حب في ازقه نينوى

البارت (13) حب_في_ازقه_نينوى الكاتب#احمد

#حب_في_ازقة_نينوى
بقلم #احمد
البارت_13
.
.
نرجس: ثاني يوم كالعادة رحنا للمدرسة وطول الطريق ما حجى وياي معتز ولا باوعلي وهالشي رغم ازعجني بس بنفس الوقت ارتاحيت
.
.
گلت احسن خلي نبتعد عن بعض هو راح يتزوج زينب واكيد اني الي راح اتأذة ومستحيل اتزوجو وهو متزوج زينب حتى لو احبو خلص صار لغيري
.
.
معتز: طول فترة اجازتي اني اوديهن وارجعهن ابوي فتحلي موضوع زينب واجلتو وضاج مني خلصت فترة اجازتي ورحت لدوامي وبالي مشغول عليها بس وجود اسماء وياها منطيني شوية راحة
.
.
اخذونا بين الانبار وصلاح الدين الوضع جان شبه هدوء اكو طكطكات بس قليلة بالليل تزيد بس ما تأثر ومانعرف على منو يضربون اصلا
.
.
الحشد دا يتقدمون على صلاح الدين والاخبار تبشر بخير والجيش بدا يتقدم على الانبار بس احنا خلونا بس نمسك الموقع ما نتقدم وماعرف هالشي زين النا ولا لا
.
.

((تسريع للاحداث))
.
.
معتز: بقينا تقريبا لنص شهر ال 11 بالدوام انطونا اجازة بس تأخرنا بالنزول لان دوامنا كلو متخربط وصلت اهلي الساعة 9:30 وتعبان تعب مصاير
.
.
بس بدوامنا تغير الجو وشوية ارتاحينا من الحر اول ما وصلت اهلي دخلت للحمام سبحت علمود استرخي وطلعت بدون عشى نمت من التعب كعدت ثاني يوم الساعة 7:15 لكيت اسماء تتريك
.
.
معتز: صباح الخير
اسماء: صباخ النور هلا عزو
معتز: كرصتها من خدها .. شلونج
.
.
اسماء: الحمدلله زينة انت شلونك
معتز: الحمدلله شلون دوامج
اسماء: شلون دوامي ولا الي يشاركني بدوامي
.
.
معتز: هههههه ملعونة تعرفين اخوج كلش زين
اسماء: هههههههه الحمدلله دوامي والي يشاركني بدوامي زينين وماكو منهم
.
.
معتز: لا تكوليلها اني موجود
اسماء: شنو ما توصلنا
معتز: غير مرة
.
.
اسماء: ليش
معتز: سوي مثل ما كلتلج
اسماء: تمام
.
.
معتز: تريكت وياها ومن خلصت ريوك طلعت هي ونرجس للمدرسة واني طلعت وراهن اريد ارجع احداث الموصل واعيش التجربة مرة ثانية
.
.
نرجس: داومت شهر وشوية المدرسات كلهن حبوني لان شاطرة ومااترك اي تحظير لو شي ناقص بالواجبات اليومية وبامتحانات اول شهر اجوبتي كلها زينة ودرجاتي ما تقل عن 90 وامي كلش فرحانة بهالشي
.
.
معتز دائما اتذكرو بس من اشوف وضعي اني وامي وشلون تبهدلنا ارجع ادرس اكثر واكثر واشد حيلي حتى البنات من يحتارن بموضوع بالمواد يسألني واني اجاوبهن وفورا يعتمدن على اجابتي والحمد للرب دائما اجوبتي صحيحة
.
.
جواد ما شفنا وجهو بدوامنا ولا مرة وهاي عود معتز موصيه علينا لهذا بقينا نروح ونرجع مشي ومرة من المرات بشهر 11 الحو بيه شوية برودة
.
.
طلعنا انا واسماء للدوام دا نمشي حسيت اكو شخص يتبعنا وتضايقت بس ما انداريت ولزك اخير شي انداريت بانزعاج وشوفتو يباوعلنا ومبتسم
.
.
اني لا ارادي ضحكت ومن الفشلة انداريت لطريقي واسماء تضحك علينا وما باوعتلو ابد دخلت للمدرسة وشفتو كمل طريقو ودخل داخل المدرسة واستغربت منو بس ما سألت
.
.
معتز: مشيت وراهن بنص الطريق اندارت علي ومبين منزعجة ومعصبة ابتسمت بوجها هي ضحكت وشردت للمدرسة وعصبيتها تخبل يا بوية شكد حلوة
.
.
بقيت وراهن لحد ما دخلن للمدرسة وكلت بما انو اجيت اسأل عليهن شلونهن بالدوام دخلت للادارة لكيت المديرة وكم مدرسة موجودات
.
.
معتز: السلام عليكم
الكل: عليكم السلام
معتز: بس عندي الطالبتين نرجس واسماء رايد اسأل عليهن
.
.
المدرسة: مشاء الله كلش متفوقات ومستواهن قوي ودرجاتهن ما تقل عن 90
معتز: شكرا ست ممنون منكم
الكل: اهلا وسهلا
.
.
معتز: رجعت احس راسي صار بكد البيت شكد ما كبر من الفرح صدك رفعن راسي وخلني افتخر كدام المدرسات من رجعت للبيت كملت نومتي كعدت الظهر لكيتهن راجعات تغديت وكعدت ويا ابوي وامي بالصالة
.
.
الوالد: معتز حظر نفسك اليوم بالليل نخطب زينب
معتز: شنو نخطب زينب يابة ما تشوف الوضع انت
.
.
الوالد: معتز نروح نخطبها اليوم البنت راح تنفضح وتدمر سمعتها الى متى تبقى هيج ولا قدر الله ومات واحد بيكم غير الناس تاكل وجوهنا فكرو بينا عالاقل مو بس بنفسكم وانت بالذات لان البنية بعد الي صار وياها حتى لو ما تريدك تنجبر توافق عليك
.
.
معتز: ردت احجي شفت امي اشرتلي بمعنى اسكت لا تخليه يعصب واني شفت الشغلة واكعة براسي واكعة وفوكها حجي ابوي صح اذا مات واحد بينا الناس راح تطلع صيت على بناتنا بسبب زينب
.
.
لهذا خلي اخطبها مجرد خطبة ونسكت الناس وخلي يموت واحد مننا بعدها عالقليلة راح يكولون خطبها بس ما لحك يتزوجها
.
.
كمت من يمهم بانزعاج وسلمت امري لربي هو ادرى بمصلحتي ركبت سيارتي ورحت افتريت شوية ببغداد كضيت وقت رجعت المغرب تعشيت ورحت سبحت ورتبت نفسي وبعدها رحنا واكيد نرجس وامها ما اجن
.
.
كعدنا بالاستقبال وكدامي رعد ولو بايدي اكوم ادفنو عمي مسوي نفسو هو ابو الحق وزعلان علي صالحنا ابوي وبس كدامو كمت بست راس عمي واجى رعد سلم علي وتباوسنا
.
.
الوالد: وهسا بما انو تصافت الكلوب ابو رعد نرجع ونطلب ايد زينب على سنة الله ورسولو ونريد نحل هالخلاف وننهي الحجي الصار
.
.
ابو رعد: واني انطيتكم اذا الله انطاكم والله يتمم على خير
الوالد: واسأللنا زينب اذا موافقة ولا لا ما نريد نجبرها
معتز: بكلبي .. موافقة قبلي يابة
.
.
ابو رعد: اني سألتها وفوك هاي انت تعرف الوضع يعني حتى لو مو موافقة ما تكدر تكسب خطية باقي بناتنا
الوالد: اذن الله يتمم على خير
.
.
معتز: قرو الفاتحة اني عود اقرا الفاتحة رفعت ايدي وكمت ادعي الله يفرقنا بابسط الاسباب
.
.
الوالد: والعرس إن شاء الله بعد اسبوع وما يحتاج تكمل شي من تجي عندنا تجهز بس خلي نكمل قبل ما يرجع معتز لدوامو ويتأخر
.
.
معتز: لو نأجلها يابة احسن لان مو معقولة بعد العرس فورا اداوم
الوالد: ما عليه شي اني قررت وخلص
.
.
معتز: بقيت كاعد على اعصابي والي فهمتو انو ابوي وعمي متفقين على هالشي قبل ما اجي ومخططين لكلشي من خلصت الخطوبة رجعنا للبيت
.
.
اني ركبت لحالي بسيارتي وتركتهم بنص الطريق ورحت لنهر دجلة الضوجة عندي فول ومشتهي اتعارك واصيح بكل صوتي من القهر فوك ما قبلت عالخطوبة عرسي بعد اسبوع خرا بهيج عيشة كلها مغثة
.
.
اتصل علي جواد رديت كال اهلي يسألون عليك كلتلو كوللهم بجهنم اني وقفلت الخط وزتيت التيلفون بالسيارة ونزلت منها
.
.
بقيت بنهر دجلة لل 1 بالليل رجعت للبيت واحنا عاداتنا شكد ما نزعل ونتضايق ما نترك البيت ابد من نريد ننام نرجع للبيت لان امي تبقى قلقانة علينا من وصلت البيت صعدت لغرفتي وزتيت نفسي عالسرير بانزعاج وبقيت ضايج لحد ما نمت
.
.
نرجس: من طلعنا من المدرسة ما شفت معتز رغم تباعدنا بس ابقى اشتاقلو كلبي ما يكدر ينسى حبو رجعت للبيت تغديت ونمت ومن العصر كضيتها دراسة لحد العشى تعشيت ورجعت ادرس وبال ١٠ نمت علمود اشبع نوم منا للصبح ثاني يوم كعدت تريكت وطلعت ويا اسماء للمدرسة
.
.
واحس اكو شي تريد تحجيه بس ماتعرف شلون تحجيه واني كتلني الفضول اريد اعرف شنو الموضوع الي يخليها محتارة هيج اخير شي ما تحملت انداريت عليها وكلتلها ترا قلقتيني اعرف عندج حجي ومحتارة شلون تحجيه فضيها عاد
.
.
اسماء: لا ماكو
نرجس: والعذراء اكو احجي
اسماء: لا ماكو متوهمة
نرجس: ولي زاعلتج
.
.
اسماء: لا فدوة لا تزعلين راح احجي بس صدكيني ما اريد احجي علمود لا اضوجج وياي اني ومعتز
نرجس: معتز شدخلو اسماء احجي عاد وفضيها
.
.
اسماء: البارحة ابوي جبر معتز يخطب زينب ورحنا خطبناها واني ما ردت احجيلج علمود ما ازعلج وتنقهرين فدوة نرجس لا تزعلين مني لو ما احبج جان ما استصعبتها هيج
.
.
......... يتبع
اعرف البارت قصير بس هذا الي كدرت عليه ولخاطركم كتبتو  اعذروني وإن شاء الله انزل كل ما يصير عندي وقت

https://www.facebook.com/الكاتب-احمد-106346968747988/