.
ام معتز: شلون صرت وليدي
معتز: الحمدلله يمة
ابوي: شنو الي صار ابني
.
.
معتز: جنت امشي بالفرع وواحد براس الفرع ضربني طلقة
ابوي: وشعندك طالع من النقطة يابوية
معتز: شمعرفني هيج راح يصير وثاني شي مكتوبلي هيج يصير بيه
.
.
ابوي: الحمدلله على سلامتك
معتز: الله يسلمك يابة
.
.
انطوني اجازة لحد ما يطيب جرحي وطلعنا لبغداد اني واهلي اتصلو بيه اصدقائي وسولفولي على موقف البنت من تصوبت وشلون خايفة وتبجي علي كلت خليني ارتاح كم يوم وارجع اشوفها
.
.
نرجس: ثاني يوم الصبح طلعت من البيت باوعت للنقطة مالتهم وكلبي وجعني عليه صحيح جان مضايقني بس ما حاول يرقمني او يتحرش بيه
.
.
مشيت وشفت الدم يابس عالكاع الرب يحميه والله مشغول بالي عليه رحت داومت هند تطمني علمود ارتاح رجعت الظهر عالبيت خليت امي تتصل على خالي
.
.
تغدينا ورحنا عالكنيسة دخلت داخل وكعدت كدام الصليب مسكت الصليب الي على صدري بايدي وادعيلو يكون بخير
.
.
حسيت بطمأنينة صليت ورجعت عند ماما وخالي وطلعنا رجعنا للبيت
.
.
صعدت لغرفتي وبديت تحضيرات ما اريد اهمل دراستي بدون فايدة هو هسا بخير لهذا لازم اهتم بدراستي
.
.
كملت حياتي بين الدراسة والبيت بس كل يوم يزيد القلق لان ما اجى وخايفة يكون صاير بيه شي بالمستشفى اخير شي قررت اسأل احد من اصدقائو الي بالنقطة
.
.
بعد ما تصوب بكم يوم رجعت الخميس من المدرسة وغيرت طريقي من نقطتهم وصلت وكفت وانتبه عليه الجندي الي واكف
.
.
زياد: تفضلي خيتي
نرجس: بس اريد اسأل عالجندي الي تصوب شلون صار
زياد: تطمني خيتي هو بخير وهسا ببغداد عند اهلو ومنا 12 يوم يجي
.
.
نرجس: مشكور
زياد: خيتي ترا معتز يحبج وهو حجالي هالشي ويريد يتزوجج مو يلعب عليج
.
.
نرجس: ها منو
زياد: معتز الي تصوب
نرجس: لا رد
زياد: انطيني قلم وورقة
.
.
نرجس: انطيتو وطلع تيلفونو وسجل رقم
زياد: هذا رقمو اذا تريدين تحجين وياه ولا توكفين هنا علمود لا الناس تسمعج حجي مو زين
.
.
نرجس: شكرا
اخذت القلم والدفتر ورجعت عالبيت وتفكيري مخربط مرة اكول اتصل مرة اكول لا كلبي يريدني اتصل وعقلي يرفض الفكرة
.
.
تغديت وخلصت اخذت التيلفون وكلت لامي اريد اتصل بهند صعدت فوك اريد اتصل واتردد حطيت رقمو اريد اضغط اتصال واتراجع
.
.
اخير شي اتصلت قبل ما يتصل فصلتو ورجعت احجي ويا نفسي يلا نونو اتصلي ماراح يصير شي يلا تشجعي رجعت اتصلت عليه
.
.
معتز: رحت على بغداد وكلبي نار على البنت خاف احد يتعرضلها واني مو موجود اصدقائي الي اشرب وياهم ما رحتلهم لان الشرب يأذي جرحي
.
.
اول ما رجعنا ابوي ذبح ذبيحة لوجه الله بنجاتي من عملية الاقتيال وسوا عزيمة لكرايبنا واجو معارفي واصدقائي سلمو علي وتطمنو على صحتي
.
.
اجازتي 10 ايام مع ال 10 ايام اجازة الدوام يصير 20 يوم واذا احتاجيت بعد راحة اطلب اجازة
.
.
قبل ما ينزلون اصدقائي بيومين الظهر ورا الغدا متمدد بغرفتي واجاني اتصال
.
.
معتز: الو
محد يرد احجي واريد احد يرد ماكو اخير شي فصل الخط
.
.
نرجس: اريد احجي واحس لساني انعكد اول مرة اواجه هيج صعوبة بالكلام فصلتو ورجع اتصل وما جاوبت لحد ما فصل ورجع اتصل مرة ثانية
.
.
خفت لا اتجاهلو ويتصل من يكون التيلفون عند امي واتورط فتحت الخط وحجى هو
.
.
معتز: منو وياي
نرجس: الو
معتز: منو انتي وليش اتصلتي
.
.
نرجس: بس حبيت اتطمن عليك
معتز: غير اعرف منو انتي
نرجس: اني نرجس
.
.
معتز: اسف ماعرفتج بلا صغرة بيج
نرجس: صارلك شهر تحبني وماتعرف اسمي
معتز: تعدلت بسرعة هلا والله
.
.
نرجس: شلونك
معتز: بخير بس منين جبتي رقمي (احجي وياها بكل لهفة)
نرجس: من صديقك سألتو عليك وانطاني رقمك واتصلت اتطمن عليك
.
.
معتز: تسأل عنج العافية بس بعد لا تروحين عالسيطرة خاف احد يأذيج
.
.
نرجس: ماشي راح اسكر هسا ولا تتصل لان التيلفون راح يكون عند امي
معتز: ماشي
.
.
سكرت رجعت ضهري بفرح عالتخت وحسيت بوجع اااخ خرب يومج ولكم شنو من صوت هذا لخاطر الله حتى بالواقع صوتها مو حلو هيج
.
.
اريد اعرف الله من خلقها ما خلى بيها شغلة ناقصة جمال وثكل وصوت واخلاق ونزاكة اوووف يابه شعلتني بنت الذين بس اجت عالدرب بس منو انطاها الرقم اتصلت على منتظر
.
.
منتظر: الو
معتز: شلونك ضلعي
منتظر: هلا بالضلع شلونك
.
.
معتز: مشتاقلك شلون الوضع
منتظر: الحمدلله تمام
.
.
معتز: حجيت وياه وما جاب طاري نرجس وعرفت مو هو الي منطيها الرقم سكرت منو واتصلت على زياد
.
.
زياد: هلا بالعاشق
معتز: هلا بالضلع
زياد: اتصلت بيك
.
.
معتز: انت انطيتها مو
زياد: لا تخاف اخيك اجيبها الك بس والله جبتها ولك حيوان اجتني خايفة عليك ووجها ينطي الوان
.
.
معتز: شعبالك لعد بس حط نعال بحلكك ولا تحجي عن وجهها يا روحي
زياد: ههههههه تبقى ناقص انت
.
.
معتز: غير طالع عليك
سكرت منو واني فرحان هسا خلي اضبط الوضع وياها ومن توافق افتح الموضوع ويا اهلي ونروح نخطبها
.
.
نرجس: سكرت منو ادحك لايدي ترجف من الخوف حذفت رقمو بسرعة واتصلت على هند حجيت وياها شوية وسكرت منها ورجعت التيلفون لامي
.
.
راجعت الدروس الي اخذتهن ونزلت عند امي اساعدها بالبيت لان عندي يومين عطلة بقت الاحداث عادية ومابيها اي شي مميز
.
.
معتز: يوم السبت نزلو اصدقائي واجو علي يوم الاحد حجالي زياد شلون انطاها الرقم وتونست هواي بجيتهم
.
.
يوم الاثنين رحت راجعت عن الجرح بمستشفى بغداد جرحي وضعو كلش زين ودا يشفى بسرعة سألتهم اذا اكدر اداوم وما نصحوني بهالشي
.
.
كلت خلي ارتاح 10 ايام وبعدها اشوف الحب مالي بس ليش مارجعت اتصلت رجعنا للبيت وطلعت لغرفتي ارتاح شوية
.
.
نرجس: رجعت لمدرستي يوم الاحد وحجيت لهند اني اتصلت بيه انصدمت مني لان مو متوقعة اسويها
.
.
هند: نونو انتي تحبيه لو لا
نرجس: طبعا لا
هند: لعد ليش اتصلتي بيه
.
.
نرجس: ماعرف احس شي بداخلي حب يتطمن عليه وحاولت امنع نفسي ماكدرت
.
.
هند: شوفي حبيبتي اني ماراح اكولج حبيه وتعلقي بيه وماعرف شنو بس حاولي تتعرفين عليه واذا حبيتيه افتحيلو موضوع الخطبة علمود تعرفين اذا صادق ولا دا يلعب عليج
.
.
نرجس: لازم انتي تخبلتي
هند: لا ماتخبلت بس علمود لا انتي تخسريه وتطلعين تحبيه بعد فوات الاوان ولا هو يخسرج وهو يحبج حب صادق
.
.
نرجس: اتركينا من هالحجي هذا هسا
هند: لا تبقين تنهزمين من الحجي بكل مرة اني صديقة طفولتج واعرفج كلش زين واول مرة اشوفج تحجين هيج عن شاب
.
.
نرجس: سكتت وافكر بكلامها معقولة اني احبو وماعرف بنفسي بس انا ما حبيت احد من قبل علمود اعرف مشاعري اذا هي مشاعر حب ولا لا
.
.
زين اذا انطيتو فرصة شلون افتح وياه موضوع الزواج قابل اكلو تعال اخطبني يمة ما اكولها لو اموت
.
.
رجعت من المدرسة وكلت خلي اتصل بيه اخذت التيلفون ورا الغدا واتصلت عليه
.
.
معتز: متمدد بالغرفة دا ارتاح واجاني اتصال شفت الرقم كيفت رديت بسرعة
.
.
معتز: هلا بالحب مالي
نرجس: شلونك
معتز: من سمعت صوتج صرت بخير
.
.
نرجس: فكرت بكلامك
معتز: اي كلام
نرجس: مو تريدنا نتعرف على بعض
.
.
معتز: اي طبعا احجيلي عن نفسج
نرجس: اولا انت تعرف ديانتي واني يتيمة اب
معتز: لعد منو الي يدخل لبيتكم
.
.
نرجس: هذا خالي عايش عدنا ويشتغل بمحلات ابوي
معتز: كملي
.
.
نرجس: اني متكبرة بطبعي وما احب ينرفضلي طلب وحتى لو تزوجنا عندي شرط اذا ما وافقت عليه ما اقبل
معتز: شنو هو
.
.
نرجس: اريد اكمل دراستي
معتز: اي طبعا
نرجس: احجيلي عن نفسك
.
.
معتز: شوفي راح اكون صريح وياج علمود ما اكون جذاب اني عمري 25 سنة سني وعايش ببغداد
.
.
تعرفت قبل فترة على شلة وخربوني وخربو اخلاقي بس من شفتج تغير كلشي بداخلي دا ارجع مثل قبل علمودج واحسن من اخلاقي واكطع الشرب
.
.
سكرتو بوجهي من جبت طاري الشرب اتصلت عليها وقفلتو
.
.
نرجس: من سمعت طاري الشرب سكرتو بوجهو فورا اتصل فصلتو وانطيتو حظر
.
.
معتز: اتصل بيها ويقفل لحالو ضربت التيلفون بالحايط كل قوتي والعصبية صارت فول شلون يعني ما ارتاح حتى من احاول احسن نفسي ما استفيد خرب يومكم
.
.
نرجس: الحيوان الحقير يريد ينصب علي ويكول احبج وهو شراب وسكرجي الرب ياخذك وياخذ الغبية الي اتصلت بيك
.
.
رجعت التيلفون عند امي ومحيتو من حياتي وشيريد يسوي خلي يسوي كملت دراستي وبعد العشى رحنا للكنيسة اني وخالي صليت هناك ورجعنا
.
.
نمت وثاني يوم رحت للمدرسة وحجيت لهند عالي حجاه وانو طلع سكرجي كالت همزين ما تورطتي وياه اتركيه وشيريد يسوي خلي يسوي
.
.
معتز: قررت ثاني يوم اروح للموصل كعدت الصبح وجهزت نفسي نزلت تحت وشافوني اهلي متجهز وسألوني كلتلهم اروح للموصل وسوو طلابة على راسي
.
.
شلون تروح وانت متصوب وما صدكنا على الله ما صارلك شي وامي كامت تبجي من شفت دموعها تراجعت
.
.
نرجس: خلصنا دوام وطلعت شفت الولد الي ضربو معتز ووياه ثنين تجمدت بمكاني
.
.
هند: شبيج
نرجس: هذا الولد الي ضربو معتز
هند: يمة شراح نسوي
.
.
نرجس: تعاي وياي دخلنا داخل حوش المدرسة وانتظرناه يروح وهو واكف ينتظر شوية وطلع المدير وشافنا خايفات
.
.
المدير: ها نرجس اكو شي
نرجس: استاذ هذا الولد الي تعرضلي ذيج المرة وجايب اصدقائو وياه
.
.
المدير: انتظري عندج
نرجس: ماشي
.
.
راح المدير وحجى وياهم ودفعوه ويصيحون بوجهو طلع تيلفونو اتصل على الشرطة وهم انهزمو اخذنا المدير بسيارتو علمود لا يتعرضولنا بالدرب
.
.
يمشي بالسيارة واحنا نأشرلو على مكان بيتنا وصلنا هند لفرعهم نزلت وانتظرناها لحد ما طبت البيت وكملنا اخذني لبيتنا امي جانت بالخارج تذب الوسخ
.
.
نزلت وشافتني وتعجبت تشكرت من المدير وراح مايدري بيها امي
.
.
الاء: هذا منو نرجس
نرجس: هذا المدير ماما
الاء: وليش جاية وياه
.
.
نرجس: خلي ندخل واسولفلج القصة كلها
الاء: يلا دخلي
.
.
نرجس: دخلت ورحت لغرفتي بدلت وكملت ورجعت حطت امي الغدا وكعدنا ناكل ونحجي
.
.
الاء: يلا احجيلي كلشي
نرجس: حجيتلها القصة كلها من الاول للاخير
الاء: وليش كلتيلي هند الي دفعت للمضمد
.
.
نرجس: ماما خفت ينشغل بالج علي
الاء: يعني على اساس ماراح ينشغل بالي عليج هسا وهو ينتظرج
.
.
نرجس: يعني شسوي
الاء: خلي يجي خالج واخليه هو ياخذج ويرجعج
نرجس: ماشي ماما بس خاف يضربوه
.
.
الاء: من يجي نحجي وياه
نرجس: خلصت غدا وصعدت ادرس
.
.
خلصت دراسة وتمددت اريد انام واجى ببالي معتز من كال دا احاول اكطع الشرب يعني هو بعدو مو كاطعو واذا وافقت عليه اتورط وياه
.
.
تجاهلت تفكيري ونمت كعدت المغرب ونزلت تحت خالي موجود وامي حاجية وياه عن الولد الي ضربو معتز
.
.
نرجس: هلو خالو
عيسى: هلا نونو شلونج
نرجس: تمام وانت
.
.
عيسى: نحمد الرب شنو قصة هذا الولد
نرجس: حجتلك ماما
عيسى: اي حجتلي
.
.
نرجس: مثل ما حجتلك لعد
عيسى: باجر اخذج واذا تعرضلج نشتكي عليه
نرجس: تمام خالو
.
.
تعشيت وخلصت كعدت وياهم شوية وصعدت نمت
.
.
معتز: جهازي انكسر ما طلع منو بس الخط والميموري رحت اخذت تيلفون جديد وانتظر تخلص اجازتي على احر من جمر
.
.
أصدقائي الي اشرب وياهم كطعت اتصالاتي وياهم ومن يتصلون ما ارد عليهم اتصل مرات على نرجس ويقفل فورا عرفت مسويتلي حظر
.
.
تفكيري صار كلو بيها احاول اتناساها بس ما اكدر ادخل للفيس لليوتيوب وماكو فايدة هم اتذكرها
.
.
نرجس: كعدت ثاني يوم الصبح تريكنا انا وخالي وطلعنا مرينا على هند اخذناها ورحنا للمدرسة وصلنا المدرسة مو موجود الشاب واصدقائو
.
.
دخلنا داخل المدرسة وخالي نبه علينا ما نطلع اذا ما يجي هو ياخذنا واذا طلعنا اول ما نوصل البيت نتصل عليه وراح
.
.
دخلنا وكضينا الدوام بين المحاظرات والفرص خلصنا دوام طلعنا ماكو احد تأكدنا ان الولد مو موجود هو واصدقائو ورجعنا للبيت
.
.
لكينا خالي بالطريق جاي علينا ورجع ويانا وصلنا هند ورجعنا للبيت
.
.
بقينا هيج 10 ايام نتأكد ان ماكو احد ونطلع اني وهند اخير شي كلنا يمكن خافو من الشرطة وماراح يجون
.
.
معتز: كل يوم الانتظار ياكلني اكل اجى يوم الالتحاق جرحي التأم وحتى لو مو ملتأم اروح اشوف هاي شبيها اريد احجي وياها
.
.
اجوني اصدقائي ورحنا عالموصل اول ما وصلنا باوعت شفتها جاية من المدرسة ويا خالها بس هي ما شافتني تحجي ويا خالها وتضحك واني صافن عليها وعلى ضحكتها
.
.
زياد: ها ابو الحب اشو صافن
معتز: وهو الي يشوف هاي الخلقة ما يصفن
زياد: شبيك ضايج
.
.
معتز: تخاربنا اني وياها
زياد: لا بشرفك
معتز: اي والله
.
.
زياد: ليش
معتز: عرفت بي اشرب
.
.
زياد: شفت ياخوية من ننصحك ومايفيد بيك هاي تمنيتها تحبك تخاربت وياها علمودو والله ياخوية مضرتو اكثر من فايدتو
.
.
معتز: حاولت احسن نفسي علمودها واكطع الشرب والسوالف المكسرة
.
.
من عرفتها لحد اليوم هذا مو لامس بنية ومن تصوبت ما طخيت البطل كلو لخاطرها وماقدرت هالشي
.
.
زياد: حقها ياخوية تخاف تتورط وياك
معتز: الله كريم
.
.
نزلنا جنطنا ورتبنا وضعنا وقررت باجر الصبح احجي وياها وافهمها اني دا اتغير لخاطرها بلكي تحس بي وبمشاعري
.
.
انتظرت لثاني يوم كعدت الصبح حظرت نفسي وانتظرتها طلعت هي وخالها تراجعت بالبداية بعدين كلت اسوي نفسي دا امشي ومن تفترك عن خالها احجي وياها
.
.
طلعت امشي هي انتبهت على وجودي بس خالها مايعرفني ما انتبه اني دا الحكهم
.
.......يتبع
تفاعلو علمود تشجعوني اكملها وقدرو تعبي بلايك وتعليق سريع

https://www.facebook.com/الكاتب-احمد-106346968747988/