حب في ازقه نينوى

البارت(48) حب في ازقه نينوى الكاتب#احمد

تصويت ومتابعه لحنى توصلكم باقي البارتات والقصص❤

#حب_في_ازقة_نينوى
بقلم #احمد
البارت_48
.
.
(( هذا البارت ما جنت اريد اكتبو وبالاخص انو ما يتعلق بنرجس ومعتز بس مثل ما وضحت بالمنشور السابق هذا راح يكون توضيح لسبب المشكلة بالبارت الجاي ))
.
.
اسماء: عشت حياتي ببيت اهلي مدللة واقصد بكلمة مدللة مو معناها كاعدة واهلي يخدموني لا معناها انو ما ناقصني شي واني الي اخدم اهلي بدون كل وملل
.
.
وماجان ناقصني شي والي اريدو يوصلني مهما كان وجانو اهلي ياخفون علي من نسمة الهوا اخواني جانو يعتبروني مثل الجوهرة الي بدونها يموتون
.
.
وما يوم زعلوني او بجوني واني بالمقابل احترمهم واسعى دائما ان اكون استاهل الحب الي حصلتو منهم
.
.
من داومت بالجامعة شفت اشكال الشباب الحلو والعادي والمحترم والملطلط والخلوق والي بدون اخلاق وجنت مبتعدة عن الكل وصديقاتي بس بنات
.
.
علمود ما يجيني حجي يضوجني او يضوج اهلي جان اكو ولد اسمو سامر اشوفو دائما يلاحكني بنظراتو بس ما فد يوم حجى وياي او ضايقني
.
.
والي عجبني بيه ما يهتم للبنات بس انا من دون الكل يركز علي واني بقيت على وضعي وسويت نفسي مو منتبهة لحد ما اجى يوم جنت دا انتظر وحدة من صديقاتي واجى حجى وياي
.
.
سامر: السلام عليكم
اسماء: عليكم السلام
سامر: ممكن اخذ دقيقة من وقتج
اسماء: تفضل
.
.
سامر: الصراحة اني معجب بيج ومعجب باخلاقج ولان ادرس وياج ملاحظ انو ماعندج اختلاط ويا الشباب واريدج تنطيني فرصة وتتعرفين علي واذا الله قسملنا اجي اخطبج من اهلج
.
.
اسماء: جان يحجي واني حرارتي ارتفعت من الخجل ماعرف شسوي بس نقذتني صديقتي من اجت وهو ترخص وراح  وبقى حجيو يتكرر باذني
.
.
من حجيت لنرجس وكالتلي عالخطبة من جهة صعبة اكولو  ومن جهة عجبني انو ما يهتم لباقي البنات وجنت محتارة اخير شي قررت اكولو عالخطبة احسن
.
.
وفعلا من شافني وحدي اجى علي وسألني على قراري كلتلو اذا تريد نتعرف على بعض تكدر تخطبني واذا ما تراهمنا نفصخ وكل واحد بطريق بس هيج تعذرني ماكدر لان اني جاية ادرس مو اتعرف وماكدر اخون ثقة اهلي او اجيب لنفسي حجاية
.
.
وكال حقج واني هالفترة هاي اكلم اهلي ونجيكم وترخصت منو ورحت بس بين ما كملت حجيي كوة بقيت واكفة على رجليني لهذا من خلصت فورت ترخصت منو ورحت
.

وتركتو هو يفكر ويقرر واذا صادق وما عندو نية سوء راح يجي يخطبني مرت الايام وفعلا اجى خطبني جنت فرحانة كلش لان الانسان الي عجبني طلع صادق واجى هو واهلو وخطبوني
.
.
من فرحتي ما جنت مدققة بتصرفات اهلو اذا زينين ولا لا وبسبب الظروف الي صارت ويانا تأخر ابوي لحد ما رجعلهم خبر
.
.
جان سامر دائما يسألني من يشوفني بالدوام واكلو ماكدر اكول لابوي يرجعلكم خبر وكالي اذا مو موافقين عادي كوليلي كلتلو كلنا موافقين بس بسبب الظروف ابوي نسى يرجعلكم خبر
.
.
وبقينا على هالحال لحد ما تزوجو معتز ونرجس وابوي رجعلهم خبر ومن رجعت للدوام بعد عطلة نص السنة جان طاير من الفرح وكل ما يشوفني يبتسملي
.
.
وحتى حجى لاصدقائو انو خطبني واهلي وافقو بس اني جنت ما التقي بيه دائما واحاول اكون بعيدة عنو بس مو هواي بحيث لا بعيدة كلش ولا وياه دائما يعني وسط
.
.
وهالشي خلاه يحترمني ويحبني اكثر واني مع الوقت حبيتو كلش مشت الايام وحبنا يكبر من قربت العطلة جان ضايج كلش ويكول ماكدر اتحمل كل هالمدة ما اشوفج
.
.
صحيح ما نكعد ونحجي دائما بس عالاقل بالدوام كدام عيني تروحين وترجعين ويوميا الصبح اكحل عيني بشوفتج كلتلو كلها 4 شهور وراح تمر بدون ما تحس بيهن
.
.
بعدها كمت من اشوفو احسو فرحان سألتو اذا اكو شي ببالو كال ماكو واستغربت فجاءة تحول من الضايج للفرحان واول ما عطلنا انصدمت انو بابا كال
.
.
اذا ماعندج مانع الولد يريد يسوي العرس بالعطلة والسنة الجاية تداومين انتي وياه انصدمت بس بنفس الوقت فرحت وكلت لبابا موافقة
.
.
جنت دائما من اريد انام اتخيل اني وياه نروح للجامعة سوا شابكين ادين بعض ونرجع سوا وتكون حياتنا كلها فرح وسعادة
.
.
وحتى تخيلت انو يصيرلي طفل ولان ماكو شكل محدد تخيلت عبدالهادي بمكان ابني ومن نروح اني وياه ناخذو ويانا ونحجي وياه
.
.
يعني جانت احلامي مثل اي بنت ثانية تحلم بالزواج والاستقرار ويا الشخص الي تحبو ويحبها طول فترة الخطوبة ما حجينا ولا اتصال واحد لا اني انطيتو رقمي ولا هو طلبو وهالشي جان من صالحي
.
.
لان ما حبيت ينفتح هالموضوع من الاساس اني بالجامعة كوة احجي وياه انوب اتصال واكيد بالاتصال راح يكون جريئ اكثر ممكن يغازلني عزاا والله الا اموت من الخجل
.
.
اجى وقت تلبيس الذهب جنت كلش متحمسة وجنت اريد اطلع احلى وحدة بعينو وبعيون الكل من صارت الحفلة واجى علمود يكعد عندي
.
.
احس معت من الخجل لان اول مرة واحد يشوفني بكامل كشختي بدون حجاب كضيت الحفلة واني ماكدر ارفع راسي من الخجل
.
.
وما صدكت على الله خلصت بس علمود ارتاح لان حتى ركبتي احسها انكسرت شكد مو منزلة راسي جانت الامور طبيعية لحد ما اجى العرس ومثل تلبيس الحلقات كتلني الخجل
.
.
يوم الجمعة جان ثاني يوم بعرسي بعد ما راحو اهلي جنت كاعدة ويا امو ووحدة من خواتو كالت ليش ما تجين تساعدينا بالمطبخ وامها كالت اتركيها بعدها عاروس
.
.
والبنت فرت حلكها ومو عاجبها الحجي وراحت كلت هاي بدايتها هيج الله يستر من تاليها يوم السبت رحت لاهلي لان معزومين وتأخرنا بالرجعة وسامر كال لا تنزلين
.
.
بقينا اني وياه بالغرفة جانن خواتو 3 وكلهن نفس الطبع اجت وحدة منهن بعد ما خلصو عشى طبت فورا للغرفة بدون حتى ما تدك الباب
.
.
كالت تعالي اغسلي المواعين وسامر كاللها اغسليهن انتي اسماء اريدها تبقى عندي وجها صار احمر من العصبية وطبكت الباب بقوة وراحت
.
.
والي استغربت منو سامر ساكت وماكدر احجي شي علمود لا يكول تحرضيني على خواتي بس المفروض يحترمن خصوصيتنا وما يدخلن هيج
.
.
وحتى لو ما يحترمني عالاقل يحترمن اخوهن وشوية يخلن عدهن ذوق بحيث كمت من نبقى بالغرفة اني وسامر اقفل الباب واخلي المفتاح بالقفل وفوك هاي احس اكو احد يراقبنا
.
.
ماجنت اخاف منهن بس مشكلتي انو خجولة والخجل هذا دمرني يوم الاحد بلشت شغل وياهن بدون ما يطلبن مني
.
.
جنت اشتغل اول شي علمود نفسي لان ما احب احد يكول عني كسولة وثاني شي علمود زوجي لان يحبني جنت دائما الاحظ من نكعد ويحجي سامر ويا خواتو ما يهتمن الو ولا يعبرنو فمرة من المرات كعدنا بالغرفة وحجيت وياه
.
.
اسماء: سامر
سامر: عيون سامر
اسماء: تسلم عيونك .. اريد احجي وياك بشغلة
.
.
سامر: احجي
اسماء: بس الله عليك لا تزعل وتعتبرني احرضك على خواتك
سامر: تمام
.
.
اسماء: ليش خواتك ما يحترمنك
سامر: شلون يعني شفتيهن يحجن علي لو يضربني
اسماء: لا مو هذا قصدي
سامر: لعد شنو قصدج
.
.
اسماء: يعني ما يهتمن لخصوصيتنا يجن يفوتن بدون ما يدكن الباب ومن تحجي وياهن يتجاهلنك واكثر المرات ما يردن واذا يردن يردن ببرود وبعدم اهتمام
.
.
سامر: عادي غير اخوهن اني مو ابوهن
اسماء: حتى لو اخوهن اني وياك متزوجين والنا خصوصيتنا مو بعدك شاب ولحالك بالغرفة
سامر: عادي ماصار شي
.
.
اسماء: شفتو يتهرب من الموضوع كلت لعد خليني ابقى ساكتة لان اذا ابقى احجي يكول تحرضني على خواتي واني ما اريد يجيني هيج حجي خليهم براحتهم هو وخواتو شدخلني اني
.
.
مرت الايام وبنيشان جواد رجعت لكيت المطبخ مكلوب من المواعين الي بيه وما خلصتهن الا ظهري مكسور وطلعن الروحة من خشمي من التعب
.
.
وكل هذا واني ساكتة واكول التعب يروح بس الغلط يبقى لهذا خلي اتعب احسن ما اغلط وبالعرس نفس الشي ولو على كيفهن ما يخلني اروح
.
.
ابوهن وامهن واخوانهن ما يحجون وياهن لو يهجمن البيت مرة من المرات جنت دا اشتغل بالمطبخ وهم كاعدين بالصالة وصاحني سامر كال جيبيلي ماي
.
.
حطيت ماي بكلاص ومن رحت كال انطيه لفلانة (وحدة من خواتو) اقسم بالله حسيت باهانة عمري ما حسيت بيها فوك مدا اشتغل يخليني اخدم خواتو
.
.
وهم مثل كل مرة بلعتها وسكتت واني الي علمتهم علي وخليتهم يسوون هيج بي لان اسكت واحترم لو ملطلطة جان ماكدرو يحجون
.
.
مشت الايام مرات شكد ما يغثني انجبر ارد وبالاخير اهلهن وسامر يطلعوني اني الغلطانة بحجة طلبن منج لان يعتبرنج اختهن ويمونن عليج
.
.
واكثر من مرة تصير عركة لان يطلبن مني ماي او شي وما اجيبلهن ويزعلن ليش نكلج وما تجيبين ومن اكللهن اني تزوجت علمود اخدم زوجي يكولن لا واجبج تخدمينا كلنا واتركهن وما اهتم
.
.
من بلشت الجامعة ما خلن شي ما سونو بس علمود يبطلني سامر بس ابوه ما قبل كال اني منطي كلمة لابوها ولازم تكمل وسامر لو ما ابوه جان بطلني
.
.
صاير مثل العربانة الي تجي من خواتو وامو تدفعو للمكان اليعجبها وهو مكيف جنت دائما اجي من الجامعة فوك تعب الدراسة الكيهن مسويات المطبخ سفينة
.
.
وابقى اشتغل النهار كلو حتى ما الحك ادرس وحتى تراجع مستواي عن قبل جنت كلها امتياز وجيد جدا هسا يادوب احصل جيد جدا واكثر شي بس جيد
.
.
وهالشي كلش اثر على نفسيتي من ناحية الدراسة بس عناد بيهن ما تركتها وبقيت اكمل ومن ارجع اشتغل بالبيت وصلت بيهن الحقارة والخباثة انو يطلعن مواعين نظيفات ويحطنهن ويا الوصخات علمود اشتغل اكثر
.
.
هواي مرات من اجي الكي بعض مواعين نظيفات مابيهن شي بس لان محطوطات ويا الوصخات صاير عليهن اكل او مرك من الخارج
.
.
واكول تحملي يا اسماء هالصحن وهالخاشوكة ما تأثر وحتى لو زوجج ما الو شخصية يكفي انو يحبج الا ما يجي يوم وخواتو يتزوجن وينكلعن وارتاح من شكولتهن
.
.
بس ياربي اخو سامر يتزوج فد وحدة بس الله يكدرلها علمود تربيهن وربي الا اوكف وياها حتى لو هي على غلط واخليها تطلع عيونهن هالحياية
.
.
جنت دائما ما اخلي اي خطأ علي علمود ابقى اداوم وهن تكتلهن الغيرة ومرة من المرات كعدت سويت ريوك الي ولسامر وقبل ما اروح نسيت اطفي الطباخ
.
.
ومن رجعنا اول ما دخلت اجت امو معصبة وتحجي وقبل ما افهم منها شي ضربتني كدامو راشدي الا وجهي صار ازرك انداريت عليه مصدومة ودموعي يجرن وهو ولا مهتم
.
.
ومن الفشلة تركتهم وصعدت لغرفتي شوية واجى سامر معصب وانتي ليش ما تهتمين والقوري انزرف من غبائج وثولج يعني فوك الفشلة والاهانة الي حصلتها من امو يجي يرزلني
.
.
كلتلو انت لو تحبني ما تسمحلها تهيني بهاي الطريقة وفوكها تجي ترزلني طز بالقوري اني اجيبلها 10 بدالو شهالبخل هذا
.
.
واني كلت هيج لو تورطت بقى يسب ويحجي ويكلي انتي واهلج البخيلين من يوم ما اخذتج ما جابولج شغلة بيها خير
.
.
وحتى اخوانج من راحو للسليمانية جايبلي شغلات ما يطلع سعرهن 10 ومكيفين بيهن عبالهم اني غبي وراح اكيف بفكرهم مثلهم
.
.
وكلامو كلو جذب لان جانو جايبيلو ساعة تخبل وربي اقل شي سعرها يطلع بال 40 او 50 وجايبين بنطرون وقميص وحذاء وحتى حزام جايبين يعني قاط كامل مكمل
.
.
وهو مو بعينو وينكر هالشي كدامي وفوك هاي اخذ تيلفوني على اساس عقوبة ما حبيت اكبر المشكلة وسكتت وجنت اريد اروح لاهلي بس بسبب اخواني ما رحت
.
.
لان اذا شافوني هيج زعلانة ومضروبة بس الله يعلم شيسوون بقيت النهار كلو بغرفتي وبالليل اجت وحدة من خواتو تكول مو تريدين حجة علمود ما تشتغلين المواعين ينتظرنج بالمطبخ
.
.
كليلها لو تنكلب الدنيا ما اغسلهن وخلي امج الي تخاف عليهن تغسلهن وهم اجى سامر رزلني ويحجي علي وصرت مثلهن ما اهتم لكلامو ولا كأنو موجود ودا يحجي
.
.
ثاني يوم اريد اروح للجامعة ورجعني يكلي عقوبة ما تروحين شكد حاولت وياه ما قبل وراح وتركني وكلي ممنوع تروحين
.
.
وخباثة باهلو جان اكو كيك وعصير بالثلاجة اخذتو ورحت لغرفتي وقفلتها علي ومن جعت اكلت الكيك وشربت العصير وعندي دولكة ماي ولان الدنيا شتاء ما احتاج ماي بارد
.
.
ومن يدكن الباب ما ارد لحد ما يملن ويروحن الظهر من شفت من الشباك سامر اجى فتحت القفل بدون ما اخلي صوتو يطلع ورجعت تمددت وسويت نفسي مريضة
.
.
من اجى فتح الباب بقوة واستغرب انو مو مقفول اجى كعدني عبالو نايمة رديت بصوت ناصي كلي شبيج كلتلو مريضة وهمزين ما رحت للجامعة لان مو كادرة اوكف
.
.
كعد عندي ويكلي شبيج اكلو بس خليني انام وارتاح وهو صدك تركني نايمة وطلع من الغرفة وثاني يوم هم منعني وثالث يوم لحد يوم الخميس ما بقى عندي طاقة اتحمل
.
.
كلتلو وديني لاهلي ورفض كلتلو خلي اخوك او ابوك يودوني وما وافق نزلت من الغرفة روحي بخشمي وطالعة الدنيا من عيني
.
.
دخلت للمطبخ وصاحتني وحدة من خواتو كالت جيبيلي ماي كلتلها اجيبلج سم ياخذج ويخصلني منج وانجنت هي وخواتها وامها
.
.
وامها تكول سم يسم اهلج يالحيوانة يا بنت الحيوانات كلتلها محد حيوانات غيركم الله ياخذج انتي وبناتج الحياية وحدة احقر من الثانية بس ليش استغرب هو انتي حية اكيد بناتج يطلعن حياية عليج
.
.
وسمعني سامر ومن صاح علي هن كامن يتبجبجن كلتلو مو تحط الحق علي اسمعها شنو تكول على اهلي بعدين احجي وبدون ما يتفاهم ضربني
.
.
كلتلو وربي الا اروح لاهلي اني اعلمك وصعدت لغرفتي وهو استغل هالشي ولحكني لغرفتي وكتلني ما خلى مكان بجسمي ما ضربني عليه
.
.
واخير شي كلي كومي انكلعي لاهلج طاح حظج وحظ اهلج من كمت وجع جسمي ماكدر اوصفو وجع بشع وكلش قوي كوة اتحرك لبست ملابسي والا استندت عالحايط يلا كدرت انزل
.
.
لكيت امو وخواتو يتمضحكن كلتلهن وربي لطلعها منكم واني بنت ابو ميزر ورحت لاهلي بالطريق اجاه اتصالات شفت وجهو صار اصفر من الخوف ويرفضهن
.
.
ومن وصلني هو الجبان وصلني للباب وانهزم ما بقى دقيقة وحدة واني دخلت واهلي على صوت الباب طلعو وشافوني ومن الفشلة حطيت شالي على وجهي
.
.
.......... يتبع
لايك وتعليق حلو مثلكم ❤
حطولنا ارائكم وتوقعاتكم ❤