حب في ازقه نينوى

البارت(53) حب_في_ازقه_نينوى الكاتب#احمد

تصويت ومتابعه لحتى توصلكم باقي البارتات والقصص ❤
#حب_في_ازقة_نينوى
بقلم #احمد
البارت_53
((اليوم احداث البارت مختصرة))
.
.
زياد: بس فهمني شنو الي غلط بالي سويتو
الحجي: باوع لمعتز .. هو هذا صاحبك الي مفتخر بيه
.
.
معتز: والله يابة اني مو بكلبو واتوقع منو هالشي هذا
زياد: رحمة لربكم احجولي اني بشنو غلطت
معتز: حرامات يا زياد يطلع منك هالكلام
.
.
زياد: اوك اعذروني وكوم معتز اخذلي طريق
معتز: جنت اريد اكمل المقلب بيه بس ابوي ضحك وما تحملت وضحكت وهو يباوع علينا ومستغرب
.
.
الحجي: احنا نتشرف بيك ابني وما نلكى احسن منك لبنيتنا
زياد: عمي هو هذا مقلب تسويه بي
الحجي: نهز الورد حتى نشمو
.
.
زياد: تسلم عمي
الحجي: بس الدين والاصول تستوجب نسأل البنية عن رايها
زياد: اي عمي اكيد اكيد
.
.
الحجي: هسا اني اعوفكم تكملون كعدتكم وإن شاء الله هاليومين ثلاثة نردلك خبر
زياد: تمام عمي
.
.
الحجي: تصبحون على خير
زياد&معتز: وانت بالف خير
.
.
معتز: راح ابوي اندار علي زياد وكال هسا بس الله يخلصك مني وكام علي ويضربني وطلع حركة كلبو بي واني كل ما اتذكر تعابير وجهو من جان ابوي يحجي وياه اشبع ضحك
.
.
زياد: بربك هاي سالفة تسووها بي خبلتوني
معتز: كول هالشي لعمك هو غمزلي
زياد: وانت خطية بريئ مدخلك بشي
.
.
معتز: بالضبط .. بس كلي شذكرك بهالموضوع
زياد: ما الكي احسن منكم والله
معتز: تسلم حبيبي
.
.
زياد: اني عشت وياك معتز واعرف كلشي عن اهلك
معتز: اي صحيح
زياد: اي لهذا قررت اخطبها عالقليلة اعرف الي اخذتها بنت منو وشنو اخلاقها
.
.
معتز: واهلك راح يوافقون تاخذ مطلقة
زياد: هاي عود انت الجبير معتز
معتز: هذا صار واقع بالعراق يخوي المطلقة يعتبروها مو خوش مرة ويحطون كل الصوج بيها
.
.
زياد: سؤال
معتز: جواب
زياد: لو اكلك شفت نرجس ويا شاب تصدك
.
.
معتز: اكيد لا
زياد: ليش
معتز: لان اعرفها ما تسوي هيج شي
.
.
زياد: واني كذلك مهما سمعت عن بنتكم مستحيل اصدك لان اعرفكم انتو واعرف تربيتكم لهذا ما يهمني مطلقة ولا لا
معتز: تمام .. الله يقدملكم الي بيه خير
.
.
زياد: آمين
معتز: والله اني امنيتي اسماء توافق واشوفكم سعيدين ويا بعض لان ادري بيك ما تقصر بس هي رافضة فكرة الزواج
.
.
زياد: انت احجي وياها واذا رفضت معناها ما الي قسمة
معتز: إن شاء الله خير
.
.
حجينا لحد ما خلص الوقت وراح هو لبيتو واني دخلت داخل لكيتهم كلهم بغرفهم صعدت بدلت وتمددت واخذ نرجس وعبدالهادي بحظني ونمنا سوا
.
.
نرجس: من راحو الحجي ومعتز يشوفون زياد سويتلهم جاي واخذو جواد وداه الهم ورجع اخذ سرور وراحو لغرفتهم واني واسماء بقينا عند الحجية شوية واجى الحجي كعد
.
.
الحجية: شنو جان رايد زياد
الحجي: اسماء بوية انتبهيلي
اسماء: نعم بابا
.
.
الحجي: زياد طلبج مني على سنة الله ورسوله
اسماء: واني مو موافقة
.
.
نرجس: حجت هيج وقبل ما يكمل كلامو الحجي كامت راحت لغرفتها الحجية كالتلو اعذرها بعدها جرحها جديد خلي تهدء وتفكر وإن شاء الله خير
.
.
بقيت وياهم لحد ما صارت الساعة 11 اخذت عبدالهادي ونمت حسيت اجى معتز سحبنا لحضنو ونام وياي اني وعبدالهادي
.
.
كعدت ثاني يوم ورحنا اني وسرور للجامعة وكضينا اليوم طبيعي بالليل جان معتز بالغرفة تركت عبدالهادي بالصالة ورحت اشوف شعند معتز بالغرفة على غير العادة
.
.
لكيتو يلعب بتيلفونو وكال صيحي اسماء وتعالي ورحت كلتلها معتز يريدج ورجعنا اني وياها من دخلنا كلتلو تريدني اروح كال لا ابقي
.
.
معتز: اي اسماء ابوي حجالج عن زياد مو
اسماء: اي حجالي واني رفضت
معتز: ليش رفضتي
.
.
اسماء: اني جربت حظي بالزواج وهاي هي ما اريد ادخل بتجربة ثانية وانجرح جرح جديد
معتز: ومنو كلج راح تنجرحين
.
.
اسماء: ومنو كلك ما انجرح
معتز: يا عمري اني اعرف زياد مثل ما اعرف تفسي ولو ادري بيه ما يفيدج مستحيل افتح وياج الموضوع
.
.
اسماء: حتى لو تعرفو شنو اليضمن
معتز: شوفي انتي اختي وتعرفيني مو
اسماء: اي اكيد اعرفك
.
.
معتز: وزياد هم اخوي واعرفو مثل ما اعرفج
اسماء: اي
معتز: شوفي فكري زين وفرصة واجتج ويمكن ربنا يريد يعوضج بزياد عن سامر والي مريتي بيه
.
اسماء: بدموع .. خايفة
معتز: مسح دموعها .. تخافين واني موجود
اسماء: مو بكيفي
.
.
معتز: لا بكيفج امسحي دموعج واوعدج اني اكون وياج دائما
اسماء: الله لا يحرمني منك
معتز: هسا روحي لغرفتج وفكري زين بكلامي ورديلي جوابج
اسماء: ماشي
.
.
نرجس: راحت اسماء كال معتز اقفلي الباب وتعاي احجيلج شغلة قفلتو ورحت عليه ما حسيت الا انسحبت بقوة وصار فوكي وباسني من شفتي الا انكطع نفسي ورحنا اني وياه بعالمنا الخاص
.
.
بال 11:30 سرور جابت عبدالهادي ونمنا سوا اني جنت اريد اسماء توافق على زياد بس ما حبيت اتدخل لان خفت يصير شي بعدين واطلع بسواد الوجه
.
.
صحيح اعرف ان زياد خوش رجال بس ما اكدر اقنع اسماء عليه واني ما اعرفو زين لهذا خليت نفسي خارج الموضوع كلت هي حرة باختيارها
.
.
اني الي يهمني ان معتز واهلو زينين وياي والبقية ما دخلني بيه ودائما اتمنى السعادة لاسماء لان كلش فقيرة وتستاهل كل الخير
.
.
ثاني يوم انطت موافقتها لمعتز وسألها اذا متأكدة من قرارها لو لا وكالتلو متأكدة وهو بلغ زياد والظاهر زياد مستعجل كلش لان بالليل جاب اهلو وعمامو ثنين وخطبوها خطبة رسمية
.
.
زياد جان يتيم الاب وعايش بس هو وامو واختو بالبيت واختو جانت مخطوبة وهو راد يتزوج لان امو شوية جبيرة بالعمر ومن تتزوج اختو ماعندو احد يهتم بيه
.
.
تمت الخطبة على خير واتفقو انو منا لشهر تقريبا ويسوون العرس اسماء ما جانت ناوية تجهز نفسها بس الحجية كالت تجهزين حالج حال البنات مو ناقصج شي لو رايحة فصلية
.
.
واسماء كالتلها كلي على بعضي مطلقة كالتلها الحجية مطلقة لان زوجج ما عرف قيمتج مو لان انتي مقصرة وغصب عنها خلتها تجهز
.
.
اتصل الحجي بابو اسد وبلغو وكلش فرح لاسماء هو وعيلتو جنا كل سبت او خميس نروح اني واسماء للمول
.
.
معتز ينزل زياد غصب عنو للطابق الاول وزياد يصيح لمنتظر لا تاخذ فلوس ويبقى بس منتظر يضحك عليهم وناخذ الغراض ونرجع
.
.
زياد جان مبين عليه طاير من الفرح والي يشوفو يكول صارلو عمر رايدها وكوة حصلها واني من اشوفو متحمس هيج افرحلهم
.
.
ومعتز يكول من ينزلون للطابق الاول يبقى رايح جاي ويريد يصعد ومعتز يمنعو الا نطلع يلا يعوفو بين ما خلصت اسماء جهازها وزياد رتب وضعو اني وسرور عطلنا وسرور تخرجت وارتاحت من الجامعة واني باقيلي ٣ سنين
.
.
جنت اشاقيها واكللها ما يصير انطيج سنة ونص تداوميها عني وهي تضحك وتكول اني راح ابقى بالبيت اليسمعج من خلصت اكضيها سفرات وونسة
.
.
الحجي ما طلب مهر هواي من زياد اكتفى ب 5 ملايين مقدم و 5 مؤخر بعد ما عطلنا باسبوعين صار العرس وهالمرة صار تلبيس الذهب ويا الحنة
.
.
اجو بالليل لبسها الذهب وحطلها الحنة بايدها وراح وثاني يوم صار العرس ومثل المرة الراحت هم ودعوها اهلها بس هالمرة ودعوها بفرح عكس ذيج المرة حتى جواد جان فرحان ومبتسم وهي لان شافتهم فرحانين ما بجت
.
.
وزياد شكد ما اوصف فرحتو قليل الدنيا ما توسع فرحتو من راحو عزلنا البيت اني وسرور وبنات ابو اسد وجانن هن هم باقيلهن اسبوعين تقريبا ويتزوجن
.
.
جنت كل ما اتذكر اسماء ادعيلها بالتوفيق والسعادة هي وزياد ثاني يوم راحو عليها اهلها كلهم بس اني وسرور وعبدالهادي بقينا عند عيلة ابو اسد بقو هناك ساعتين تقريبا ورجعو
.
.
وثاني يوم عزموها هي وزياد اجت جان وضعها طبيعي لا فرحانة ولا زعلانة لان بعدها ما شافت شي من زواجها بقو يمنا للعصر وراحو وعيلة ابو اسد رجعو لبيتهم بعدها بيوم
.
.
افتقدنا اسماء للمرة الثانية بس هالمرة مرتاحين من ناحيتها وراها باسبوع تزوجت اخت زياد وبعدها بيوم اجت اسماء بس هالمرة جيتها صدك فرحتنا
.
.
اجت وابتسامة الفرح تسبقها وتكول عايشة ملكة هناك ومدللة احلى دلال من زياد وامو وحتى اختو قبل ما تتزوج تكول من تزوجت اني زعلت عليها اكثر منهم شكد مو طيبة
.
.
وكلنا فرحنا بكلامها ومعتز يتشاقة وياها يكول اني ما اريد اتزوج وهي تضحك وتكول شمدريني صديقك يطلع هيج زين واني ماعرف
.
.
معتز: بشرف امج احجي الحقيقة
اسماء: ههههه حقيقة شنو
معتز: شكال زياد من شافج بالجامعة
.
.
اسماء: ما حجى بس سألني ليش ابجي وجاوبتو
معتز: هو من ذاك اليوم متخبل
اسماء: اي اي اختك خبلتو .. وتغمز لمعتز
.
.
معتز: هنا الحجي
اسماء: هههههه يكول من شفتج ذيج المرة واني متخبل
معتز: لا يالحيوان
.
.
اسماء: ها ها منو هذا حيوان
معتز: اسكتي لا ارزلج وياه هههههههه
اسماء: لا عيني ما اقبل على ابو معتز
.
.
معتز: ابو منو
اسماء: من حجيتلو انك قنعتني كال الا اسمي ابني عليه
جواد: واني شنو رجل كرسي
اسماء: لا رجل طاولة
.
.
نرجس: كام عليها جواد وهي انهزمت للطابق الثاني ولحكها وصوت ضحكهم يوصل للطابق التحت واني فرحانة لفرحتها لان من صدك تستاهل كل خير
.
.
مشت الايام وصار وقت زواج بنات ابو اسد ورحنا كلنا واسماء جابها زياد ورانا وابو اسد ما خلاه يرجع بيوم العرس راحو كل الشباب لمزرعة ابو اسد علمود النسوان ياخذن راحتهن
.
.
جهزنا نفسنا وبلشن البنات بالركص والاغاني من وصلت الزفة دخلو العرسان مشاء الله واحد احلى من الثاني بس ماكو بعيني احلى من معتز
.
.
كعدو يمهن فد ربع ساعة واخذوهن وودعوهن اسد وابوه والحجي وراحن جان منظرهن هن وازواجهن كلش حلو هن صايرات بالوسط وهم من الطارف
.
.
من طلعو سوو حركة عند السيارة وكفو عند الباب وفتحو الباب للبنات سوا ومدو ايدهم بمعنى تفضلي وركبن بالسيارة وهم صعدو من كدام وشغلو الاغاني وانطلقو وراحت وياهن امهن
.
.
وجان عرسهن تقليدي مثل كل الاعراس العراقية بس سبحان الرب كل ما يصير عرس كأننا اول مرة نحظر عرس عراقي كضينا ٤ ايام هناك ورجعنا
.
.
معتز بعد ما ترك العسكرية صار جسمو كلش حلو لان قبل من التعب كلش ضعيف بس من ترك جسمو تعدل شوية واهتم بشعرو ولحيتو دائما خفيفة ومحددة
.
.
وجان عشقي هو ان امسك لحيتو من اتمدد بحضنو وهو يتركني براحتي ومن تصير طويلة تصير بعد احلى بس هو يضوج منها ويخففها
.
.
رجعت حياتنا هادئة وحلوة بنفس الوقت الفلوس الي جنت اجمعهن ماعرف شكد صارن وحتى مو حاسبتهن واتذكرهن كل شهر من ينطوني حصتي وبعدها انساهن
.
.
سرور الله عوضني عن اسماء بيها صارت كأنها اختي وزياد واسماء كل اسبوعين تقريبا يجون بالليل هم وام زياد يتعللون عندنا ويتونسون وبعدها يروحون وجانت حياتها كلش حلوة
.
.
وزياد كاللها اريدج تكملين دراسة ولازم درجاتج كلها فول بس شغل ماكو لان اني مسؤول عنج كدام الكل واني البي احتاجاتج
.
.
ولان اسماء عدها جامعة وتتعب كاللها انتظر هالسنتين بدون اطفال واني لان عندي عبدالهادي مو مفكرة بالاطفال بالوقت الحالي
.
.
بس سرور وجواد لا يختلف وضعهم من خلصت سرور جامعتها وجواد كضاها ضحك على سرور كل ما يجي من المول يكوللها ها وين ابني تكول بسم الله بعدني ما حملت وهيج لعد الله يعيني عليك من احمل وهو يكضيها ضحك عليها
.
.
وبعدهم مثل اول ما تزوجو طيور حب وحياتهم كلش حلوة لا جواد يعصب عليها ولا هي تزعلو مرة من المرات جنا كاعدين بالغرفة اني ومعتز وسألتو اذا يريد طفل لو لا
.
.
كالي اني عندي طفل وثانيا انتي عندج جامعة واني مو مستعجل هال 3 سنين هم يكبر عبدالهادي وتقل مسؤوليتو وهم تخلصين جامعتج وقتها اذا الله رزقنا بطفل هلا بيه
.
.
واني عجبني كلامو وارتاحيت انو هو هيج يفكر عبدالهادي روحي متعلقة بيه قبل كلبي شكد ما اوصف حبي الو قليل ما ارتاح اذا ما اشوف ضحكتو
.
.
ومن يتمرض ويبجي احظنو وابجي وياه مثل الطفلة حتى معتز واهلو يضحكون علي بس مو بكيفي من اشوفو يبجي احس كلبي ينعصر عليه وابجي وياه
.
.
ويبقى بحظني لحد ما يطيب بعدها اطلق سراحو هههههههه ومرات يبجي على التيلفون وامنعو ويحاولون ينطوه اكوللهم لا تعلموه اول شي يأذي عيونو ويتعود عليه
.
.
وفعلا لان مو متعود حتى اذا يبجي شوية وينساه وابد ما خليت تيلفون بايدو انطيه العابو والي هن سيارات ودبب صغار ومكعبات وهو يكعد بنصهن ويبقى يلعب لحد ما يتعب
.
.
وجان سوالفو عالم ثاني جواد من يكون ماعندو شغل ياخذو ويروح لغرفتو ويبقى يحجي وياه ويضحك لحد ما يتعب ولحد الان على طبعو من يسمع اغاني يكضيها ركص
.
.
معتز: مرت بينا الايام بهدوء والحمدلله على هالهدوء وإن شاء الله ما يكون هدوء ما قبل العاصفة وهذا جان اكثر دعاء اكررو بكلبي
.
.
مرة من المرات جنت نايم بالليل حلمت اني بمكان اظلم كلش ما اشوف كلشي بيه افتريت وماشوف كلشي وسمعت صوت وراي التفتت شفت طفل مكمط
.
.
وحجى كال ماما واشر بايدو وانداريت باتجاه ايدو وشفت زينب واكفة وكالتلي اني فرحانة الك هواي واريد اشكرك انت ونرجس لان اهتميتو بعبدالهادي
.
.
كلتلها شعرفج باسمو كالت هو كالي واشرت عالطفل ورجعت حجت كالت بس لا تنسى كل شي والو جزء الخير والشر الهن جزء وهالجزء ممكن يكون خير وممكن يكون شر
.
.
وانتو الشر اقربلكم من الخير طول ما امي عايشة اني مسامحتكم بس يا ترى هي مسامحتكم لو لا بس انتبه لنرجس ودير بالك عليها لان هي الوحيدة الي اهتمت بابني
.
.
واختفت وما اسمع بس صوت بجي فزيت من نومي فزة بس الله يعلم بيها جسمي صاير ماي وراسي يوجعني انداريت لكيت نرجس نايمة هي وعبدالهادي
.
.
فركت راسي وكمت غسلت وجهي ورجعت قريت المعوذات واستغفرت بس كلام زينب بقى يتكرر ببالي والله يستر من امها بس لا رجعت سوت شي ثاني وتريد تهجم بيتي مرة ثانية
.
.
بقيت للصبح كاعد ماكدر انام كعدت الصبح ابتسمتلي حسيت ردتلي روحي من شفت ابتسامتها ونزلت تسوي ريوك وكعدت عبدالهادي نزلتو وياي تحت
.
.
وكعدو اهلو واجت نرجس اخذت عبدالهادي غسلتلو ورجعت وجها اصفر ومبين عليها التعب كلتلها شبيه وجهج اصفر كالت هبوط هسا بس اكل اتحسن
.
.
بس بدا عندي القلق واني اتذكر كلام زينب كلت إن شاء الله ماكو شي راحت اسماء تجيب الريوك ويا سرور من المطبخ ووضعها مبين مو تمام
.
.
جنت اني كاعد ويا اهلي انتظر الريوك وفززني صوت صحون انكسرت بالمطبخ وايد نرجس مبينة من الباب انها فاقدة الوعي
.
.
............ يتبع
لايك وتعليق حلو مثلكم ❤
حطولنا ارائكم وتوقعاتكم ❤