الموت على قيد الحياة

Part.. 21

#الموت_على_قيد_الحياة

للكاتبه: فاطمه علي

---------------------------

غسق-

نزلنه لمول سويه هو راح لمكان أغراض رجالي اني دخلت لنسائي، ، بس شنو تفكيري كله يمه ،، شلون حبيته و ليش واني ادري يحب وحده حتى ما عرفت شاشتري نص ساعه خابرني رمح يسأل وين صرت من كتله ،،، بعدني كل شي ممشتريه، ،،، ضحك و كال انتضرج

كملت نص غراضي لان نسيت على شنو اجيت طلعت شفته يشوف ملابس ضليت بمكاني اباوع عليه ،،، يشوف البسه و مبتسم اجى عامل بقو يضحكون و يشاقون كل هذا واني صافنه عليه أندار عليه شافني واكفه مشيت يمه

رمح: خير بيج شي شو تغير مزاجج والله انتي مو جوزائيه

غسق: هههه لا جنت اشوف الأغراض الي جوه حلوين

رمح: زين اشتريتي

غسق: لا

رمح:ليش

غسق: ما عجبوني

كلتهه هو و عامل طكوه ضحكه ،، يااا شبيهم

رمح: مو كلتي شفت أشياء حلوه شو بساع ما عجبوج

غسق: هاااا اءءء يبووو كافي شبيك

راح عامل و هو بعدها الضحكه بوجه تقرب مني و كال ب ابتسامه

رمح: فدوه تخبلين من تخجلين

رفعت عيوني اباوع عليه تهت ميلت راسي واني عيوني فاضحتني ابتسمت عليه ضلينه هيج اني اباوع لعيونه و هو يباوع لعيوني فززنه صوت موبايل طلعه من جيبه جان مكتوب ( ساره A ) باوعلي واني عيوني على موبايل رفعت راسي اله قفل موبايل خلاه ب جيبه شي اكيد هاي حبيبته المجهوله

تركته و مشيت كلت يجوز استحى يحجي كدامي ،، رحت لاشتري ملابس هاي اذا عجبني حسيته يمشي وراي

رمح: ممكن طلب

غسق: كول

رمح: خليني اختار الج ملابس يعني البسي على ذوقي شنو رايج

غسق: خوش ،، اختار

تركني راح لغير اتجاه رحت وراه شفت يختار من الوان احمر و رماني شال بيده قطعه مثل برجسون معرف اشلون اوصفه يعني هو قطعه وحده و احمر غير تجنن والردان ثلث ارباع اخدهه انطاه للعامله ويه غراضه اجى اخد غراضي مني هم انطاه الهه مدري وين اخدت الغراض و راحت احنه افترينه مول كله اخدت هواي غراض أكثرهم على ذوقه

رمح: امانه بركبتج كولي اذا ميعجبج ارجعهم والله عادي جدا جدا

غسق: لا ونبي يخبل ذوقك ،،، نيال حبيبتك

رمح: ههههه ترى انتي هم نيالج مو اربع و عشرين ساعه يمج بعد شتردين

بهمس ،، غسق: هو هذا اليقهر