الموت على قيد الحياة

Part.. 28

#الموت_على_قيد_الحياة

للكاتبه: فاطمه علي

_______________________

غسق

شيريد يسوي بعد؟ مو كسرني و هضمني و اذاني و حطم قلبي؟

ليش ختمها بقتلي؟

____________________

رمح -

دخلت بنص حافلتين والنار صعد لسما،، سياره غسق تحترك،، ما ادري شلون نزلت من سياره لان تركتهه تشتغل فتحت باب و سياره تمشي،، اسريع ركضت لسيارتهه ما اكدر لان النار صار فد مره الدنيا احتركت،، ناس تدفع ناس حتى تنقذ الي جانو بالحافلات بس اني الي اريده اول لسياره غسق شفت مغميه عليهه و هي بنص النار،، جانت راسهه واكع لستيرن و فاقده وعي،، احس كل هذا نار بصدري،، اجت شرطه خلال دقائق من حادث مدري شكد طول اجى اسعاف،، منعوني من قرب لسياره،،

ما اهتميت رحت من جهه ثانيه بس ما اكدر جانت ايدي ترجف ما اكدر افتح الباب،، اجو من شرطه فتحو باب سياره غسق لان هي وحيده مخطره الكل انقذو الي جانو بحافلات محد بيهم شي الا،، غسق

نزلوهه من سياره خلوهه عالسديا الاسعاف و لكاع،، تقربو فحصو نبضهه و أنفاسهه و يخلون عليهه الجهاز التنفس،، كل هذا واني جامد بمكاني ولا عبالكم اني جراح و دكتور انقيدت ايدي،، و احس گلبي راح يطلع من مكانه شالوهه للاسعاف الله شاهد عبالي روحي شالوهه من جسمي ركبت وياهه اجيت افحصهه اشوف شبيهه بس منعوني كالو حالتك متسمح تلمسهه،، يمكن لان وجهي تغير من خوفي الهه و جسمي يرجف
وصلنه لمستشفى نزلنه انتو طلعتو بطريقي ما خليتوني اطب وياهه للعمليه

محمد: بس يا رمح ممنوع تعرف شنو يعني ممنوع روح شوف روحك بالمرايا صاير اصفر و شفايفك ابيض و يرجف،، كوم لاشوف اكيد تتخطى الخطر غسق قويه ما يكسرهه شي،

ما تحملت عطت باعلى صوتي لان من شفت غسق انكسرت مليون كسره و خصوصاً من رمح حجى السبب هجمت على رمح احجي و ابجي و اشهك و اعيط تخلطت كل شي بيه سويه،،

هدوء: لك الله يخرررب بيييتك انشااالله كل عمرررك ماااا تشووف خيير لك رووح عساااك بنار الجهنم الله لا يراويك الخير ياااا رررممح
لك ياااريت انت بمكانهه ياااريت صرت اتمنى اشوفك بدال المكروده الي نايمه بغرفه عمليات مندري تصحى لو لااااا،،، للك تدررري لك تدررري الف كزاز داخل بجسمهه،، لك تدري رجليهه و ايدهه مكسورات و صدرهه متأذي

لللكك يااا رررممحح عسااااك بجهنم ياااررييتت تموووتت،، روووح رررووحح ادعي ما يصير الهه شي لا والحسين الشهيد موتك بيدي يا قاااااااتل