حب في ازقه نينوى

البارت(36) حب_في_ازقه_نينوى الكاتب#احمد

وصلولنا البارت 200 لايك ❤
#حب_في_ازقة_نينوى
بقلم #احمد
البارت_36
.
.
نرجس: الرب يسعدك مثل ما اسعدتني وفرحتني
معتز: ويسعدج ويفرحج دائما
نرجس: آمين
.
.
جنت احجي ويا معتز ومندمجين بالحجي ومنظر الشمس كدامنا وهي تغرب جان موقف كلش حلو وقطع اندماجنا الصوت الي اجى من داخل البيت
.
.
معتز: رحنا اني ونرجس للموصل جنت اشرحلها عن الاماكن الي صار بيها حرب اشوفها مندمجة وياي بس مبين اكو نظرة حزن بعيونها واي مواطن يحب بلدو اكيد يحزن من يصير بيه حرب ويتأذون ناس ابرياء ويتدمر البلد
.
.
من دخلنا الموصل عدلت كعدتها وتباوع مثل الطفل من قربنا على مدرستها نزلن دموعها كلت خليها على راحتها بلكي البجي يخفف شوية من الم الذكريات
.
.
صحيح من اشوفها تبجي احس احترك بنار عليها بس تحملت علمودها لان اذا ما تبجي تتأذة اكثر جنت اسوق وعين عليها وعين عالطريق
.
.
من وصلنا بيت اهلها نزلت ركضت صحت عليها وجنت خايف يكون اكو حيوان بالبيت لو شخص نزلت من السيارة بسرعة ودخلت وياها
.
.
جان الرجوع للبيت كلش صعب عليها مع كمية الذكريات الي بيه وبالاخص انو فقدت اقرب شخص الها وهي امها والبيت هذا بكل زاوية الها ذكرى عن امها
.
.
جان صوت بجيها كلش يأذيني حتى تندمت جبتها من صعدت لغرفتها شفتها طلعت صندوق وبجيها كلش زاد وخفت عليها حاولت اسحبها علمود اطلعها ورفضت
.
.
رجعت كعدت عالسرير وافكر انو الدنيا مغرب صارت والطريق طويل وخطر والموصل مابقى بيه فنادق والاقليم ما يدخلون احد المغرب يعني حرفيا ماكو مكان نكدر ننام بيه
.
.
بس كلت كلش يهون لخاطرها كملت استكشاف الطابق الثاني وصعدت للسطح وتذكرت من اجيتها للغرفة الدنيا جانت مغرب واني وياها واكفين واجى صوت من داخل البيت
.
.
نرجس: الصوت جان لبنت ومو غريب علي انداريت لمعتز باستغراب ودخلت وياه للبيت جانت واكفة عند نهاية الدرج هي واخوها نزلت دموعي وركضنا لبعض وحضنتها وانفجرنا ثنينا بالبجي واخوها سلم على معتز
.
.
هند: صارلي من زمان انتظر جيتكم
نرجس: ماصار عدنا مجال
هند: لعد خالة الاء وينها
.
.
نرجس: اريد اجاوبها ماكدرت حطيت ايدي على عيوني وابجي
معتز: ام نرجس توفت
هند: شنووووو شلون توفت
.
.
معتز: صار عدها سرطان بالامعاء وتوفت قبل سنتين
هند: الرب يرحمها كافي حبيبتي كافي .. وحضنت نرجس
اخو هند: تفضلو ويانا للبيت
معتز: لا احنا نتوكل لازم نرجع
.
.
اخو هند: كل عقلك يمعود وين ترجع بهالليل تباتون عدنا اليوم وباجر الرب يحلها وهم يجن هند ونرجس ينظفن البيت باجر وتقفلوه وبعدها بكيفكم
.
.
معتز: شنو رايج نرجوسة
نرجس: اي خلي نبقى هم انت تعبان من الطريق
معتز: تمام
.
.
نرجس: اخذت الغراض الي طلعتهن ورحنا وياهم والبيت بس سكرنا الباب مؤقت دخلت سلمت على امها وبقينا عندهم وكلش تونست ويا هند وامها
.
.
معتز: رحنا وياهم اخو صديقتها جان انسان محترم ومبين عليه خوش انسان اتصلت على اهلي وبلغتهم ان راح نبقى هناك وسكرت اخو صديقتها جان اسمو سعد
.
.
سعد: سمعنا انو متعارك ويا عيسى
معتز: اي والله بس هاي قبل ٣ سنين
سعد: اي بس ما تنلام بيه
.
.
معتز: بابتسامة .. ليش
سعد: ياخي والرب خبلوني هو واخوه
معتز: ليش شبيهم
.
.
سعد: مو عاف نرجس وامها
معتز: ماعدهم غيرة حشاك
سعد: وهذا عيسى جان عايش من محلات ابو نرجس
.
.
معتز: صدك محلات ابو نرجس تعرف مكانهن
سعد: اي اكيد
معتز: اريد اشوف نرجس اذا وافقت راح ابيعهن وبفلوسهن اشتريلها محلات ببغداد احسن الها
.
.
سعد: لا تبيعهن
معتز: ليش
.
.
سعد: تعرف انت الموصل لحد الان ما رجعو كل الناس وشبه خرابة صايرات فالعقارات نزل سعرهن كلش فانتظر بين ما يرجعون الناس
.
.
معتز: والله يخوي ماعرف
سعد: من يرجعون الناس راح يصير سعرهن كلش حلو وقتها تكدر تبيعهن بس البيت شنو وضعو
.
.
معتز: مستحيل تبيعو نرجس
سعد: اي اكيد ذكرياتها هي وامها كلهن بهالبيت
معتز: اي والله
.
.
سعد: عيسى كاللنا متزوج نرجس قبل تحرير الموصل
معتز: استغربت بس لحكت على نفسي .. شعرفو هو
سعد: اخوك كايلو لان جان يريد يرجع نرجس
.
.
معتز: هاي ايمتى
سعد: لازم ماتعرف
معتز: لا والله
.
.
سعد: بس الي مستغرب منو انت تكول امها ماتت قبل سنتين وهو من حجى عن زواجكم انت ونرجس ما ذكر ان خالة الاء متوفية
.
.
معتز: زواجنا اني ونرجس صار قبل وفاتها
سعد: الرب يسعدكم حبيبي
معتز: ويسعدك
.
.
معتز: حجينا شوية هو ترخص وطلع اني اتصلت فورا على نرجس لا تجفص كدامهم ويعرفون ان بعدنا ما تزوجنا وكلت من ارجع اسأل جواد عن عيسى
.
.
نرجس: الو
معتز: خوما سألوج اذا متزوجين
نرجس: لا
.
.
معتز: اذا كالولج كليلهم قبل وفاة امج
نرجس: تمام
.
.
معتز: سكرت منها وحمدت ربي انو لحكت عليها اجى سعد وبقينا اني وياه لل 11 نحجي وكلش ارتاحيتلو وعرف انو جنت الحك نرجس وشبعنا ضحك على الماضي
.
.
بس لان نفسيتو حلو واخذ الموضوع بشقى ما افتشلت منو خلصنا حجى وكال يلا تعال لغرفتكم تعجبت كلتلو غرفتنا
.
.
سعد: اي انت وزوجتك
معتز: لا يمعود ما يحتاج انام هنا بالاستقبال
سعد: كوم ويا زوجتك واعتبر نفسك ببيت اهلك
.
.
معتز: بيني وبين نفسي كلت انلاصت جان عدهم درج خارجي صعدنا وياه وجان بيتهم طابقين الطابق الثاني مسوين الو درج داخلي ودرج خارجي
.
.
ومن الدرج الخارجي باب تدخل عالبيت منو فدخلنا واخذني لغرفة دخلت بيها تشكرت منو وراح هو واني بقيت محتار شلون راح ندبرها اني ونرجس
.
.
نرجس: جنت كاعدة اني وهند وامها واستغربت من كالتلي هند انو خالي عيسى يعرف بزواجي من معتز من زمان بس لان ما اريدهم يعرفون مو متزوجين سكتت
.
.
من صارت الساعة 11 اجى سعد صاح لامو راحت شوية ورجعت كالت يمة نرجس اذا تعبانة ترا زوجج ينتظرج بالغرفة علمود ترتاحون هم جايين من طريق بعيد اليوم واعتبري نفسج ببيتكم
.
.
نرجس: لا خالة انام ويا هند مشتاقتلها
الام: لا يمة ما يصير اذا يحتاج شي زوجج قابل يبقى للصبح
.
.
نرجس: انجبرت وكمت وصلتني للغرفة وراحت دخلت متمدد عالسرير رفع ايدو وكال خوش ورطة مو ضحكت وكلتلو هاي فكرتك
.
.
معتز: شوفيلي فراش شي انام بيه للصبح
نرجس: منين اجيب تشوف الغرفة مابيها بس هالسرير واذا جبت غير فراش من غير غرفة يصير تحقق علينا
.
.
معتز: والحل شنو
نرجس: شعرفني اني هم محتارة
معتز: تعاي نامي على طارف السرير واني عالطارف الثاني
.
.
نرجس: لا
معتز: لعد وين تنامين بالكاع تعاي ترا اني مؤدب
نرجس: رفعت حاجبي .. لا كلش مؤدب
.
.
معتز: اي كلش مؤدب بس وياج ما اضمن نفسي
نرجس: هههههههه هي هنا المشكلة
معتز: تعاي تعاي ماكو غير حل
.
.
نرجس: بقيت واكفة ومحتارة
معتز: تجين لو اجي انومج بحضني
نرجس: لا لا جيت ههههه
.
.
رحت اخذت طارف وهو طارف ولان اول مرة انام وياه بفراش واحد وفوكها مو زوجي جنت متقيدة كلش ونمت بحجابي
.
.
ثاني يوم كعدت من وقت لان تغير مكان نومي ومو مرتاحة بنومتي كعدت معتز وعدلت الفراش واخذتلو طريق ونزل هو تحت واني نزلت من الدرج الداخلي
.
.
معتز: جان عندهم تواليت ومغاسل خارج توضيت ودخلت للاستقبال صليت الفجر شوية واجى سعد وجايب الريوك وياه تريكنا وخلصنا
.
.
وكلتلو شوف نرجس اذا تريد اوصلها لبيتهم تنظفو بين ما اروح للسوك اني وياك نشوف المحلات
.
.
وبعدها بشوية طلعنا اني وهو ونرجس واختو وصلناهن للبيت مال اهل نرجس ورحنا للسوك اخذت 3 اقفال واحد لباب السطح وواحد للباب الصالة وواحد للباب الخارجي
.
.
ومرينا للمحلات جانن مكسورات اقفالهن ومخبوصات خبص والغراض نص ماخوذ ونص مكسر تساعدنا اني وياه وفرغناهن من الغراض المكسرة والاشياء الماتفيد وقفلتهن بقفلين ورجعت اخذت غيرهن من السوك ورجعت للبيت 
.
.
نرجس: رحنا للبيت بلشنا بالطابق الثاني اني وهند اول شي غرفتي طلعت الفراش الي عالسرير وذبيتو لان ما اريد اتذكر الداعشي ونظفنا الغرفة كلها واي شي ما احتاجو ذبيتو
.
.
وبعدها دخلت للغرفة الثانية الي بيها ريحة وجلفناها جلفة مرتبة بحيث صارت تلمع ومابقى بيها بس ريحة المنظفات كملنا الطابق الثاني واجو معتز وسعد
.
.
جانو تعبانين وملابسهم مدمرة سألتهم وكالو منظفين المحلات ومتدمرة ملابسهم صارت الدنيا ظهر رحنا تغدينا ورجعنا نزلت من السيارة جان اكو واحد من الجيران واكف من شفتو كلتلو الرب ياخذك يا عديم الرجولة تفو عليك
.
.
معتز: بعصبية شبيج نرجسسس
نرجس: نزلت دموعي .. هذا الحيوان هو الي يكول للدواعش على بيتنا بيت مسيح
.
.
معتز: خيولي اتركيه
نرجس: شلون اتركو وهو جان راح يصير سبب بدمار حياتي كلها
معتز: انتي كلتيها عديم رجولة
.
.
نرجس: من شافنا نحجي هيج انهزم ودخلنا عالبيت جانو سعد ومعتز يحركون الاغراض واني وهند ننظف دخلت لغرفة خالي عيسى وطلعت شكو شي بيها ذبيتو ما خليتلو شي ابد وطلعنا الاغراض كلها بالحوش وكملنا تنظيف
.
.
معتز: نرجس الغراض الي بالحوش ترجعيهن
نرجس: لا ما نريدهن
معتز: هسا وين نوديهن
.
.
نرجس: ماعرف
سعد: اكو سيارات حمل قريب من السوك يوكفون روح اجرلك وحدة وخلي ياخذهن خارج الموصل
.
.
معتز: زتيتلو السويج .. روح انت اذا مابيها زحمة
سعد: لا يمعود زحمة شنو
معتز: ممنونك حبيبي
.
.
راح سعد واني بقيت وياهن كملن تنظيف البيت كلو شوية ورجع سعد ساعدتو وحطينا الغراض بالسيارة وراح سعد وياه علمود يودوهن خارج الموصل واني بقيت عند البنات
.
.
رحت قفلت باب السطح وقفلت باب الصالة ومن خلصن تنظيف الحوش طلعنا منو وقفلناه شفت نرجس وكفت كدامو وعيونها بيهن حزن كلتلها نرجوسة وعد كل ما تحبين اجيبج عليه
.
.
نرجس: اجي عليه شسوي
معتز: تتذكرين حياتج الي عشتيها بيه
نرجس: تدري اتمنى امي عايشة علمود نرجع نسكن بيها
.
.
معتز: الله يرحمها وهاي سنة الحياة وحتى لو عايشة مستحيل ابوي يخليها ترجع تعيش لحالها هنا
نرجس: ليش ما يسمحلها
.
.
معتز: شلون تعيش هنا وحدها وانتي تبقين هناك
نرجس: ليش ابقى
معتز: شنو ليش ابقى غير انتي زوجتي
.
.
نرجس: انتبهت لهند جانت بالسيارة وما تسمعنا .. شو انت عشت الفلم عالواقع
معتز: تقبلين تتزوجيني
.
.
نرجس: انصدمت لان ما جنت متوقعة ابد يسأل هالسؤال بهالوقت خدودي صارن حمر تركتو اريد اروح للسيارة وسحبني من ايدي عليه
.
.
معتز: مو بهالسهولة تخلصين مني
نرجس: شنو
معتز: جاوبي
.
.
نرجس: مو وقت هذا الموضوع معتز
معتز: مو وقتو كلتيلي
نرجس: اي
.
.
معتز: طلعت تيلفوني اتصلت على ابوي كلتلو يابة نرجس مواقفة تتزوجني عود من ارجع راح نسوي العرس واعزم كرايبك من هسا وبالاخص ابو اسد
.
.
نرجس: اريد اسكتو فضيحة وانتشرت ما يسكت ويضحك علي واني فوك موقف الخجل منو راح هم اتصل عالحجي وانطى موافقتي قبل ما احجي
.
.
معتز: يلا حبيبي خلي نروح ورانا عرس
نرجس: ليش هيج تفشلني
معتز: هسا سوال انتي موافقة لو لا
.
.
نرجس: عناد بيك ما اوافق .. تركتو ورحت للسيارة
معتز : هههههههه اني اعلمج يولي
نرجس: ما يخليك بابا .. ومديت لساني اعيب عليه
.
.
رجعنا للبيت هو طول الطريق الابتسامة ما غادرت وجهو فكرت بيني وبين نفسي اذا تزوجت معقولة اتزوج وهند وامها ما اعزمهن مستحيل اسوي هيج
.
.
من وصلنا دخلنا داخل وجابتلي هند ملابس لمعتز من ملابس اخوها سعد رحت عليه عالاستقبال انطيتو الملابس وكلتلو معتز لازم اكول لهند وامها انو احنا ما متزوجين وانو كلنا هيج علمود خوالي لا اكثر ولا اقل
.
.
معتز: ليش
نرجس: لان اريدهن يكونن موجودات بعرسي
معتز: مو على اساس مو موافقة
نرجس: ها اي لا لا ما اتزوج
.
.
معتز: سحبتها حطيت اصبعي على كلبها كلتلها هذا مكتوب باسمي وبس وهذا اشرت على كلبي الج انتي وحدج وبس وحطيت اصبعي عل  شفايفها
.
.
كلتلها ذني مستحيل ابوس غيرهن واخذت منها بوسة ما تركتها الا انكطع نفسها بعدت عنها وجها احمر تريد تنهزم مسكتها من ايدها ورجعتها كلتلها وين رايحة خلينا نبقى مع بعض قبل ما يرجع سعد ويخرب علينا
.
.
نرجس: معتز الي دا نسويه غلط احنا ما متزوجين
معتز: خلص ما ابوسج تدللين
نرجس: خليني اروح
.
.
معتز: اريد بوسة
نرجس: شحجينا احنا
معتز: ههههههه ماشي روحي
.
.
راحت نرجس وطلعت اني للمغاسل غسلت يرادلها سبحة بس ما اكدر اخذ راحتي لهذا بس غسلت اديني ورجليني وراسي وبدلت ملابسي
.
.
اخذت من ملابس رعد وانطيت ملابسي لنرجس علمود تغسلهن بلكي ينشفن قبل الصبح علمود نروح من وقت لبغداد وهم نوصل من وقت
.
.
اجى سعد المغرب دخل داخل سبح وجاب العشى واجى تعشينا وكملنا تعليلتنا لل 10 ونعست واخذني للغرفة وراح جنت نعسان حتى ما انتظرت نرجس نمت فورا
.
.
نرجس: من باسني معتز حسيت باحساس حلو وبعدها اختنكت وبعدت وما خلصت منو الا حرارتي مرتفعة من الخجل ووجهي صار طماطة
.
.
ورا شوية صاحني ورحت اخذت ملابسو وسبحت وغسلت ملابسنا ونشفتهن بقى بيهن رطوبة خفيفة وتعشينا وكعدت حجيت لهند وامها انو اني ومعتز مو متزوجن
.
.
وكلتلهن البارحة نمنا كل واحد بطرف وكلتلهن هو طلب ايدي اليوم واني وافقت وحجيتلهن ليش ما تزوجنا من الالف للياء دا احجي وياهن واتصلت اسماء
.
.
رديت عليها كالت فعلي نت واحجي وياي عالواتساب فعلت يومي واتصلت عليها كامرة فتحت وخلت الكامرة على عبدالهادي من شافني كال ماما
.
.
كلتلو يا روح ماما انت من شوقي الو نزلت دموعي من شافني ابجي برطم كلتلو لا تبجي يا روح ماما باجر اجي وحجيت شوية ويا اسماء وسكرت
.
.
ومن خلصت كلامي ويا هند وامها نمت عند هند ووصيتهن ما يكولن لاحد انو نمنا سوا اني ومعتز حتى سعد ما اريدو يعرف وهن كالن مثل ما تريدين
.
.
ثاني يوم كعدت الصبح بدلت ملابسي ودزيت ملابس معتز وبعد الريوك تشكرنا منهم ورجعنا معتز يباوعي ويبتسم اني من جهة خجلانة بسبب موقف البارحة ومن جهة حركاتو تضحكني
.
.
معتز: اي يابة حجيتيلهن
نرجس: اي حجيتلهن
معتز: وما سألن شلون نمنا ويا بعض
.
.
نرجس: هم شرحتلهن وكلتلهن ما يحجن لاحد
معتز: صدك حجيتي ويا اسماء البارحة
نرجس: اي حجيت وياها هي وعبدالهادي
.
.
معتز: من اليوم ممنوع تبوسيه
نرجس: باستغراب .. ليش
معتز: اغار منو اذا تبوسيه لازم تبوسيني
.
.
نرجس: ابوسو وما ابوسك
معتز: ممنوع
نرجس: نشوف
.
.
رجعنا للبيت والطريق طويل كلش ما وصلنا للمغرب نزلت من السيارة احس رجليني يوجعني من طول الطريق والتعب الي احس بيه
.
.
دخلت داخل واني متلهفة وميتة شوق لعبدالهادي واريد بس اشوفو احس صارلي سنة مو شايفتو ولا كأنو يومين بس
.
.
........ يتبع
لايك وتعليق حلو مثلكم ❤
حطولنا ارائكم وتوقعاتكم ❤