حب في ازقه نينوى

البارت(38) حب_في_ازقه_نينوى الكاتب#احمد

وصلولنا البارت 200 لايك ❤
#حب_في_ازقة_نينوى
بقلم #احمد
البارت_38
.
.
نرجس: من حجى هيج احس وجهي صار حار من الخجل والطلاب كلهم جانو متفاجئين بكلامو لان جانو ببالهم شي وطلع الموضوع يختلف عن تفكيرهم
.
.
الدكتور: انتبهولي طلاب انتو جايين هنا تدرسون مو تجمعون اخبار وترفعون فلان وتسقطون فلان هاي جامعة للعلم مو للسوالف وغيرها
.
.
وثانيا انتو تعرفون ان الرسول ﷺ قال لمعاذ ( وهل ادلك على ملاك الامر قال معاذ بلى يا رسول الله ، امسك الرسول لسانه وقال كف عليك هذا ، قال معاذ يا نبي الله وإنا لمؤاخذون بما نتكلم ، قال رسول الله ﷺ ثكلتك امك يا معاذ وهل يكب الناس في جهنم على وجوههم او مناخرهم الا حصائد السنتهم)
(([حديث حسن صحيح] اخرجه احمد والنسائي وابن ماجه))
.
.
والمعنى من الحديث ان اكثر الناس يدخلون النار بسبب كلامهم من شتم وسب وقذف واتهام باطل وتشهير بسمعة الناس لهذا ابنائي انتبهو من هالشي هذا
.
.
وحتى اذا سمعتو بموضوع مو زين استرو على صاحب الموضوع علمود الله يستر عليكم وعلى اهلكم وهسا نرجع لمحاظرتنا
.
.
نرجس: من حجى هيج الطلاب كلهم مبين عليهم نظرات الندم اني ما اهتميت للموضوع لان من البداية اعرف نفسي مو مسوية شي غلط
.
.
من خلصنا المحاظرة طلع الدكتور واجو اعتذرو مني بعض الطلاب ومنهم خالد وراحو اخذت كتبي وطلعت لكيت معتز كاعد على الكرسي الي نلتقي بيه دائما
.
.
رحت عندو واني مبتسمة واتذكر شلون واكف ويحجي بحيل صدر ولا مهتم لو اني جان جفصت بالكلام وماكدرت اجمع كلمتين مع بعض وصلت عندو وسلمت عليه
.
.
معتز: شلوني بربج
نرجس: كلامك بالصميم
معتز: هيج احسن علمود ينجبون
.
.
نرجس: المهم انو احنا نعرف نفسنا
معتز: صحيح بس هم اذا يبقون يحجون مانرتاح
نرجس: اي صحيح
.
.
معتز: نروح لو عندج محاظرات
نرجس: ماعندي شي نروح احسن
اسماء: وين رايحين
.
.
نرجس: للبيت
اسماء: يلا لعد اجي وياكم خلصت محاظرات
معتز: يلا لعد
.
.
نرجس: صدك جواد شصار عنو
معتز: كمل المول وهاليومين يجيبون الو مسواك هو وابوي
نرجس: بس اني بعد ما بعت المحلات
.
.
معتز: حسبنا حسابج لا تهتمين
نرجس: شلون حسبتو حسابي
معتز: مو وقتها هسا المهم انو انتي صارلج قسم من المول
.
.
نرجس: شلون بس فهمني
معتز: هسا اتركيه اكو خبر مو حلو
نرجس: شنو
.
.
معتز: انتقل دوامي لاطراف الموصل
نرجس: ليش
معتز: اليوم وصلني الخبر ناقلينا اني وجماعتي
.
.
ترجس: دعوفها ختولي
معتز: ماكدر
نرجس: ليش ماتكدر
.
.
معتز: اني متعود عالدوام ماكدر اكعد
نرجس: اشتغل ويا ابوك بالمول
معتز: ماكدر نرجوسة دوامي ارتاح بيه اكثر
نرجس: بانزعاج .. تمام
.
.
معتز: اعرفها ضايجة بس ماكدر اعوف دوامي وبالاخص هالفترة محتاج راتبي لازم ابقى اداوم علمود ارتب لعرسي اني وجواد قبل ما يجي موعدهن جان هذا اخر يوم الي قبل الدوام كضيتو ويا اهلي وثاني يوم توكلنا لمكاننا الجديد
.
.
نرجس: ضجت حيل من كلي راح ينتقل دوامو هنا جان مريح الو ماعرف ليش نقلوه مرة ثانية كأنهم يدورون وين المرتاح علمود يبهدلوه
.
.
من رجعت تلكانا عبدالهادي جانت الدنيا شتاء بس طالعة الشمس والحجية وعبدالهادي كاعدين بالحديقة بوستو ورجعتو عند الحجية
.
.
وبدلنا اني واسماء وحطينا غدا وطلعناه بالحديقة جانو مو متغدين الحجية وعبدالهادي وجواد والحجي يتأخرون علمود المول لهذا ما انتظرناهم
.
.
كعدت عبدالهادي بحظني واوكلو وياي الي جنت مستغربة منو ان دائما يكولون الطفل بعمر السنة او السنتين يكون وكح وما يكعد بالكاع
.
.
بس عبدالهادي بالعكس دائما هادئ ويضحك ومن جان صغير ما يبجي صحيح يتحرك مرات ويلعب بس مو مثل ما يوصوفون الاطفال الناس ومن واحد يكولو اكعد كأمو جبير ويفتهم فورا يكعد عاقل وما يتحرك
.
.
ثاني يوم راح معتز لدوامو المغرب اجى الحجي كال جايين علينا ضيوف ورا العشى تعشينا بسرعة تأكدنا من الاستقبال اذا نظيف ورشيت بيه معطر
.
.
ورا اذان العشاء اجو جانو اهل الولد الي اعترف لاسماء شافتهم من شباك المطبخ وانرعصت صار عدها توتر مو طبيعي دخلو هو والزلم للاستقبال واجن النسوان للصالة
.
.
سلمن عالحجية وكعدن اسماء كلتلها التوتر خليتها تروح للغرفة تبدل وترجع علمود تطلع حلوة كدامهن وانطيتها الجاي ودتو كوة وصلت بدون ما ينكب الجاي
.
.
والحجية كالتلها ابقي كاعدة يمي رحت اني سلمت عليهن ورحبت بيهن من شافني عبدالهادي صاح ماما واجى علي اخذتو ورجعت للمطبخ
.
.
ام الولد: هاي جنتكم
الحجية: عن قريب إن شاء الله عرسها هي وابني الجبير
الام: باستغراب .. والولد
.
.
الحجية: ابن زوجتو السابقة الله يرحمها
الام: مافهمت كلشي
الحجية: حجتلها كلشي
.
.
الام: الله يرحمها بس حلو انها تهتم بالطفل
الحجية: اي والله من اول ما صار ما تخليه ينام الا بحظنها قبل فترة راحت للموصل على بيت اهلها غير تخبل كل ما سمع صوت الباب يصيح ماما ويروح يركض
.
.
الام: الله يحفظو ويحفظها
الحجية: ويحفظ احبابج
.
.
نرجس: كملو وراحو الحجي كاللهم بعد يومين نرجعلكم خبر وابو الولد كال هسا مجرد خطبة بس علمود تكون البنية لابنا ومن يكملون إن شاء الله نزوجهم
.
.
ومن كملو راحو فرحت كلش لاسماء لانها طيبة وتستاهل كل خير من راحو سألها الحجي ووافقت وكاللها احنا هم نسأل عليه وعن اهلو واذا زينين نوافق والله يقدم الي بيه الخير
.
.
اجت علي اسماء ايديها ترجف واني اضحك عليها اتصلو على معتز وكلولو كال ماعندي  اي مشكلة الراي والقرار الها ولابوي وما اقرر اني بوجود ابوي وسكر صارت الساعة 10 واتصل علي اخذت تيلفوني وصعدت فوك
.
.
معتز: شلونج يا حلوة
نرجس: بخير يا حلو انت شلونك
معتز: مشتاقلج
.
.
نرجس: تشتاقلك العافية
معتز: وانتي
نرجس: اني شنو
.
.
معتز: مو مشتاقتلي
نرجس: لا
معتز: صدك
.
.
نرجس: اي
معتز: جذابة مشتاقتلي وميتة شوق
نرجس: لا متوهم
.
.
معتز: يلا لعد اسكر وما اتصل بعد
نرجس: لا لا اتشاقة
معتز: شنو
.
.
نرجس: مشتاقتلك هواي
معتز: يبوووووي اروحن فدوة لحبيبتي
نرجس: كافي معتز لا تخجلني
.
.
معتز: يولي ليش هيج احبج اني
نرجس: ماعرف
معتز: راح اشتكي لامي اكوللها بكتي كلبي
.
.
نرجس: واني اكول لبابا عليك
معتز: شكد تحبيني
نرجس: كافي معتز فدوة
.
.
معتز: تحجيها لو اسكر
نرجس: مو هسا اكولها
معتز: يا تكوليها يا اسكر
.
.
نرجس: بعد معاناة نص ساعة .. احبك
معتز: اخيرا شلعتي كلبي
نرجس: بيني وبين نفسي كلت اني الك .. معتز
.
.
معتز: يا روح معتز
نرجس: اعشقك
معتز: وبعد
نرجس: اموت عليك
معتز: وبعد
.
.
نرجس: اتنفسك واحبك واحب كلشي يخصك بالدنيا انت روحي وكلبي وعقلي وفكري وهيامي ودنيتي واحلامي وواقعي وحبي وكياني واماني انت وطني الخاص
.
.
معتز: ولك زياد اشعل عشيرتك اليوم زيااااااااد
نرجس: هههههههه شبيك
معتز: ويكولون ابقى عاقل
.
.
زياد: شبيك تخبلت
معتز: ولك دكلي احبك زياااااد
زياد: قسم بالله تخبل الولد
.
.
معتز: يولي جايج اليوم جايج
نرجس: اسمع كلامو هو واصدقائو وشبعت ضحك
معتز: يولي نرجس
.
.
نرجس: كلب نرجس عيون نرجس
معتز: يولي ارحميني
نرجس: ليش شسويت اني يا عمري
.
.
معتز: لا تلعبين باعصابي
نرجس: لا اني احبك ودا احجيلك الحقيقة
معتز: خرب شيبك منتظرررررررر
.
.
نرجس: هههههههه شبيييك
معتز: ولج حركتي شيب الخلفوني
نرجس: معتز صير مؤدب
.
.
معتز: اني اعلمج يولي بس انزل الا اجيب اخوان لعبدالهادي
نرجس: عزاااااا شكد قليل ادب
معتز: لعد اني مو خطية تحركين باعصابي
نرجس: تستاهل لانك تجبرني اكول احبك
.
.
كملنا حجي وشبعت ضحك عليه اصدقائو خطية شبعو مسبات منو بس لان يعرفوه ويحبوه ما يزعلون منو وهو مرتاح للوضعية ومستغل حبهم ويحجي براحتو
.
.
من صارت الساعة 11:30 اسماء جابتلي عبدالهادي جان نعسان سكرت من معتز ومددت عبدالهادي بحظني وعدلت الغطا زين علمود ما يتكشف بالليل ويبرد
.
.
جان يغمض عيونو ويرجع يفتح واني صافنة عليه شنو الي سويتو بالدنيا علمود الرب يعوضني بهيج تعويض بداية حياتي كضيتها بدون حجاب
.
.
صحيح اصلي صلاة المسيح وادعي بس جنت مو محجبة ورغم كل هذا الرب عوضني باحلى تعويض ممكن يخطر على بال بشر
.
.
يارب مثل ما خليتني احبو ويحبني لا تحرمني منو ولا تحرمو مني وخليني اشوفو عريس وافرح بيه وكمت اتخيلو شلون يكبر ويصير عريس واني شلون راح اكون بعرسو ونمت بين افكاري
.
.
كعدت ثاني يوم تريكنا اني واسماء ورحنا للجامعة كلتلها انتبهي ولا تبقين ويا الولد اوقات هواي وبالاخص قبل ما يرجعون الموافقة اهلج وهي اقتنعت بكلامي
.
.
واذا تكولون ليش لعد انتي تروحين وترجعين مع معتز اولا معتز زوجي رسميا وثانيا اني اعرف معتز مستحيل يأذيني لو يزعلني
.
.
اما هذا الولد لحد الان ما نعرف عنو شي وهم مجرد مخطوبين لهذا الواجب على اسماء تلتزم بحدودها هاي الفترة
.
.
كملنا دوام نظرة الطلاب تغيرت علي وعرفو انهم جانو غلطانين بحقي المغرب اجو الحجي وجواد كالو باجر يجي المسواك للمول وبعد باجر يفتحون المول للزبائن
.
.
الحجي باع المحلات الي جان فاتحهن علمود يتفرغون للمول هو وجواد وقبل ما يكملون احتاج فلوس للمسواك وباع السيارة واحنا دعينالهم بالتوفيق
.
.
جواد جان كلش تعبان وهالفترة هاي خطية كلش تعب بسبب المول لان هو جان يكضي النهار يشتغل بيه ثاني يوم كعدو ويانا الحجي وجواد تريكو وطلعو
.
.
واحنا هم تركينا ورحنا للجامعة وماعرف ليش لاول مرة يبقى بالي عند جواد والحجي من خلصت المحاظرة الثانية طلعت كعدت بالحديقة مالت الجامعة دزيت رسالة لمعتز كلتلو اذا كاعد خابرني شوية واتصل
.
.
معتز: ها يالحب
نرجس: هلا عمري
معتز: شلونج
.
.
نرجس: زينة وانت
معتز: الحمدلله وين انتي
نرجس: بالجامعة ودا انتظر المحاظرة كلت اتصل على الخبل مالي اكضي وقت
.
.
معتز: ولج منو الخبل
نرجس: انت ههههههه
معتز: احم احترميني اني صرت جبير
.
.
نرجس: من ايمتى
معتز: من جبت عبدالهادي
نرجس: ايواااا هنا الحجي
.
.
معتز: صدك خابرني قبل شوية عبدالهادي
نرجس: ليش
معتز: يريد اخوان
.
.
نرجس: اي تزوج وجيبلو اخوان
معتز: وانتي شنو جيس طحين
نرجس: لا جيس تمن ههههههه
.
.
معتز: اخ الله لو توكعين بايدي
نرجس: خطية بعيد عني مايكدر يسوي شي
معتز: متأكدة
.
.
نرجس: اي
معتز: انداري وراج
.
.
نرجس: جنت اضحك وعرفت دا ينصب علي علمود يخوفني انداريت شفتو اجى يمشي علي وبوجهو ابتسامة خبيثة اني انخطف لوني من شفتو
.
.
معتز: اي يابة شجنتي تكولين
نرجس: جنت اكول عندي محاظرة .. ورحت امشي
معتز: مسكتها من ايدها .. لا يا حلوة ما حزرتي
.
.
نرجس: عيب معتز احنا بالجامعة
معتز: لعد كولي لنفسج من حركتي شيب الخلفوني
نرجس: شلون كدرت تجي
.
.
معتز: كلتلج اجي يعني اجي
نرجس: لا والله صدك شلون جيت
معتز: حصلت مساعدة يومين وباجر اروح
.
.
نرجس: اجت بوقتها
معتز: ليش
نرجس: خطية جواد والحجي اليوم يجيهم مسواك روح ساعدهم
.
.
معتز: شكد باقي للمحاظرة
نرجس: بعد 10 دقايق تبلش
معتز: تمام راح اروح اني بس حسابج ما خلص
نرجس: بابتسامة .. تمام
.
.
تركتو ورحت هو يضحك ويمسح بشواربو يمة كلبي راح يوكف من الخوف وكعتي يا نرجس ومحد سمى عليج ارتاحيتي هسا من وكعتي نفسج بين ادين معتز
.
.
معتز: من وصلنا دوامنا استقرينا جان المكان جديد وطريق خارجي وجان المكان عبارة عن بساتين خظرة وجان المنظر رهيب
.
.
بقينا بيه يومين ومن اتصلت ترجس علي طلبت اجازة بحجة عندي مريض ولازم اروح اوديه للمستشفى ورحتلها من وصلت نزلت جنطتي ورحت للجامعة
.
.
قبل ما اوصل دزتلي رسالة جاوبتها وهي عبالها بدوامي بقت تستفزني دخلت بالجامعة وشفتها واكفة بالحديقة من اندارت علي انصدمت وراحت الابتسامة منها
.
.
حجيت وياها شوية وبيني وبين نفسي اكول اوصلي البيت واني اعلمج رجعت للمول لكيت المسواك واصل ودا ينزلون جواد ووياه عمال
.
.
ساعدتهم بكم كارتون وكعدت ويا الحجي لان تعبان من الطريق من خلصو كعدو وارتاحو بعدها بدو يسفطون الغراض باماكنهن
.
.
بعدها رجعت للبيت وتركتهم بالسوك من وصلت تغديت ونمت كعدت الساعة 7 الدنيا ليل نزلت لكيت العيلة كلها كاعدة كعدت وياهم وحجينا شوية
.
.
راحت نرجس تحطلي عشى واني كلتلهم اشرب ماي واجي صرت وراها اندارت وحصرتها بزاوية الكاونتر كلتلها اي يابة منو ما يكدر يوصلج
.
.
هي ساكتة ولونها مخطوف تذكرت من حصرتها بالفرع ومن بستها ببيت اهل صديقتها كلتلها ذيج المرة كلتيلي الي نسويه خطأ لان مو متزوجين هسا تزوجنا
.
.
نرجس: معتز لا يجي احد فدوة اطلع
معتز: ما اطلع قبل ما اخذ حقي
نرجس: وشنو حقلك
.
.
معتز: شفتها شفايفها ترجف اخذت شفايفها ببوسة احس نفسي انعزلت عن العالم كلو من انكطع نفسها ابتعدت عنها وسحبت نفس بقوة
.
.
رجعت اخذت بوسة ثانية منها لحد ما انكطع نفسها بعدت عنها جانت عيونها ذبلانة وكوة واكفة على رجليها كعدتها عالكرسي كلتلها هاي علمود ما تتحديني مرة ثانية ورجعت بستها للمرة الثالثة ومن بعدت عنها كلتلها وهاي علمود شوقي الج
.
.
نرجس: خلصنا دوام ورجعنا تغدينا والحجية كالت معتز نايم بغرفتو كضينا اليوم وهو ما نزل لليل واني رحت احطلو عشى دا اجهزو حسيت احد وراي
.
.
وبعدها حرفيا ماعرف شصار وياي بس صحيت على نفسي كاعدة عالكرسي بالمطبخ وحرارتي عالية اخذت العشى حطيتو كدامو وانهزمت لغرفتي بقيت بيها لحد ما نمت وما نزلت بعد تحت
.
.
معتز: اجت حطت العشى وانهزمت ابتسمت على تصرفها يابوية مو بوسة جنها العافية يلعن يومج على هالشفايف عسل طبيعي
.
.
خلصت عشى واخذت المواعين اسماء اني اخذت عبدالهادي والعب وياه وهو متونس لان تعود علي كلتلو وين ماما كال ماما لاحت (راحت) وياشر فوك على اساس راحت لغرفتها
.
.
سيارتي صارت بايد الحجي وجواد لان ابوي باع سيارتو  من صارت الساعة 11 صعدت دخلت لغرفتها شفتها نايمة كسرت بكلبي وطلعت وعفتها نايمة ورحت لغرفتي نمت
.
.
ثاني يوم كعدت الفجر صليت ورجعت لدوامي واني احس نفسي منتصر عليها خلي تعرف منو معتز الي تحاول تتحداه واذا هي بنت ابوها خلي تعيدها مرة ثانية ههههههههه
.
.
........... يتبع
لايك وتعليق حلو مثلكم ❤
حطولنا ارائكم وتوقعاتكم ❤