الموت على قيد الحياة

Part.. 17

#الموت_على_قيد_الحياة

للكاتبه: فاطمه علي

----------------------------

محمد: هذا شبي شو متكسر بـ كل مكان بـ جسمه ...
شوفو مستحيل يعيش هم ما يتنفس هم مبين عليه مضروب من زمان مو جديد دمه متبيس بـ وجه

غسق-

تركتهم و مشيت لو يموت ما يرفلي جفن اصلن فرحت عاشت ايد الي سوه بي هيج .. بس اختنكت لان تذكرته .. استغفرالله يربي و اتوب اليك ... رحت
لـ مكتب اخدت موبايلي و طلعت .. اشتريت قهوه بارده كعدت جوه شجره

نص ساعه ضليت وحدي حجيت ويه اهلي و غصن
بنت اخوي مريضه حرارتهه مرتفعه متنزل كتلهم يجيبونهه يمي لـ مستشفى سديت خط ارتحت شوي

كمت مشيت لـ مكتبنه وصلت يم باب سمعت محمد و رمح يسولفون وكفت ما دخلت

رمح: ما توقعت يجيبونه لـ هاي مستشفى .. بس اتمنى يعيش حتى اكمل شغلي

محمد: ريحت گلبك .. بس احمد الي لا تتقربله اني انطيه درس

رمح: هذا شارد لـ خارج اربيل وين مندري

دخلت لـ مكتب همه سكتو واني هم سويت روحي ما سمعت شي ضلينه كاعدين نسولف بس بلا خلك ساعه دخلت هدوء والضوجه واضحه بـ وجهه جانت ناقصه و اكتملت حست اكو شي بس لان ضايجه ما سالت ولا حجت
شوي و اجت ممرضه بـ خبر

ممرضه: دكتور رمح هذا دكتور رامي وضعه صعب جدأ .. راح ياخدوه لـ دكتور +++++ هو يعالجه يعني دكتور خصوصي

رمح: بـ كل هاي مستشفى ماكو دكتور كسور شاطر

ممرضه: بلي اكو بس دكتور عصام رفض احد يعالجه كال هذا ميتعالج بـ مستشفى تبعي طلعوه

رمح: هسه شنو المطلوب مني

ممرضه: دكتور كسور كلي دكتور رمح قريب لـ دكتور عصام خلي يجي يقنعه نعالج دكتور رامي ما ندزه
لـ خارج

رمح: مالي دخل اني بـ هاي سالفه تكدرين تاخدين راحتج

راحت و هدوء فاكه حلكهه متعرف شكو .. الي عرفته محد يدري منو جان خاطفني غير محمد و رمح و مدير واني ما حجيت حتى لـ هدوء لان ماريد اجيب طاري سالفه

ضليت ادك عالمكتب بـ قلم و صافنه بالي بغير مكان
شوي حجى محمد لـ يغير الجو تركته اخدت الاوراق اعدل حجز ناس لـ عمليه

خلصت خفاره رجعت لـ بيتي بنت اخوي مريضه فد مره جنت تعبانه حيل منايمه زين اسريع كتبت وصفه علاج الهه انطيته بيد امهه لـ يشترون علاجهه ... صعدت سبحت طلعت من حمام لبست فانيلا لحد الركبه ونمت يوم كامل نمت ما كعدت حتى عـ اكل

من كعدت صليت قضاء كملت نزلت جوه
شفت امي توهه تصب دولمه و ريحه تموووت

غسق: اافييشششش شهل ريحه ،، اكو خبز حار
.
الاء: اي توني خبزت