حب في ازقه نينوى

البارت2 حب_في_ازقه_نينوى الكاتب#احمد

البارت2
حب_في_ازقه_نينوى

الكاتب#احمد

.
.
نرجس: طلعنا اني وهند واجانا ولد
الولد: هلو
نرجس: هلا اخوية اتفضل
.
.
الولد: لا تكولين اخوية وهاج هذا رقمي
نرجس: اكل نعال وامشي ولي منا
.
.
معتز: ما تقربت لان توقعتو احد من اقاربها وما اريد اسببلها مشاكل انتبهت عالولد حط ايدو على صدرها ودفعها زتها بالكاع
.
.
نرجس: من كلت للولد ولي منا حط ايدو على صدري ودفعني حاولت اسيطر على نفسي ماكدرت وكعت وصارت تحت ايدي حصوة صغيرة وكعت عليها وايدي تأذت كلش
.
.
معتز: شفتها وكعت عرفتو جاي يتاحرش بيهن ركضت عليه اول ما وصلت عندو انطيتو دفرة رجلي صارت على صدرو وزتيتو ليورا وكع بالكاع ويكح من قوة الضربة
.
.
معتز: شسوالج
نرجس: ايدي ماكدر شفت الدم احس روحي طلعت ما اكدر اقاوم منظرو
.
.
معتز: كمت عالولد كعدت فوكو واستلتمو بوكسيات خربطت وجهو الناس التمو علينا كمت منو وهي كاعدة بالكاع وتبجي
.
.
معتز: كومي خلي اخذج لمضمد
.
.
نرجس: روحي طلعت من الوجع وهند ماتعرف شتسوي وهذا الجندي استلم الولد ضرب مثل المجرم
.
.
اجى كالي امشي وياي اخذج لمضمد كمت وهند سندتني انتبهت رجلي هم طالع منها دم من تحت
.
.
هند: على كيفج حبيبتي على كيفج
معتز: اخذتها لمضمد ضمد جروحها انطيتو حسابو وطلعنا
نرجس: شكرا لانك ساعدتنا
.
.
معتز: واجبي احمي المواطنين وهذا جزء من واجبي
نرجس: ليش ضربتو هيج
.
.
معتز: يستاهل هذا نفسو الي وكعج لو احد موكع اختو راح يرتكب بيه جريمة بس اني ما حبيت اوسخ ايدي بيه
.
.
امشي خلي اوصلج للبيت لا هم يجي احد يوكعج واصرف عليج 5 انوب
.
.
نرجس: لا تخاف بس نوصل البيت انطيك 10 مو 5
معتز: هههههههه جاي اشاقيج شبيج يولي
نرجس: مشينا لحد ما وصلنا هند لفرعها هو يمشي كدامي واني وراه
.
.
معتز: يلا وصلنا ما بقى شي
نرجس: ليش تلحكني صارلك 3 ايام
معتز: (انداريت عليها) علمود اجي اخطبج
.
.
نرجس: (وكفت بمكاني) شنوووو
معتز: من اول ما شفتج عجبتيني واريد بس اخذ موافقتج علمود اجيب اهلي ونخطبج على سنة الله ورسولو
.
.
نرجس: تركتو يحجي ورجعت للبيت يعني مو مساعدة جاي يسوي هيج لمصلحتو
.
.
معتز: تركتني وراحت يلا حركة متوقعة خليها تتكبر بس بعدين الا ما اجيبها رجعت للنقطة حجيت لاصدقائي عالموقف مال الولد وموقفها من تركتني
.
.
كالولي راح تجي بس انطيها شوية وقت لان لسه ماتعرفك
.
.
نرجس: رجعت عالبيت امي محظرة الغدا
الاء : يلا تعاي تغدي نونو الغدا جاهز
نرجس: اجيت ماما بس ابدل
.
.
رحت لغرفتي بدون ما تنتبه لايدي ورجلي رحت بدلت ورجعت للمطبخ وشافت ايدي مضمدة
.
.
الاء: شبيها ايدج
نرجس: ماكو شي ماما بس دا نمشي اني وهند وما انتبهت وكعت وصارت حجرة تحت ايدي وانجرحت
.
.
الاء: وهسا توجعج
نرجس: لا ماما ما توجعني شغلتها بسيطة
الاء: يلا تكبرين وتنسين
.
.
نرجس: ماما باجر ذكريني اخذ 5 من عدا مصروفي انطيه لهند لان هي انطت للمضمد
.
.
الاء: وليش ما انطيتيه انتي
نرجس: ما بقى عندي صرفتهن بالمدرسة
الاء: ماشي حبيبتي
.
.
نرجس: كملنا اليوم طبيعي واريد اخذ 5 انطيهن للجندي من يجي باجر واخليه يعتقني بحالي
.
.
معتز: بقى عندي اخر يوم قبل النزول هاي شلون راح اتركها هيج وانزل اذا جاها احد منو يفزعلها اليوم كلها تتفرج محد كلف نفسو يساعدها اووووف شهالورطة هاي
.
.
ثاني يوم الصبح هم انتظرتها من طلعت لحكتها الفرع جان فارغ واني من امشي ما اركز عيوني عليها علمود اذا احد يشوفنا يعتقد مجرد 2 دا يمشون بطريق واحد اندارت عليه وانتظرتني لحد ما وصلت يمها
.
.
نرجس: هاك هاي ال 5 واتركني بحالي
معتز: صرت بيمينها وهم افترت علي وصار الحايط وراها تقدمت وهي رجعت لورا صار ضهرها عالحايط
.
.
نرجس: هاي شبيك
معتز: حصرتها وهي ذبحها الخوف عيونها غوركن وترجف وتحجي
.
.
نرجس: هاك واتركني
معتز: تكبرج هذا مو علي وال5 خليهن الج اني اريدج انتي مو الفلوس
نرجس: اتركني اروح هسا يشوفنا احد
.
.
معتز: رفعت ايدي وراحت ركض دحكت عليها واضحك على موقفها هي ما اندارت ابد من الخوف كملت طريقي وراها لحد ما دخلن هي وصديقتها بالمدرسة ورجعت
.
.
نرجس: ذبحني الخوف من حصرني بالحايط وخايفة احد يطلع ويشوفنا اول ما تركني طلعت ركض ومن الخوف ما انداريت وراي رحت وصلت لهند عرفت بيه خايفة
.
.
وسولفتلها الموقف وتكولي رحتي بيها لعد ما صدكت على الله وصلنا المدرسة دخلت وماعرف هو شصار بيه
.
.
البنات كلهن سألني عن الجندي كلتلهن ماعرفو بس مبين عليه ابن حلال وساعدني
.
.
عدنا بنت اسمها سندس كلش مكروها وحقودة
.
.
سندس: لعد ليش لحكج اليوم اذا ما تعرفيه
نرجس: شنووو
سندس: هاي لعباتج مو علينا الله يعلم شاكو بينج وبينو
.
.
نرجس: حطي نعال بحلكج واسكتي لا ابتلي بيج
سندس: لا والله خوفتيني حبيبتي اني اعرف الملعبات امثالج
.
.
نرجس: هجمت عليها واريد بس امسكها ماكدرت انهزمت والبنات مسكني اجى المدير واخذنا ثنينا عالادارة
.
.
المدير: شبيكن تتعاركن
نرجس: استاذ البارحة واحد وكعني واجى جندي ساعدني وسندس تتهمني ان عندي علاقة وياه
.
.
المدير: سندس شنو هالحجي
سندس: استاذ اليوم شفتو لاحكها لحد ما طبت المدرسة
.
.
المدير: وانتي شدخلج بيها شوفي تطلعين منا وتكولين كدام الكل انج غلطانة ولو سمعت احد يكول مو حاجية هيج افصلج وبعد ما ارجعج للمدرسة
.
.
سندس: ماشي استاذ
المدير: تكدرين تروحين
نرجس: شكرا استاذ
.
.
المدير: انتبهي لنفسج بنيتي ترا مو كل مرة تسلم الجرة
نرجس: من عيوني استاذ
.
.
طلعت وسندس كالت للبنات مو هو الجندي الي ساعدها البارحة وتوهمت يعني بس فشلت نفسها خلصنا الدوام طلعت ما لكيت الولد حمدت الرب ان ما اجى
.
.
معتز: من رجعت لكيت زياد مريض واخذتو للمستشفى صاير عندو تسمم التهيت وياه وماكدرت ارجعلها من صار زياد زين رجعنا عالنقطة
.
.
جهزنا غراضنا علمود ننزل ثاني يوم للبيت انتظرت خارج النقطة بلكي تطلع ماكو للمغرب ايست من طلعتها ودخلت للنقطة
.
.
نرجس: سندس طلعت بسرعة تريد تشوف بلكي الجندي موجود بس من طلعت وما شافتو ضاجت هند تحجي وياي عنها وتضحك
.
.
هند: تدرين حظج حلو ولا جان طاح حظج لو موجود
نرجس: لج ماعرف شلون اوصف فرحتي لان مو موجود
.
.
هند: انتبهي هاي المرة اجت سليمة المرة الجاية مانعرف شيصير اذا انتبهن البنات راح تصير سيرتج على كل لسان
.
.
نرجس: لج والعذراء كلتلو الصبح بس مايفيد بيه هم لحكني صحيح كلت لامي انتي انطيتي للمضمد 5 خاف تسألج
هند: لعد انطيني يلا
.
.
نرجس: انجبي حبي راح اكوللها ما قبلت تاخذهن
هند: لا وربي اقبل انتي بس انطيني ههههه
نرجس: ههههه وربي ما انطيج
.
.
رجعنا عالبيت وافكر شراح يصير اذا احد لاحظ وجودو وصلت البيت ال 5 وياي رجعتهن لامي وكلتلها ماقبلت تاخذهن هند وكالت اخذيهن الج
.
.
ثاني يوم جمعة راح ارتاح يومين من المدرسة راجعت الدروس الي اخذتهن واجلت التحضيرات للسبت كملت اليوم ويا امي
.
.
معتز: نمت وثاني يوم اجو 4 جنود بمكانا واحنا توجهنا لبيوتنا ومنظر البنت وهي خايفة بين اديني مدا يروح من بالي
.
.
وصلت بغداد الدنيا عصر وذابحنا التعب من الطريق وصلت البيت دخلت وتلكتني امي
.
.
ام معتز: هلا وليدي الحمدلله عالسلامة
معتز: الله يسلمج يمة شلونج
ام معتز: صرت زينة بشوفتك وليدي
.
.
معتز: سلمت عليهم وكعدت ارتاحيت شوية وهم يسألوني ويتطمنون عليه حطولي غدا تغديت وخلصت
معتز: اسماء حطيلي ملابس نظيفة بالحمام بعد اخوج
.
.
اسماء: من عيوني
ام معتز: ها يمة مو ناوي تتزوج
معتز: ادعيلي يمة واذا الله استجاب دعائج خلال شهر اني موافق
.
.
ام معتز: الله يحنن كلبك ويريحني من ناحيتك
معتز: اي جواد اخبار الجامعة
جواد: كلش زينة
.
.
معتز: ماكو وحدة منا منا
جواد: خليها سكتة يخوي
معتز: ههههههه لكيلك وحدة وزواجكم عليه بعد ما تتخرج
.
.
جواد: لعد جهز نفسك من هسا
معتز: لا يا لوتي يعني حاط عينك على وحدة
جواد: فدشي درجة اولى
.
.
اسماء: يلا معتز
معتز: يلا جاي
.
.
رحت سبحت وطلعت الدنيا مغرب بس ما نمت علمود ارتاح بنومتي بالليل طلعت لاصدقائي جايبين شرب وينتظروني شربنا واخذنا واحد على شقة مخليها مركز لل +18
.
.
دخلنا احنا 5 شوية واجن 5 بنات ماعرف ليش من شفتهن اجت ببالي البنت المسيحية تركتهم وطلعت
.
.
صاحوني ورادو مني ابقى وما اهتميتلهم رجعت للبيت الساعة 12 صعدت لغرفتي ونمت
.
.
نرجس: ثاني يوم جمعة من صارت الدنيا ظهر صعدت عالسطح واستمعت للخطبة
.
.
احس اكو شي يجذبني لهذا الدين بس ماعرف اذا هو دين صحيح ولا خطأ وامي وخالي وصديقاتي مسيح ماعرف اسأل منو عن هذا الدين
.
.
خلصت الخطبة ونزلت تحت تغدينا وخلصنا وكضيت اليوم مع امي يومين قضيتهن طبيعي
.
.
معتز: كعدت ثاني يوم الصبح الوالد موجود سلمت عليه وفتحلي محاضرة علمود الشرب ويحاول يقنعني علمود اتركو
.
.
حجيو يقنعني بس من اطلع الشيطان يفر عقلي 180 درجة
.
.
ابوي: شوف بوية اني دا انصحك علمودك ترا يأذيك اكثر ما يأذيني وباجر اذا ردنا نزوجك محد يقبل بيك واذا احد قبل بيك وتزوجت ولدك راح يشبعون مذلة من الناس والله يا ابني لخاطرك دا احجي
.
.
معتز: إن شاء الله بوية مايصير خاطرك الا طيب
ابو معتز: الله يهديك يابوية
.
.
معتز: حطولنا الغدا تغديت وخلصت طلعت افتريت ويا جواد بالاسواق رجعنا المغرب تعبانين تعشينا ودخلت نمت مارحت لاصدقائي
.
.
نرجس: يوم الاحد الصبح كعدت حظرت نفسي وتريكت وطلعت عالمدرسة توقعت شوية راح يلحكني الجندي بس ما اجى
.
.
ارتاحيت كلش كلت يمكن من ذاك اليوم تركني لحالي رحت لهند وطلعنا للمدرسة بقيت اسبوع كامل اروح وارجع محد يلحكني
.
.
بس ماعرف ليش انشغل بالي عليه معقولة صايرلو شي ارجع انتبه على نفسي اني شدخلني بيه بس هو ساعدني
.
.
صرت بدوامة تفكير من جهة اتذكر انو ساعدني وينشغل بالي عليه ومن جهة ثانية اكول ما دخلني بيه
.
.
معتز: بقيت 10 ايام كضيتها بين طلعات وفرات مرات اروح اشرب مع اصدقائي ومرات لا من كالي ابوي محد يوافق بيك احس يقصد اهل البنت ماراح يوافقون
.
.
قررت شوية شوية اتركو من اصدقائي يجيبون بنات اني ما اشترك وياهم اطلع واتركهم لحالهم دا احاول اغير نفسي لخاطر البنت
.
.
اجى وقت التحاقي جهزت جنطتي قبل بيوم بالليل ونمت كعدت ثاني يوم الصبح تريكت ومشيت
.
.
بالعسكرية ما اشرب ابد لان اذا اشرب ويجينا ضابط او شي اتورط لهذا اتحمل 10 ايام لحد ما ارجع بس هاي المرة مشتاق لدوامي لان راح اشوف الحلوة مالتي
.
.
وصلنا الظهر عالنقطة والي بمكانا راحو نزلنا ارتاحينا انتبهت عالساعة هسا راجعة يلا خليها لباجر اليوم ثلاثاء يعني باقيلي يومين قبل الجمعة
.
.
نرجس: سندس اكثر من مرة تراقبني وماتشوف الجندي وكطعت نفسها واني ارتاح من اشوفها هيج هند دائما تقصف بيه وتضحك
.
.
يوم الثلاثاء رجعت للبيت تعبانة كلش تغديت ونمت فورا كعدت العصر درست وخلصت وطلعت عند ماما لحد ما صار العشى تعشيت وتابعت التلفزيون شوية ونمت
.
.
معتز: احس الوقت مدا يمشي اريد بس يجي ثاني يوم علمود اشوفها وارتاح ثاني يوم كعدت من الصبح جهزت نفسي وانتظرتها اول ما طلعت لحكتها
.
.
نرجس: طلعت ثاني يوم الصبح عالمدرسة انتبهت اجى الجندي وراي من جهة تضايقت ومن جهة تطمنت ان مابيه شي
.
.
رحت امشي لحد ما وصلت هند هي هم انتبهت للولد
.
.
هند: ها رجع العاشق الولهان
نرجس: لج راح يفضحني اذا شافتو سندس
هند: احجي وياه وفهميه الموضوع
.
.
نرجس: لج حجيت وياه بس مو ناوي يتركني
هند: شيريد
نرجس: يريد يخطبني
.
.
هند: وافقي
نرجس: لج شوافق ليش اني شعرف عنو
هند: وافقي ومن يجيب اهلو خلي امج ترفض وانهي الموضوع
.
.
نرجس: وصلنا هسا سكري عالسيرة
داومنا وخلصنا طلعت هم موجود احس احد حاطو حارس شخصي الي
.
.
رجعنا للبيت وهو ورانا هند تضايقت كلش منو وصلنا لفرعنا انتبهت ماكو احد انداريت عليه
.
.
نرجس: مو ناوي تتركني
معتز: لا
نرجس: ابوس ايدك اعتقني والعذراء ردت انفضح ذاك اليوم بالمدرسة من وراك
.
.
معتز: شدخلني
نرجس: يحجي ببرودة اعصاب ولا كأنو مسوي شي كلتلو: بس كلي شرايد مني
.
.
معتز: كلتلج اني اريد اتزوجج ما اريد العب بمشاعرج انطيني فرصة تتعرفين عليه واتعرف عليج واذا ما عجبتج كل واحد بطريقو
.
.
نرجس: مخبل مايفيد وياك الحجي تركتو ومشيت
معتز: صحت عليها خبلني حبك يالحلو وراحت ركض
.
.
نرجس: من حجى هيج احس خدودي صارن حارات ورحت ركض دخلت البيت كلبي مثل الطبل صار
.
.
امي انتبهت عليه اني مخترعة اجت تسأل كلتلها ماكو شي بس شفت جرادة طايرة ودخلت البيت قبل ما توصلني دخلت كالعادة دراسة واكل ونوم
.
.
معتز: من كالتلي ردت انفضح قررت اغير بالخطة الحكها بس ما اوصل لمدرستها علمود محد ينتبه من صديقاتها الي بالمدرسة
.
.
انتظرتها لثاني يوم شفتها طلعت من البيت ورحت وراها شفتها تحاول تنهزم مني بس ماتكدر
.
.
نرجس: طلعت ثاني يوم وادعي الرب يكون فهمني شفتو اجى روحي طفرت مني ولو بايدي اكطعو باسناني شكد لزكة ومايفهم الحجي
.
.
لازم الف مرة الواحد يكولو وهم ما يفهم رحنا شافتني هند معصبة وانتبهت وراي وعرفت الشغلة
.
.
هند: اوكفي شوية
نرجس: ليش
هند: اوكفي
.
.
معتز: شفتهن وكفن وصديقتها تباوعلي تقربت عليهن
هند: انت شرايد ما تكولي
معتز: وانتي منو حاجي وياج
.
.
هند: اسمع احنا جاي ندرس وذاك النهار اتهمونا ان عدنا علاقة وياك لان لاحكنا يوميا رجاء اتركنا
.
.
معتز: اني نيتي شريفة وحبيت البنت الي وياج وبس اريدها تتعرف عليه علمود تعرف قصدي واجيب اهلي من بغداد علمود اخطبها
.
.
هند: اذا تريدها تتعرف عليك وتحبها مثل ما تحجي ما تأذيها وافعالك هاي دا تأذيها ومن ناحية ثانية انت عسكري ما تخاف احد يأذيك
.
.
معتز: اني خايف عليها لان ذاك النهار انتي شفتي شصار بيها واني خايف عليها مو على نفسي ومستعد هسا اموت ولا اخليها تروح وترجع لحالها ويتكرر الشي الي صار
.
.
اني نزلت على اهلي 10 ايام كضيتها تفكير بيها وخايف عليها تريديني اني هنا واتركها بس هسا روحن انتن ولا تخافن ما اخلي احد ينتبه
.
.
نرجس: رجعت علي هند
هند: ياريتج سمعتي الي حجاه
نرجس: ما اريد اسمع شي
.
.
هند: لج والله يحبج مبين عليه مستغني عن روحو بس علمود لحد يأذيج مثل ذيج المرة
نرجس: لا تنخدعين بكلامو المعسول
.
.
حجينا لحد ما طبينا المدرسة وهو قبل ما نوصل المدرسة اختفى داومنا وخلصنا طلعنا دورتلو ماكو
.
.
هند: لا تخافين مو موجود
نرجس: شعرفج
هند: لو موجود نشوفو
.
.
معتز: من وصلن رجعت للنقطة وقبل ما تطلع انتظرتها شفتها طلعت من عبرتني مشيت وراها بقينا نمشي لحد ما وصلنا فرعها
.
.
نرجس: اوووووف اني دائما حظي زفت هيج
كملنا طريقنا دخلت هند بفرعهم وتباوعلي وتغمز وتضحك واني طالعة روحي كملت طريقي وهو وراي مثل ظلي ما يتركني ابد وصلت للبيت ودخلت وارتاحيت
.
.
معتز: دخلت لبيتهم واني طلعت للنقطة
كضيت يومين بيهن ملل ما ينوصف واني انتظرها
.
.
نرجس: الجمعة والسبت ما طلعت على اساس نروح للكنيسة واجلناها مرات اباوع عالنقطة وما اشوف الجندي مرة وحدة شفتو جان بالواجب
.
.
يوم الاحد جهزت نفسي الصبح لبست جنطتي وطلعت من البيت وهو اجى وراي
.
.
معتز: ما اجى يوم الاحد الا اني كاره روحي اول مرة يصير عندي هيج احساس كعدت الصبح جهزت نفسي واجباتي متفق مع اصدقائي
.
.
من يكون بوقت روحتها او رجعتها اوكف واحد منهم ومن ارجع اوكف بمكانو من شفتها طلعت مشيت وراها
.
.
قبل ما نعبر الفرع انتبهت واحد ملثم دا يمشي براس الفرع وعيونو مركزة علي ابد ما ارتاحيت لنظراتو حطيت ايدي عالمسدس علمود اي حركة اكدر ادافع عن نفسي
.
.
عبر الفرع شلون شلت ايدي عن المسدس طلع واحد غيرو وضربني طلقة بصدري
.
.........يتبع
ادعموني بلايك مو اكثر تقدير لتعبي ❤️
رجعولنا التفاعل مثل قبل علمود اكملها وحطولي ارائكم وتعليقاتكم ❤️