الموت على قيد الحياة

Part.. 37

#الموت_على_قيد_الحياة

للكاتبه:فاطمه علي

__________________

غصن-

انغمى عليه مدري شكد و كعدت مسطوره احس براسي اكو نغزات و ثكل،، اتلمس رقبتي توجعني، لاحظت اني بنفس بمكاني الي وكعت بي،، كل شي ماكو بغرفه هسه لو انزل احجي لاحد يصدكوني لا والله ما يصدكون لان عبالهم متأثره بالقصص

كمت على حيلي بالكوه امشي جسمي متكسر وصلت يم باب حسيت هيئه شخص وراي،، رجفت و رجليه ما تشيلني اريد ادير وجهي بس اخاف صار حركه بغرفه مثل طلقه فتحت الباب و نزلت جوه امي بعدهه ما جايه

فتحت باب ايناس تسبح ابنها،، رجعت عند الاء ماكو دورت عليها ماكو بكل البيت،، شفت بنتها كاعده وحدها

غصن: وين امج السعلوه

فدك: راحت لجارتنه كالت هسه اجي

غصن: شعدها يم جاره

فدك: ما ادري يا عمه

غصن: و شبيج متعصبه،،،

فدك: عمه اخاف من ماما دوم تصيح عليه مرات تضربني اني و دلوڤان

غصن: وينه اخوج

فدك: طلع عند عمه شمس تقريه

غصن: فدك اكلج شي بس لا تكولين لماما

فدك: كولي عمه

غصن: امج تجيب شغلات من خالاتج؟

فدك: مثل شنو

غصن: انسي حبيبتي،، بعدين اكلها لجدو حتى يأدبها ما تمد ايدها عليكم

فدك: لا فدوه لا تكولين لاحد مره كلت لبابا من طلع من بيت اجت ضربتنه خلتنه يوم كامل بلا اكل

هزيت راسي مستحلفه بيها طمنتها ما اكول لاحد و طلعت من غرفتها نزلت لامي توها اجت من سوك،، كمت اعزل وياها و هي تحضر اغراض لتسوي نذرها،، سمعت صوت طكه باب بس محد دخل،، مشيت مديت راسي محد اكو انداريت فازه،،

غصن : أعوذ بالله هاي شبيج يمعوده خوفتيني

الاء: اووي صايره نازوكيه عيني

أم مهيمن: الاء سدي حلكج و تعاي نزلي هاي جدريه من فوك

الاء: و شبيها بنتج ما تنزلها

أم مهيمن: الاء لا تكرري كلامي سوي الي كتلج عليها يلا اسريع،، وانتي يمه صيحي شمس خل تجي تنضف ذني و تساعدج بالشغل

غصن: لا يمه شمس عدها امتحان عوفيها دتقرء هي سادس لازم ما تشيل راسها من كتاب

أم مهيمن: جا روحي دكي باب لايناس خلي تجي

هزيت راسي اي و طلعت لفوك من شفت غرفه غسق انقبض صدري،، تجاهلت و رحت صحت ايناس جابت ابنها و نزلت ويانه تتعاون كملنه الاكل والشغل للمغرب امي كالت خابرو يزن يجي ياخده للفقراء