الموت على قيد الحياة

part.. 8

#الموت_على_قيد_الحياة

للكاتبه: فاطمة علي

______________

غسق- صحيت الصبح راسي يريد ينفجر و جسمي نحلان فتحت عيوني ركزت اني بـ مكتبنه

لزمت راسي من كد الوجع اريد ابجي مكدر ارفعه دقائق على كعدتني حسيت كل الدم تجمع لراسي صرخت بكل صوتي الصرخه جرحت بلعومي

وكعت ما حسيت بـ شي بعد مدري شكد و صحيت هدوء يم راسي تحجي مدري ويامن شوي كدرت اركز عليهم محمد و هدوء

غسق- شصار

اندارولي بفرحه

محمد- حمدالله عـ سلامتج يابه

هدوء- حمدالله عـ سلامتج قلبي

بس اهز راسي ما بيه حيل احجي ولا بيه اسال شصارلي نص ساعه هدأت

هدوء

واكفه ويه بنات بممر اليوم داومت من وكت علمود اسينات شفت دكتور رمح عيونه بـ كصته يتعارك ويه ذبان وجه محد كدر يحجي وياه

ساعتين ونص اجى صوتج جنه واكفين كلنه نطب ل عمليه بـ صرختج لميتي المستشفى كلهه اول شخص لحكج محمد من بعده دكتور رمح

الممر شطوله صار الي بس اريد الحكج دخلت شفت محمد يفحص عيونج و نبضج وانتي لا ايد ولا رجل

من فتح عيونج شهكت على عيونج صاير احمر متروسه دم على شهكتي فز دكتور عصام الج شالج لحضنه دكتور رمح اخدج منه

ركضو بيج لفحوصات طلعت بيج ضغظ فول هواي فحص اخدو الج دكتور عصام كال فحصو جسمهه كلهم طلعو اني ضليت افحص جسمج اول شي فتحت شالج

شفت ركبتج مضروبه بيهه ابره تخبلت كلت بس لا منطينج ابره مخدر ركضت لباب لاكول الهم ذكرت ما شفت جسمج

اجيت نزعتلج كل ملابسج مشفت كلشي رجعت لبستهم الج طلعت حجيت لدكتور حار شيسوي كال

دكتور عصام- لبسيلهه كب عمليات عوفي شال خل اشوفهه

رمح- عوفهه دكتور اني افحصهه

دكتور عصام- لا ما حاجه اني ادخل الهه _ ادخلي سوي الي كتلج عليهه

طبيت سويت مثل مكلي ضميت كل شعرج دخل دكتور فحصج محمد جان كلش خايف عليج واني ميته رعب
و دكتور عصام ميعرف اشلون يتصرف حسيته محتار

الا دكتور رمح جان متصنم كلشي ميسوي عبالج يعرف شبيج او فاحصج قبل
ساعتين كعدتي هاي كل الي صار وياج الحمدالله تعدت عالخير

غسق

هدوء تحجي واني صافنه عليهه كلشي ما اذكر نص ساعه خلص مغذي كمت علي حيلي رحت عند مدير دكيت باب سمحلي بالدخول

غسق- دكتور ممكن سؤال

دكتور عصام- اهلين حمدالله عـ سلامه

غسق- الله يسلمك و شكرا لاهتمامك