الموت على قيد الحياة

Part.. 10

#الموت_على_قيد_حياة

للكاتبه: فاطمه علي

_____________

--مشهد من البارت بعدهه

فتحت عيوني والضربه براسي تاذيني عيوني مغوشه كلشي ما اشوف اخدت دقائق يلا ركزت عيوني بنظرهه

اني بـ غرفه نوم بس مقيديني بالكرسي واكعه لكاع اني والكرسي سويه اريد اكوم ما اكدر لاحظت شعري طالع حجابي ما هيه

عقل ما ضل براسي كلشي ولا ستري و شرفي هسه شسوي حلكي هم سادينه ب حبل انوب مو شي قماش حبل صغير داخل حلكي

حلكي نزف من شدت حبل اريد ابلع ريكي ما اكدر تأذيت حيل انتضر احد يجي انتضر يجي الخاطفني بقيت واكعه بالكاع و مقيده

اني و لا حول الله ما خليت دعاء ما دعيته عسه ولا عله يجي وحده مو واحد لن كتفي طالع و شعري طالع ركبتي و صدري كلشي بيه مفضوح

يربي دخيلك يا علي دخيلك يا حاضر الشدايد انقذني كن منقذي احمي شرفي و ستري

نزلت دمعتي واني افكر بـ حال اهلي اذا سولي شي ولد الحرام امووووت والله اموووت

شوي و نفتح باب ركزت ثنين رجال و بنيه

شوي شوي وضحت شكولهم انصدمت

: انتو??????

______________________________

غسق: ابتسمت لرساله ضميت موبايل مشيت يمهم اول شخص عايدتني هي امي بعدين واحد واحد عايدوني

الكل جايب هديته وياه حتى مدير كلش فرحت و تونست بهاي اليوم عجبني جيتهم ما انو همه الغريب عليه بس شاركوني فرحتي
اجت غصن يمي تهمس

غصن: ولج هذا دكتور عصام يشك المطي

غسق: انجبي لج عيب

غصن: والله اشبيج حتى دكتور رمح كلش ثكيلين ما رفعو عينهم علينه
خوب محمد يشبه كاران سبحان الخالق شبه بيناتهم

هدوء: عبالي بس اني ازحف طلعت غصن هم مثلي

ضلو يزحفون واني مشيت عند ابوي لن صاحني رحت يمه انطاني علبه كلللش صغيره فتحتهه تفاجئت كميه حجم هديه رفعت راسي عيوني مدمعه بـ فخر

رحت لحضنه حضني حيل باسني من راسي بسته من خده

غسق: شكرا حبيبي انت الشكر من اعماق قلبي

وخرني من حضنه خلاني جوه ايده واني حاضنه خاصرته

ابوي: بما انو حققتي حلمج پ شهادتج بقت على سياره ترخصلج ابويه انتي

من كال سياره محمد غص بالمي ضل يكح رمح يضرب لضهره و يضحك

رفعت هديتي هي سويج عليه علامه (تاهو) من شافه محمد ضل متصنم هدوء نخرست من شفت منظرهم متت ضحك