الموت على قيد الحياة

Part.. 24

#الموت_على_قيد_الحياة

للكاتبه: فاطمه علي

_________________

غسق-

صدمه على الاستغراب على المفاجئه على صفنه كل شي صار بلحظه وحده جنت جامده عالاخر لان ما عرفت شصار يعني كل هاي فتره جان يحبني الي؟
لا لا مستحيل يجوز متوهمه بعد صفنه طويله والصدمه جبيره استوعبت اني بحضنه و هو مخلي كفوفه لخدي وخرت منه واني اعدل بملابسي

غسق: ممكن تفهمني شصاير؟

رمح: غسق حبيبتي مجهوله هي انتي

فتحت عيوني لكبرهه،،،

رمح: اي اي هي انتي،، انتي حبيبتي الي احبه من سنتين و محد يعرف،،

حك رگبته و راح كعد عالقنفه شبك ايديه لبعض شال راسه اشرلي اكعد كدامه رحت كعدت و انتضرت يحجي كل شي،، حسيته متوتر مدري فرحان جانت ايده ترجف،،

رمح: مره من مرات اجيتي لابسه ملابس اسود و مكياج خفيف و لابسه بوط و بيدج موبايل والاوراق والسماعه نبض مدنكه راسج لموبايل مشيتي من يمي جنتي كلش معصبه مدري ليش هنا من مشيتي من يمي سرت بروده بكلبي ركزت بكل حواسي وياج
هنا انعجبت بيج

من خطفوج الما يخافون الله عرفت مكانج وين لان حياء هاي مكانهه مال... عيب اكوله وانتي تدرين

من صرختي زرفتي گلبي زرف سمعت صرختج رجفت من ساسي لراسي الطريق شطوله صارلي هنا حبيتج

مره من مرات جنه مجتمعين علمود عمليه كبرى الجراحين والجراحات اجتمعنه علمه يخلص اجتماع انتي ما شلتي عيونج لاحد و من جنتي تحجين جزتي تفكرين بعدين يلا تنطقين من يسألونج دقيقه يلا تجاوبين حبيت ذكائج و اخلاقج ويه رياجيل
هنا عشقتج،،،

جنت اخاف اعترف الج وانتي يوميا تتعاركين وياي و متحبين رجال بحياتج و شحده واحد يباوعلج بنظره غلط خفت اخسرج و اخسر صداقتج كلت خلي مع الوقت كل شي حلو بوكته،،،

سنتين كامل حبيتج،، عشقتج،، ادمنتج،، غسق انتي صرتي تمشين هنا،،

جان يحجي و يأشر على وريد نبضاته،،،

رمح: من رحت لبصره خليت ايدي على گلبي خفت اخسرج مدري ليش صابني احساس انو اني راح اخسرج لهاي سبب كبل اعترفتلج من اجيت ماريدج تروحين من ايدي

غسق: جان حجيت من بدايه ليش ضميت؟ بعدين اني مو مال عشگ تدري بيه ما احب،،،
رمح اني هم ماريد اخسرك بس من طرف صداقه مو حب فهمتني اشلون؟

صفن بوجهي ضاج كلش ضاج،،

رمح: ترفضين حبي الج؟ ترى ما استاهل واني سنين انتضرج

غسق: ما ارفض لا ولا اقبل بس انطيني وكت،، شغله ثانيه اشلون تتجرئ تبوسني هاا

جان ضايج رخى ملامحه و ابتسم،،