حطولي لايك تقدير لتعبي ❤️
#حب_في_ازقة_نينوى
بقلم #احمد
البارت_5
.
.
معتز: شفت الفرع فاضي دخلت للهيكل صعدت فوكو ومن الهيكل صعدت لبيت اهل نرجس باب السطح مفتوح
.
.
دخلت على كيفي بدون ما احد يحس علي
.
.
ماكو احد سمعت صوت بجي بوحدة من الغرف عرفتو صوتها شفت الباب مسدود بس مو مقفول فتحتو على كيفي شفتها متمددة ودافنة راسها بالمخدة وتبجي
.
.
منظرها شعلني شعل سكرت الباب وبيه سركي من داخل سركتو
معتز: نرجس
.
.
نرجس: دا ابجي وسمعت صوت يناديني انداريت وشفت معتز بغرفتي حطيت ايدي على حلگي من الصدمة وماعرف شلون دخل للغرفة عندي فركت عيوني اريد اتأكد هو لو دا اتخيل بس هو گدامي
.
.
معتز: تعاي احجي وياج قبل ما اروح
نرجس: انت شلون جيت هنا والعذراء الا يذبحوني كافي اتركني دمرت حياتي
معتز: اسمعيني هسا
.
.
احجي وهي تبجي مو منتبها لكلامي وتدفع بي وتريدني اطلع اريد بس افهمها ماكو اخير شي مسكت وجها وحجيت وياها
.
.
معتز: اسمعيني وضع الموصل تخربط كلش السنة هاي لا تداومين واني احتمال ينقلوني لغير مكان بس اهم شي لا تتزوجين ارفضي بكل الطرق والي يأذيج اقسم بالله امحيه عن وجه الارض
.
.
نرجس: اتركني خلص اني اريد اتزوج
معتز: بصدمة .. شنوووو
نرجس: اي ما اريدك انت تالي شراب وسكرجي والله يعلم شعندك بعد سوالف مكسرة وهسا اطلع قبل ما اهلي يشوفوك هنا وتفضحني
.
.
معتز: كلامها جان مثل سجين ودخل بگلبي وعلى گد ما عصبتني بس بقيت ساكت هي من شافتني عصبي هيج انخلست تركتها وطلعت صعدت فوگ السطح ونزلت ويا الهيكل گوة اشوف دربي وراسي صار بيه وجع فضيع
.
.
نرجس: من شفتو عصبي خفت من منظرو عيونو صارت حمر وعروگو بارزات بس ساكت گلت خلي اسكت لا يقضي علي هسا شفتو طلع وصعد للسطح عرفتو اجى من الهيكل الي ورانا
.
.
رحت على الغرفة الثانية شباكها يصير على نقطتهم شفتو دا يمشي راجع ووگع بنص الشارع وركض عليه صديقو بهاي اللحظة لو مضروبة طلقة ارحم من شوفتو هيج واگع بنص الشارع
.
.
من الصدمة بقيت واگفة وبس دموعي تجري اجو اصدقائو اخذوه واني على صفنتي حسيت على امي دا تحجي وياي
.
.
الاء: مو تگولين ماتعرفيه
نرجس: ماما الرب يخليج خليني احجيلج واذا ما اقتنعتي بحجيي سوي الي تريديه بس والعذراء راح احجيلج الحقيقة كاملة من اول يوم شافني بيه لهاللحظة هاي
.
.
الاء: تعاي لغرفتج واحجيلي بس من هسا ماكو مدرسة
نرجس: ما اريد كلشي وابقى خدامة تحت رجليج العمر كلو بس لا تزوجيني برجس تعرفيه انتي كلش زين ماعندو شخصية وكأنو رجل كرسي ببيت اهلو
الاء: تعاي لغرفتج احجيلي
.
.
نرجس: رحت غسلت وجهي وهديت اعصبي وجمعت الكلام بتفكيري ورحت عليها وحجيتلها بس ما گلتلها خابرتو ولا گلتلها اجى هنا
.
.
الاء: بس يا امي هسا ماتعرفين الناس شدا تحجي عنج وانتي تعرفين خالج انضرب من وراج ولج ذاك النهار من فقدتي عبالج اني مرتاحة
.
.
ترا جنت گاعدة مقابيل غرفتج وابجي عليج واريدج بس تگعدين بس لان غلطتي ردتج تتعلمين من غلطج لهذا ما گعدتج لحد ما انتي گعدتي
.
.
نرجس: ماما والعذراء اني كل همي دراستي واخليج تفتخرين بي طول عمرج
.
.
الاء: شوفي نرجس الج اخر فرصة بس والرب يا نرجس اذا سمعت انو لاحگج لو حاجية حرف واحد وياه ابطلج من المدرسة وما تشوفين باب الحوش مرة ثانية الا اني او خالج وياج واذا سمعت انو تشوفيه بدون ما نعرف ازوجج برجس وتعرفين امو شراح تسوي بيج
.
.
نرحس: خلص والعذراء بعد لا احجي وياه ولا الي دخل بيه بس خالي شلون وياه
الاء: خالج اتركيه علي اني احجي وياه
.
.
نرجس: فرحت بحجيها گمت بستها من راسها وگلت ماطول هي سامحتني بعد ولا احجي ويا معتز وامحيه من حياتي واكيد راح اگدر انساه ومستحيل يرجع يلحگني بعد حجيي وياه
.
.
راحت امي جابتلي جنطتي وگالتلي انزلي تعشي علمود من تخلصين اني احجي ويا خالج رحت نزلت تعشيت عالسريع وصعدت حظرت الواجبات القديمات وشوية من المواضيع الگدامهن ونمت
.
.
معتز: رحت امشي للنقطة وكلامها مثل شريط وينعاد گدام عيوني وبأذاني اخير شي اتذكرو جان زياد واگف بالسيطرة وفقدت الوعي گعدت لگيت نفسي بمستوصف بقسم الطوارئ ومشكليلي مغذي
.
.
معتز: شصار وياي
الدكتور: الحمدلله على سلامتك
معتز: الله يسلمك
.
.
الدكتور: جان ضغطك صاعد بس لان متصوب ونازف ما اثر عليك لو ما متصوب جان احتمال صار عندك ارتفاع حاد بالضغط حاول تسيطر على اعصابك لان هالشي يأذيك
معتز: إن شاء الله بس منو وياي
.
.
الدكتور: صديقك خارج هسا يجيك
معتز: طلع الدكتور ودخل زياد تحمدلي بالسلامة وگعد يحجي وياي شلون شافني من اجيت وفقدت وشلون نقلني هنا
.
أنت تقرأ
حب في ازقه نينوى
Romanceبين الازقة الجميلة والاوضاع المخيفة تبزغ شمس الحب التي لا تغيب تعارضها الغيوم والسحب لتخفيها فهل ستدوم الظلمة عليه ام شمس الحب باقية تضحيات كثرة وصعوبات عديدة تحيط بابطالنا فبين الموت والتهديد والحق والباطل يظهر من يهتم لامرك ممن يتخلى عنك (( رحم...
