حب في ازقه نينوى

البارت (10)حب في ازقه نينوى الكاتب #احمد

10 #حب_في_ازقة_نينوى
بقلم #احمد
البارت_10
.
.
الاء: اني موافقة ونرجس اقنعها اريدها تتزوج علمود اموت واني مرتاحة
.
.
معتز: هاي كل عقلج تحجين
.
.

الاء: اي كل عقلي وياريت تحجي ويا ابوك يوصللهم خبر موافقتنا ويگللهم يستعجلون علمود تتزوج وتنستر ببيت اهلها
.
.
معتز: بعصبية وشنو هنا مگوديلها علمود تنستر هناااااك قسم بالله اليفتح الموضوع مرة ثانية الا اهد البيت على راسو لو يطلع جدي من گبرو ارجع ادفنو وهو عايش وما اخليها تتزوج
.
.
الاء: اني ما اغير رايي واذا انتو ما وصلتو الحجي اني اوصلو الهم
.
.
معتز: لا تغيرين رايج بس قسم بالله لخليج تدفنينها بايدج قبل ما يلمسها
.
.
گمت اريد اطلع وشفتها واگفة هي والبنات عند باب المطبخ لان سمعن الصوت ويريدن يعرفن شصار تقدمت عليها واحجي بعصبية
.
.
وانتي ولج الثانية اذا انتي بنت ابوج گولي موافقة علمود اسحلج گدام امج وخلي ابن زلمة يجي يفكج من ايدي وقتها حتى هااااااي امج ما اخليها تفكج فاااااهمة
.
.
نرجس: جنا گاعدات اني والبنات بالمطبخ نحجي سمعنا صوت معتز بالصالة معصب وصوتو عالي طلعنا عند باب المطبخ علمود نفهم شصاير وبسبب عصبيتو وصوتو ما فهمنا
.
.
گام يريد يطلع ومن شافني حجى علي ويهددني اذا اقبل واني ماعرف على شنو اقبل بالضبط بس شحدي اناقشو وهو هيج معصب الا يسحلني مثل ما گال
.
.
صارن البنات گدامو لان خافن ان يأذيني وهو مو حاس على نفسو من العصبية اني من الخوف حطيت ايدي گدام وجهي
.
.
معتز: من شفت حركتها تخربط وضعي تركتهم وطلعت واتمنى امها رجال قسم بالله لو تصير مجزرة ما اخليها تمشي كلامها علي بس حضها حلو انها مرة وماگدر اسويلها شي
.
.
الوالد: شبيج الاء صدگ تحجين انتي
.
.
الاء: ترا ما اريد ازوجها بس اريد اعرف بعدو يحبها لو لا الوالدة: يحبها
.
.
الاء: ليش ما گاللكم
.
.
الوالدة: لا والله وانتي شلون عرفتي يحبها
.
.
الاء: من جنا بالموصل هو يحبها......... الخ
.
.
الوالدة: كل هذا صاير وياه وما حجالنا ومن راد يجيكم گال عائلة باقين ما حجالنا انو يحب نرجس
.
.
الاء: المهم بوقتها لان صارت مشاكل گلت يجوز بعد ما يحبها لذلك اريد اتأكد منو علمود اعرف شنو اقرر اذا احد طلب نرجس ام اسد: خير ما سويتي
.
.
نرجس: من راح معتز وهو معصب هيج كلنا استغربنا من وضعو راحت اسماء تسأل النسوان واني وبسمة ونسمة بقينا بالمطبخ شوية واجت اسماء تتمضحك
.
.
بسمة: ها ولج اسماء شو تضحكين شصاير
.
.
اسماء: ولج طلع اخوي مسوي هيج علمود هالصاكة هاي
.
.
نرجس: اني شدخلني
.
.
اسماء: غير ابن عمي الي شافج ذاك النهار خطبج وامج مستفزة معتز گايلتلو موافقة وهو طاير عقلو لان وافقت
.
.
نرجس: وجهي صار طماطة والبنات شبعن ضحك وتحشيش علينا صخام بهيج طلعة تورطت طلعت انطيهم الاكل وهذا معتز مخبل بس لا يسوي شي ويفضحني شهالورطة
.
.
وانتي يمة ما لگيتي غير معتز تستفزينو كل هالتفكير جان ببالي ورا بشوية اجاني اتصال من معتز اخذت التيلفون وصعدت للغرفة
.
.
معتز: طلعت افتريت شوية ريحت نفسي وگلت الگيلها حل مثل زينب اجت ببالي نرجس من جانت خايفة گلت اتصل عليها اشوف وضعها
.
.
نرجس: الو
.
.
معتز: هلا يا راحتي شلونج
.
.
نرجس: معتز دخيلك لا تسوي شي وتفضحني
.
.
معتز: شبيج
.
.
نرجس: اترك ابن عمك ما اتزوجو وامي اصلا جانت تريد تستفزك هي بنفسها گالت
.
.
معتز: ليش تستفزني
.
.
نرجس: تريد تعرف اذا بعدك تحبني ولا لا علمود ما تزوجني لغيرك
.
.
معتز: طلعت امج شيطانة يولي
.
.
نرجس: احم طالعة ذكية علي
.
.
معتز: هههههه والله لو گايلة انتي طالعة عليها جانت صدگت
.
.
نرجس: المهم هسا راح اسكر باي
.
.
معتز: باي گليبي
.
.
انتبهت زياد دا يدگ علي ورديت عليه
.
.
زياد: وينك انت دخيل ربك صار ساعة اتصل عليك
.
.
معتز: شبيك يمعود
.
.
زياد: باجر لازم نلتحق روح جهز وضعك بسرعة
.
.
معتز: منو گلك
.
.
زياد: خالي قبل شوية اتصل علي وگالي بلغ جماعتك يريدوكم باجر على اطراف صلاح الدين
.
.
معتز: تمام حبيبي باجر نلتقي
.
.
سكرت منو ورحت للبيت جهزت اموري وگلتلهم راح اداوم بالبصرة علمود لا ينشغل بالهم علي ووصيت جواد يستعجل بالبيت علمود ياخذن راحتهن نرجس وامها
.
.
نرجس: حياتي ببيت اهل معتز رغم ان هم متكفلين بمصاريفنا بس ابد ما حسسونا بهالشي قبل العيد اسماء ما قبلت تروح للسوك بدوني تيلفون جابولي على حسابهم ولو احتاج مليون وماعندهم يتداينون علمودي
.
.
اني واسماء صرنا كلش مقربات من بعض ومن اجن بسمة ونسمة جانن اسم على مسمى بسمة 24 ساعة مبتسمة وماتعرف تزعل ونسمة خفيفة جدا عالواحد بحيث لو تبقى 24 ساعة تحجي ما ينمل منها
.
.
بعد العيد بيومين معتز داوم بالبصرة وارتاحينا ان مكانو امان زينب واخوها تسكر موضوعهم
.
.
من اتصل على معتز ويتغزل بي رغم اخجل من كلامو بس احب اسمع هيج كلام والكل يعرف البنت تتأثر بالكلام ومعتز گدر يأثر علي بهاي الطريقة ولان متأكدة معتز ما راح يكذب علي لهذا ما انزعج منو وماخذة راحتي وياه بالكلام
.
.
امي تعرف بعدنا نحب بعض بس ما گلتلها بيناتنا اتصالات خاف تحرمني منو بعد العيد ب 5 ايام اجو النجارين علمود يخشبون البيت ويصبوه وجواد خطية 24 ساعة وياهم بحيث المغرب من يرجع نشوفو كلش تعبان ورغم هذا ما يحجي ولا يجيب طاري
.
.
سادس يوم العيد راحو اهل بسمة ونسمة وگضينا اليوم ضوجة اني واسماء وثاني يوم تعودنا بالليل جنا گاعدين اني واسماء گلتلها دراستي شلون اگدر اكملها واني ماعندي لا نقل ولا شي
.
.
اسماء: شنو رايج نسأل جواد
.
.
نرجس: روحي اسأليه
.
.
اسماء: دمشي وياي
.
.
نرجس: لا اني على شنو اجي اسأليه وارجعي
.
.
اسماء: وربي الا تجين وياي
.
.
ضربتها على راسها على كيفي وگمت وياها وصلنا عند باب الاستقبال جان جواد يحجي مع حبيبتو ويتغزل بعيونها ومو منتبه للباب واسماء وگفت عند الباب وحطيت اديها على خصرها واني گلت احم خطية هو فز عبالو ابوه عند الباب واني گوة سيطرت على ضحكتي
.
.
اسماء: كمل كمل
.
.
جواد: شكمل
.
.
اسماء: كمل عيونها جنهن بحر وانت سمجة مو
.
.
جواد: دنگلعي
.
.
اسماء: بربك زلمة شگدك بگد البعير مسوي نفسك سمجة علمود عيونها
.
.
نرجس: جواد گام ركض وياها وهي طلعت من الاستقبال وانهزمت داخل البيت وثنينهم يضحكون على خبالها اني ضحكت على ضحكهم
.
.
اخير شي جواد گاللها تعاي ما احجي وياج لا تتركين نرجس لحالها .. يقصد ان اني وياه بمكان لحالنا
.
.
رجع علي گالي تفضلي نرجوسة محتاجة شي
.
.
نرجس: بس ردت اسألك اذا اجى الدوام شلون اگدر اداوم واني ما وياي نقل ومحد يعرف اذا كنت بالخامس لو لا
.
.
جواد: انتي نجحتي مو
.
.
نرجس: اي نحجت
.
.
جواد: تقصدين نحجتي للخامس لو من الخاس للسادس .. ماجان يعرف عمري هو
.
.
نرجس: نجحت للخامس
.
.
جواد: لعد من يبدي الدوام ذكريني اروح اشوفلج مديرة المدرسة مالت اسماء بس اكثر توقع محتمل انو توقعين او تبصمين على تعهد انو انتي بالخامس واذا طلع كلامج مو صحيح وانتي مو بالخامس يفصلوج من الدراسة كلها
.
.
نرجس: تمام مشكور
.
.
جواد: تدللين
.
.
اسماء: نرجوسة عيونج بحر واني سمجة
.
.
نرجس: گاملها جواد ومسكتها اني وتريد تنهزم ما گدرت واجى عليها لوا ايدها خلاها تنزل راسها من الوجع وضربها على علباتها وهي تضحك من كل گلبها واني اضحك على ضحكتهم
.
.
وبعد ما جانت تستفزو گامت تتوسل بيه علمود يتركها تروح وهو مكيف بعقابها وكل شوية تندار علي وتگولي تف ولج عود اني صديقتج بعتيني بهاي السهولة وتضحكين علي
.
.
وجواد مسكها من خشمها ويگوللها اليوم اشلعو وهي گامت تگمز اخير شي عافها وانهزمت اني ولحگتني هي واسمع جواد يضحك بالاستقبال
.
.
رحت ركض صعدت لغرفتنا اني وامي وقفلت الباب واسمعها تگول اني الج بس تطلعين ضحكت عليها وانتظرتها لحد ما نزلت ورحت لحگتها ونست السالفة
.
.
معتز: التحقنا اني وجماعتي جان اكو فوج باطراف بغداد ينتظرنا انظمينا الو ورحنا رتل كامل وصلنا الموقع والجنود الي جانو بمكانا شفنا بعيونهم خوف مو طبيعي
.
.
ومن وصلنا بس يريدون يطلعون خلونا نرتبك من تصرفاتهم جانت الدنيا ظهر استلمنا مواقعنا ورتبنا امورنا للمغرب اول ما اذن المغرب تعشينا علمود نكون مستعدين
.
.
ورا صلا العشاء صار صوت الطلق والهاونات ما ينوصف زياد من النوع الي ما يخاف بس يتصرف بغباء مبالغ بيه بهيج مواقف طلع سماعاتو وشغل ساجدة عبيد ويقاوم انداريت عليه وضربتو على راسو
.
.
زياد: شبيك يمعود
.
.
معتز: بشرفك هسا اذا متت شلون تواجه ربك
.
.
زياد: يمعود خليني متونس
.
.
معتز: يا ونسة ابن الزين تشوف الدنيا مگلوبة
.
.
زياد: دولي لا اهجم بيتك
.
.
معتز: تعجبنا من الدواعش ان عندهم سلاح بشكل مو طبيعي ما توقعنا هيج ابد حتى بالموصل ما شفنا هيج سلاح عندهم احنا مهمتنا جانت مجرد توقيف الهم لا اكثر ولا اقل
.
.
وما نگدر نتقدم خطوة وبسبب قوتهم الي ما توقعناها صرنا كل الي نگدر نسويه هو نبقى خلف الساتر وبس نطلع السلاح نرمي عليهم ونرجع ننزلو
.
.
وهم جانو يعتقدون ان اليموت منهم يكون شهيد فيقاتلون باستماتة بحيث واحدهم يمسك السلاح ويطلع بوجه الطلق ويرمي علمود يموت ويروح شهيد
.
.
بقينا على هالحالة للفجر سكتو اني صليت الفجر ونمت گعدت الظهر مو شبعان نوم بهالليلة انطينا شهيد واحد بس فقدنا ثقتنا بنفسنا ما توقعنا هالشي هذا كلو وهالقوة هاي عندهم
.
.
وحطينا احتمال مالو ثاني وهو ان اجينا للموت برجلينا وما راح نرجع منو احياء بقينا لليل ومثل اول يوم بعد صلاة العشاء بدت الهاونات توگع مثل المطر فوگنا وجانت هالمرة هوناتهم وطلقهم دقيقة كلش
.
.
واحد من الجنود رفع ايدو كم سانتيم فوگ الساتر ودا يضرب طلق واجت طلقة بايدو ووگطعت اصبعين منو روحو طلعت من الوجع
.
.
گام يسحل بروحو سحل من الوجع وصوت صياحو ترس المكان وبسرعة اجو الفريق الطبي ضمدوه وسحبوه ورا هاي الليلة جانت فلم رعب بكل معنى الكلمة
.
.
انطينا بيها خسائر هواي منهم ماتو بطلق منهم بهونات منهم تگطعت ايديهم او رجلينهم جان المنظر مخيف بكل ما تعنيه الكلمة من معنى
.
.
يعني مجرد تشوف گدامك رجل او ايد مگطوعة وما تعرف انت راح يبقى منك شي لو لا يصيبك خوف وارتباك جانو بعض المصابين من الوجع يفقدون الوعي
.
.
الي ينظرب طلقة هذا اهون بهواي من الي ينضرب هاون قريب عليه ويگطع ايدو لو رجلو الحمدلله اني وجماعتي محد بينا تأذة
.
.
الصبح وصلتنا اوامر نترك مواقعنا انسحبنا وگدر داعش ياخذ مكانا ويتقدم علينا استقرينا بمكان بمسافة عن المكان القديم وسوينا سواتر وبالليل نفس الحالة هم دمرونا دمار
.
.
بالنسبة للجهة الشمالية بعد انسحاب الجيش من الموصل البيشمرگة اخذو قاعدة الفرقة الثالثة الي قريبة من الموصل واخذ الطريق الحدودي لحد سنجار
.
.
ومن تقدم داعش بتكريت حاولو البيشمرگة يتقدمون من قاعدة الفرقة الثالثة وياخذون المناطق المحيطة بالمكان فداعش ما سمحلهم وهجمو على قاعدة الفرقة الثالثة وعلى سنجار وانجبرو البيشمرگة ينسحبون
.
.
وصلتنا الاخبار انهم وصلو للاقامات مالت اربيل والكل كالو سقطت كردستان بس امريكا فزعتلهم بالطيران وخلت داعش ينسحب
.
.
ومن سمعنا هذا الخبر نزلت معنوياتنا بعد اكثر بدا داعش يتقدم يوم بعد يوم ومحد گدر يوگف بوجهو اخير شي صرنا على مشارف بغداد تفصلنا عن بغداد 10 كم تقريبا يعني اذا يتقدمون بعد مرتين ثلاثة يدخلون ببغداد
.
.
اتصلت على اهلي وگلتلهم جهزو اوراقكم ومن اگللكم تطلعون من بغداد تتجهون للجنوب وديرو بالكم تتركون نرجس وامها ترا اهجم الدنيا فوك روسكم
.
.
نرجس: نشوف داعش بالاخبار يوميا يتقدم ويزيد الخوف بگلوبنا اهل معتز سنة وهم ما يحجون ويا السنة بس احنا مسيح لذلك ما نگدر نبقى وفوگها عرفنا ان معتز بخط الصد
.
.
صارت الدنيا ضلمة علينا واحس انضربت ضربة براسي من الخبر صارت نومتي يوميا بعد ساعة بجي على وضعو وعلى الذكريات الي جمعتنا ويوميا ندعيلو يرجع بخير وسلامة
.
.
اخير شي وصل داعش قريب كلش من بغداد اتصل معتز على ابوه وگالو يتحضرون بس ينطيهم خبر يطلعون من بغداد وياخذونا وياهم
.
.
تمنيت يحجي وياي بس ما اتصل بس ارتاحينا انو بخير حظرنا اوراقنا الرسمية والهويات وابو معتز جمع فلوسو والذهب بجنطة
.
.
توقفو عن تكملة الملحق لان الوضع صار سيئ ونتوقع على اي لحضة يتصل علينا معتز ونطلع من بغداد سيارة معتز وابوه موجودات وثنينهن متروسات بانزين علمود اذا صار شي يكونن جاهزات
.
.
معتز: من صارو قريبين كلش من بغداد قصفهم الطيران الامريكي وتوقفو لان اذاهم كلش علمود ما يدخلون بغداد اجو علينا مجموعة من الحشد الشعبي شباب بعمر الورود علمود يدافعون عن وطنهم ((المجموعة الي جان بيها فهد بقصة #عشق_طفلة))
.
.
الفوج مالنا نص انتقل ونص بقى لان الحشد الشعبي جانو مجموعة شبه قليلة ولازم نكون وياهم بالليل بعد صلاة العشاء بدو الدواعش كالعادة يطلقون هونات وطلق
.
.
وشباب الحشد الشعبي قاوموهم مقاومة تخلي الواحد صدگ يفتخر بابناء وطنو جانو اشجع من عدنا ويقاتلون بكل شجاعة وهالشي خلانا نتحمس وياهم الدواعش ما توقعو هيج رد بحيث ما گدرو يتقدمون علينا لو شبر واحد
.
.
ثاني يوم فرحنا بمقاومتنا واجو قسم ثاني من الحشد الشعبي واحنا انسحبنا لبغداد وانطونا استراحة ١٠ ايام ورحت للبيت وجنت فرحان كلش لان راح اشوف حبيبتي بعد غياب طويل
.
.
نرجس: بعد ما اتصل علينا معتز بيومين جنا گاعدين بالليل بالصالة وويانا جواد وجنا نلعب انا وياه واسماء حزورات واجو بيت عمهم اهل زينب وجانو معصبين كلش
.
.
دخلت زينب وامها بدون سبب يحجن ويرزلن نريد نفهم ماكو بس الي فهمناه من حجيهن انو معتز غلطان بحقهم وزينب تدعي عليه تكول الله يدمرو مثل ما دمرني
.
.
وصوت ابوها خارج يتعارك ويا ابو معتز وصاح عليهن واخذهن وراحو واحنا ما افتهمنا شصاير اتصال ابو معتز على معتز اكثر من مرة وما حصلو يريد يعرف منو شصاير وهيج عمو وعائلتو معصبين ويدعون عليه
.
.
اني عرفت بس يفهمون السالفة راح اتأذة اني او يحطون السبب براسي اكيد هاي منتهين منها ومعتز المسكين فوگ ضيم الحرب الي هوا بيها اجو ذول يدعون عليه ويريدون يحطون براسو سالفة
.
.
حتى ما انتظرو يجي وبعدها يجون دعيت العذراء تحميني منهم ودعيت الرب اذا مشكلتهم بيها خير يصيبني واذا بيها شر يبعدو عني
.
.
علاقتي بجواد صارت مثل علاقة اخ باختو كلش تعودت عليه وهو اخلاقو زينة ما يرفع عينو بعيني ودائما كدامو اتحجب وما اطلع شعري وتعودت عالحجاب وحبيتو كلش
.
.
بعد مشكلة عمامهم بيومين تقريبا جنا گاعدين بالربعة اني وجواد واسماء نلعب حزورات كالعادة واتفقنا الي ما يعرف الحل ينضرب راشدي وبكيف صاحب الحزورة اذا يضرب قوي لو لا
.
.
جنت من اخسر اني لو جواد نخلي اسماء تضرب الخسران لان هو ما يقبل يضربني واني استحي اضربو واسماء كيفت سمعنا صوت الباب يعني اجى ابوهم وكملنا لان دخل وقفل الباب
.
.
ودائما اول ما يجي يروح للملحق يضربلو فرة فد نص ساعة ويرجع فگلنا نكمل هالنص ساعة جان دور جواد يگوللنا حزورة قبل ما اجاوب جاوبت اسماء وانطيتها خدي وضربتني وجانت ضربتها قوية شوية
.
.
گلتلها .. بس يجي معتز الا اخليه يضربج يا خبيثة .. سمعت صوتو وراي عند الباب يگول كم ضربة تريدين اضربها
.
.
معتز: وصلت البيت سيارتي موجودة وسيارة ابوي ماكو دخلت داخل ماكو احد وصلت عند الاستقبال شفتهم گاعدين يلعبون واسماء ضربت نرجس راشدي ونرجس توجعت وتحجي على اسماء وضحكت على لعبهم
.
.
گلتلها كم راشدي تريدين اضربها اندارو كلهم علي وهم مستغربين ونزلت دموعهم كلهم اجت اسماء تركض هي وجواد وحضنتهم وبوستهم ونرجس واگفة وراهم وعيونها تجري دموع
.
.
گلتلهم من رخصتكم وطلعتهم وقفلت الباب وتقدمت عليها وسحبتها لحضني ورفعتها وافتريت بيها لحد ما ضحكت
.
.
معتز: شلونج يروحي
.
.
نرجس: من شفتك صرت زينة معتز: ولج محترك جدي من الشوگ
.
.
نرجس: كافي معتز معتز: شنو الكافي
.
.
نرجس: خلص افتح الباب لا تجي امي
.
.
معتز: شفتها خايفة وتذكرت من حصرتها بالحايط نفس الخوفة بعيونها سحبتها وبستها بوسة طلعت كل شوقي بيها لحد ما اختنگت وعفتها ورحت اسلم على امي وامها
.
.
نرجس: من باسني احس تخربطت كل اوضاعي لحد ما اختنگت وعافني وطلع گعدت بالگاع وماسكة شفتي ومستغربة ليش هيج تخربطت اوضاعي خدودي احسهن نار صارن رحت غسلت وجهي وهديت نفسي وانهزمت للمطبخ علمود ما اشوفو مرة ثانية وافتشل
.
.
معتز: سلمت على امي وام نرجس وگلتلهن اريد انام ورجعت بسرعة للاستقبال گلت بلكي الگيها واخذ بوسة ثانية لگيتها منهزمة من الاستقبال ضحكت عليها واول ما حطيت راسي عالمخدة نمت ما گعدت لثاني يوم من التعب
.
.
من گعدت حطولنا ريوك اني وجواد ومن تريگت رحنا للملحق لگيتو مصبوب من فوگ ومنظف من داخل يعوزو بس لبخ وسيراميك للجدار والارضية ويكمل
.
.
گلت لجواد ينطي خبر للمهندس يكمل ورجعنا للبيت بقيت بالبيت ما طلعت الظهر حسيت نفسي تعبان ورجعت نمت للعصر وراها طلعت ويا جواد اخذتلي ملابس واشتريتلو وياي ورجعنا الدنيا ليل
.
.
گعدنا نتعشى ونحجي عن دوامي والي صار وياي هناك وجابلي طاري عمي من اجى واستغربت من حجيو گلت باجر امرو واشوف شعندو ورا صلاة العشاء بنص ساعة اجى هو علينا وگعد بالاتسقبال وجان عصبي وحجى ويا ابوي
.
.
ابو رعد: ابو ميزر ترا ما يصير هيج بنتي طلعت عليها سمعة بسبب الي صار وانت لازم تشوف حل لان ماگدر ارفع راسي گدام الوادم
.
.
معتز: بس عمي اني اجيت وحجيتلك الوضع
.
.
الوالد: يصير خير يخوي لا تاكل هم محلولة إن شاء الله
.
.
ابو رعد: اترخص اني
.
.
الوالد: مرخوص
.
.
......... يتبع
.
.
حطولنا ارائكم وتوقعاتكم علمود اقراها ❤️