حب في ازقه نينوى

البارت(49) حب_في_ازقه_نينوى الكاتب#احمد

تصويت ومتابعه لحتى توصلكم باقي البارتات والقصص❤

#حب_في_ازقة_نينوى
بقلم #احمد
البارت_49

نرجس عرفت من خلال حجي سرور ان هي وجواد متفقين هالفترة يحاولون ان ما يجيبون ولد صحيح هو رزق من الله بس جواد يريدها تكمل دراستها وبعد ما تكمل دراستها تتفرغ لتربية الطفل وقتها اذا الله رزقهم بطفل كل الهلا بيه واني بصراحة عجبتني فكرتهم وعدا دراستي عندي عبدالهادي لهذا هم اتفقت ويا معتز علمود ما يصير عندنا اطفال بهاي الفترة وهو وافق لان يعرفني دا اتعب اسماء جنا نلتقي بيها بالجامعة واذا ماعندنا محاظرات نكضي الوقت وياها ومرات تعوفنا وتروح ويا زوجها اذا يكون لحالو وكالت بس اخلص دراسة اخليه يطلعني ببيت لحالنا لان خواتو شايفات نفسهن وهي ما تحجي لاهلها لان هو زين وماتريد تضوجهم من كالتلي هيج كلش انقهرت عليها عود جانت فرحانة لان اخذت الي تحبو وهي عايشة ويا زوجها خواتو ليش يتدخلن شكد مكروها هاي العادة عند بعض بنات يحسبنهن نفسهن نازلات من الجنة وغيرهن بنات خدم مرت الايام ولاحظت اسماء ما تجي للجامعة وكلت اكيد مريضة بس الي استغربت منو اسبوع كامل ماكو اتصلت عليها مغلق يوم الخميس سألت زوجها كال ما تداوم هالفترة وتهرب من السؤال وراح من رجعت انتظرت لحد ما اجو الحجي والولد من المول وحجيتلهم وهم اتصل عليها معتز مغلق اتصل على زوجها رفض الاتصال واستغرب معتز شوية وسمعنا صوت الباب الخارجي طلعنا كلنا لكينا اسماء داخلة تبجي وزوجها كمل طريقو بالسيارة وهي مغطية وجها دخلناها داخل علمود نفتهم منها شصاير وما تقبل تبعد الشال عن وجها جواد طار عقلو الحجي كال اتركوها على راحتها بس خلي نفهم شصاير وياج يا بوية كالت رجعت يوم الخميس الي راح من الجامعة وجنت ناسية الطباخ مشتغل تحت القوري ومن الحرارة القوري مزروف وحماتها ضربتها راشدي ومن زعلت زوجها بقى ساكت وعقوبة لهذا الشي ما خلاها تداوم واليوم كايلتلو اريد اروح لاهلي ومو موافق ونزلة تحت ضايجة وطلبت منها وحدة من خواتو ماي ومو متهمتلها ومتعاركة وياها وزوجها ترك اختو وكتلها هي كعد كدامها جواد مسك ايديها وهي تبجي ما تريدو يشوف وجها عصر ايدها على كيفو وسحبها من نزلتها وجه صاير ازرك وشفتها مجروحة كام جواد على حيلو وكال قسم بالله لمسح بيه بغداد كام الحجي مسكو وطلع منهم معتز بسرعة وجواد فلت من ايد الحجي وراحو ولحكهم بس طلعو بالسيارة بسرعة اني وسرور اخذناها غسلتلها وجها عن الدوم النازل من شفتها وصعدناها فوك علمود ترتاح
.
.
معتز: من حجتلي نرجس واتصلت على اسماء مغلق وزوجها رفض الاتصال عرفت اكو شي ومن اجت تبجي ماحبيت استعجل بالحكم لحد ما سمعتها عقل ما بقى براسي اخذت السويج وطلعت ولحكني جواد ورحنا على بيت اهلو دكينا الباب وطلع اول ما فتح الباب سحبتو كل قوتي زتيتو بالكاع استلمو جواد واجى اخوه عود يفزعلو واستلمتو اني
.
.
جواد: لك حيوان تمد ايدك عل  مرة يا خنيث يول طول عمرها ما انضربت ببيت ابوها تجي انت نعال ما تسوا تبجيها ولك مكطوعة من شجرة واستفردت بيها لو كالولك ما عدها اخوان يدوسون بحلكك اريد ابن مرة يطلع وراك الا انعل شرف وشرف شكد واحد بيكم كواويد
.
.
معتز: سحبت جواد منو جان زوج اسماء وجهو صاير خريطة رفعتو من ياختو كلتلو كدامكم 3 ايام اذا ما طلكتها المرة الثانية تطلع من تحت ايدنا جثة وتركتو هو واخوه ورجعنا
.
.
نرجس: رجعو معتز وجواد جان جواد على ايدو دم ومن دخل ما حجى ويا احد بس كال وين اسماء كلنالو فوك وتركنا وصعد
.
.
الحجي: شبيكم انتو تخبلتو
معتز: يا تخبلنا يابة يمد ايدو على اختي وتريديني ابقى كاعد
الحجي: وانت هيج تحل الامور
معتز: يابة احمد ربك طلع عايش من تحت ايد جواد
الحجي: بعصبية .. معتززززززز
جواد: يابة اقسم برب العزة فلا اسامحو وكدامو 3 ايام اذا ما طلكها اقسم بالله لقضي عليها نهائيا
الحجي: ويجون ياخذون اختك فصلية ويهينوها بعد اكثر او يصفرون عالاخر ودينار واحد ما يبقى عدنا
جواد: الفلوس مو اهم من اسماء
الحجي: واني ما كلت اهم بس مو هيج تنحل الامور
جواد: المهم هسا اكل نصيبو وإن شاء الله يوم الاحد ما يطلك الااهججو من بغداد كلها
الحجي: وانتو منو كاللكم تقررون هالشي
جواد: اسماء هي الي قررت يابة مو احنا واذا تريد تعاتب احد عاتبها هي
اسماء: بابا وربي فلا ارجعلو لو اموت
الحجي: يا بابا ما صارلكم فترة من تزوجتو وهاي اول مشكلة يا بنيتي
اسماء: اول مشكلة وسوا هيج بي بعد سنة شيسوي يرجعني جثة عليكم وكل هالشي سوا لان ما خدمت اختو وكأنهم ماخذيني خدامة الهم مو زوجة ابنهم
معتز: يابة من الاخر اسماء راح تبقى هنا وهاي هي
الحجي: متأكدة من قرارج بوية
اسماء: اي بابا ما اريد ارجع بعد
.
.
نرجس: الحجي جان كلش ضايج لان ماصارلها فترة من تزوجت ومعروف بالمجتمع العربي اي وحدة تطلك بعد زواجها بفترة معناها مو زينة او مو شريفة وجان هو خايف من هالحجي وما يريد يطلع حجي على بنتو بس ماكدر يسوي شي لان معتز وجواد ما انطوه فرصة والسبب الثاني ان اسماء مو غلطانة كل الي صار بيها لان ما انطت ماي لاختو يعني لو بيه خير جان كال لاختو تحترمها هي زوجتو مو خدامة لو هو طالب ماي لا واجبها تجيبلو بس اختو لا بقى الوضع متوتر والكل ساكت واجى اتصال للحجي وجان التيلفون قريب على جواد اخذو ورد وهاي اول مرة يجاوب على تيلفون ابوه وهو موجود
.
.
جواد: تفضل شرايد
المتصل: منو وياي
جواد: وياك جواد احجي شتريد
الحجي: منو هذا جواد
جواد: ثواني يابة
المتصل: اني ماراح اسكتلكم عالي سويتوه بولدي والا اخذ حقهم منكم مربع
جواد: اعلى ما بخيلك اركبو وطز بيك وبولدك النثاية لو اني بدالك اسجلهم بالهوية انثى يلا انكلع لا بارك الله بيك ولا بولدك كطف جكارة ما تسوون وقفلو
.
.
الحجي: منو هذا
جواد: ابوهم
الحجي: بعصبية .. جيب التيلفون
جواد: بابتسامة .. يدلل ابو ميزر الحلو
معتز: بربك هاي سالفة جواد
جواد: شنو
معتز: ماتعرف حتى تحجي
جواد: ليش
معتز: لو منطيني التيلفون ومخليني اروح للاستقبال الا انزل بعشيرتو سمط واحد واحد من جبيرهم لصغيرهم
الحجي: عود انت الجبير بدال ما تعقلو
معتز: اعذرني يابة بس شلون تريدني اسكت واختي مضروبة من واحد بدون ما ترتكب اي ذنب
.
.
نرجس: عافهم الحجي وراح لغرفتو واني كلش انقهرت عليه وكع بين نارين من جهة بنتو ما غلطت بشي وانضربت ومن جهة ما يريد ولدو يتأذون من صارت الساعة 10 اخذت اسماء للغرفة وبدت تحجيلي عنهم تكول جنت اتحمل لخاطرو واكول ماطول يحبني اتحمل بس طلع ما يستاهل ومن جان يكعد ويا خواتو ووحدة تعطش هو يطلب ماي من اسماء ومن توديلو ينطي خواتو وهي تسكت ما تحجي شي ومن ترجع من الجامعة تكضيها شغل وهن كاعدات مبسطات وكل هالشي صاير وياها وهي ساكتة كلتلها لا تخافين ماطول ابو واخوانج موجودين محد يكدر بس انتي غلطانة لو من اول مرة حاجية لاهلج علمود يحطولهن حد وهي بس تشهك من البجي خليتها تتمدد وخطية جسمها يوجعها من تمددت بقيت وياها لحد ما نامت وعفتها وطلعت اخذت عبدالهادي جان عند الحجية ورحت لغرفتي شوية ولحكني معتز بس جان كلش ضايج علمود اسماء اني بقيت ساكتة ما حجيت وياه لحد ما نام جانو نايمين هو وعبدالهادي وحسيت بحركة خارج الغرفة طلعت وشفت باب غرفة اسماء مفتوح رحت عليها لكيت جواد كاعد يمها وهي نايمة ويباوعلها خليتو يطلع وقفلت الباب وكلتلو روح لغرفتك وخليها مرتاحة وراح بس كلش ضايج عليها تاكدت منو دخل لغرفتو ورجعت نمت ثاني يوم جان جمعة كعدت الصبح علمود اسوي ريوك ومريت لاسماء اشوفها اذا كاعدة لكيت جواد كاعد عندها ويباوعلها من انتبهلي كلتلو صباح الخير وسكرت باب الغرفة ونزلت اسوي ريوك سويت الريوك ونزلو العيلة كلها بس اسماء وجواد صعدت لكيتهم كاعدين لحالهم كلتلهم الريوك جاهز نزل جواد واني حطيت خافي عيوب لاسماء علمود ما يبين الاثر الازرك ونزلت حطيتو وكعدنا كلنا تريكنا جنا دا ناكل وجواد يوكل اسماء بايدو
.
.
اسماء: اكل يروحي اكدر اكل اني
جواد: انجبي يا روحي واكلي
اسماء: ههههههه تمام
جواد: شوفي شوفي سرور راح تاكلج من الغيرة
سرور: لا لا هاي اختي هم
اسماء: اروحلكم فدوة ثنينكم
معتز: واني ولج شنو نسيتيني
اسماء: انت نرجس تروحلك فدوة
معتز: روحي زاعلتج
اسماء: عادي اصلا
معتز: عابتلج ما صدكت على الله
اسماء: ههههههههههه
عبدالهادي: اثماء
اسماء: يروح اسماء انت
عبدالهادي: (ابا هيج اي) ((بابا ضربني ووجعني))
اسماء: هسا الا اكوم اكتل بابا
معتز: ولك حيوان اني ايمتى ضربتك
.
.
نرجس: شفت اسماء كلش متونسة بوجود اخوانها حتى عبدالهادي انطلق وياهم والخبيث يحرش اسماء على معتز ومن معتز يكول جذاب يضحك خلصنا ريوك اسماء صعدت فوك اجى اتصال للحجي شاف الاسم كال ابو سامر ورد عليه وفتح السماعة علمود نسمع جان اسمو عايد
.
.
عايد: شلونك ابو ميزر
الحجي هلا حياك الله
عايد: اكلك اسماء نريدها ترجع ونحل المشكلة
الحجي: مو انتي الي البارحة تكول ما اسكتلكم
عايد: ساعة غضب والولد يكول زوجتي ما اتخلى عنها
الحجي: كول لابنك اذا شفتها كدامي ارجعو الك مكسر
عايد: ابو ميزر اذا ما ترجع نرفع عليها شكوى ونطلبها لبيت الطاعة وغصب عنها تجي
الحجي: ابتسم .. بهالحالة ترجع لجثة مو رجال
عايد: شنو يعني تهددني
جواد: ويهدد عشرتك واذا ابنك زلمة خلي يسويها علمود اكمل الي ما كملتو البارحة
عايد: انت ما دخلك بكلام الكبار
جواد: هههههههههه ليش انت هم حاسب نفسك عالكبار مو زين ابوي منطيك وجه ودا يحجي وياك والدليل ساكت وتاركني اهينك لان انت مو مال احترام
عايد: ابو ميزر انطيني كلمة اخيرة
معتز: ابو سامر تسمعني لو لا
عايد: اي اسمعك
معتز: اسماء ما ترجع لابنك الخايس لو تكلبون الدنيا
عايد: يصير خير
.
.
نرجس: قفلو الحجي ضحك ضحكة استهزاء وجواد كال عبالو نخاف من تهديدو قسم بالله اوكف كدام العالم كلو مو بس الحكومة علمود اسماء واذا بيهم رجال يواجهني اني من بدونهم جنت خايفة وبالاخص انو الشغلة راح تدخل بيها الحكومة بس اكيد معتز وجواد والحجي ما يسكتون الحجي كاللهم لحد يجيب طاري لاسماء مو ناقصها خوف خلي نشوف شيسوون وبعدها الله كريم وتفرقنا الحجية كالعادة تقرا قران والحجي راح يسبح علمود الصلاة ومعتز وجواد راحو فوك يسبحون واني وسرور بالمطبخ نسوي الغدا كضينا الوقت لحد ما راحو الحجي وولدو لصلاة الجمعة ووصونا ما نفتح الباب لاحد خاف يجون اهل سامر ومن رجعو تغدينا والحجي كال لاسماء ابقي احجي وياج
.
.
اسماء: تفضل يابة
الحجي: انتي متأكدة من قرارج يابة
اسماء: اي يابة متأكدة
الحجي: شنو السبب .. جان ما يعرف بالي صاير وياها
اسماء: حجتلو كلشي
الحجي: زين ليش ما حجيتي من قبل جان لكينا حل
اسماء: شنو من حل تلكي يابة اذا زوجي ماعندو شخصية مثل باقي الزلم وابسط مثال عندك اخواني والله ماكدر افص كدامهم هو خواتو ولا معتبراتو موجود
الحجي: خير إن شاء الله
اسماء: واني ما حجيت علمود لا اضوجكم بمشاكلي توقعت يوميا ثلاثة ويتعودون بس مافاد
الحجي: متأكدة انتي مو غلطانة وياهن .. يريد يتأكد ان اسماء على حق علمود يكدر يحجي براحتو
اسماء: وربي بابا كل الي حجيتلو الك حقيقة
الحجي: تمام بنيتي على راحتج ماطول هيج
اسماء: شراح تسوي هسا
الحجي: اخليه يطلكج ورجلو فوك راسو
اسماء: تمام يابة
.
.
نرجس: جانو دا يحجون وطب ابو اسد وهو معصب واندار على اسماء وحجى
.
.
ابو اسد: صدك الي سمعتو
اسماء: اي عمو
ابو اسد: وانتو شسويتو .. يحجي ويا معتز وجواد
معتز: اكل اليستاهلو عمي
ابو اسد: عفية عليكم
الحجي: اكعد ابو اسد حياك الله
.
.
نرجس: تذكرو انو هسا جاي ههههههه كامو سلمو عليه ورحبو بيه وكعد يحجي وياهم ويتطمن على اسماء وكال والله لو مو كاتلينو الا اني ابتلي بيه
.
.
.......... يتبع
لايك وتعليق حلو مثلكم ❤
حطولنا ارائكم وتوقعاتكم ❤
البارت اليوم بدون تعديل لان ما لحكت 💔